عاوز عنوان ميكانيكى كويس فى اسكندرية

**teto2007** · 19-10-2009 11:14 PM

السلام عليكم ممكن لو سمحتم يا اخوانى حد يدلنى على ميكانيكى شاطر وعندة ضمير عشان اروحلو انا من اسكندرية وانا عندى عربية 128 وفى طلب اخر معلش عاوز حد بيفهم فى الفتيس عشان عندى صوت فى الغيار من التالت الى التانى وتقريبا كدة الغوايش فيها مشكلة وشكرا جزيلا ليكم ارجو اعطائى عنوان ورشة الفتيس ايضا وشكرا

**misoalex** · 20-10-2009 03:18 PM

انا اضم صوتى لصوتك برضه انا عندى 128 وفيه حبه حاجات عاوزه تتظبط وعاوز واحد فاهم او مركذ صيانه محترم مش نصابين وبيشتغلونا وخلاص

**zastaffa** · 21-10-2009 10:20 AM

انا علي فكره مش من اسكندريه ومقدرش افيدك بس في حاجه خليها في باللك هي ان فتيس ال128 خمسه غيار غير المارشيدير طبعا ب700جنيه او الحدود ديه فلو فكيت الفتيس ولقيت تصليحه هيتكلف اكتر من 350 مثلا النص يعني هاتلك واحد استيراد وطبعا متروحش لوحدك وخد الميكانيكي معاك واول 3 ايام بعد متشتريه طلع عين العربيه لف ومطالع وجربه كويس جدااااااااا عشان بعد كده لو طلع فيه حاجه البياع مش هيعرفك لو عملت ايه وهيستحل الفلوس ولا هيهمه وانت عارف شعبنا يا مان

**mahmoudbadr** · 21-10-2009 01:24 PM

إن شاء الله طارق عباس شارع الاسكندر بجوار الاكاديمية
أنا بصلح عنده الدايو و بشوف عنده كل العربيات

**misoalex** · 21-10-2009 02:25 PM

إن شاء الله طارق عباس شارع الاسكندر بجوار الاكاديمية
أنا بصلح عنده الدايو و بشوف عنده كل العربيات

بس اسعاره ايه وشغله ايه نظامه بيعمل الحاجه بضمير ياريت تدينا معلومات اكتر

**IBASRY** · 22-10-2009 12:32 PM

فى ميكانيكى فى شارع البلبل متفرع من شارع مصطفى كامل فلمنج و يعتبر 1 شارع بعد ش لفيزون و اسمة جورج الابيض و اسعارة كويسة و ممتاز ججججججججججججدا

**teto2007** · 22-10-2009 12:55 PM

شكرا اخوانى على الرد بس عندى سوال اعرف ازى ان عربيتى 5 غيار غير المارشيدير انا لسة شاريها وموديلها 128 م 91 جراند لوكس انا من ساعة ما اشترتها وانا اعرف انها اربعة غيار غير المارشدير هل ممكن تكون خمسة غيار غير المارشدير ارجو الافادة وشكرا لكم