الموضوع: ممكن مساعدة بخصوص فيات 128 مو 79

شكرا ياجماعة على المساعدة و انا هاتكل على الله و هاروح اكشف عليها عند حد محايد غالبا هاتكون البنزينة انا اسمع ان بنزينة شل كويسة ولا ا ايه رأيكم؟ :?: :!:

السلام عليكم
الأخ الفاضل أعتقد إن سعد 18 او 19 ده عالى جدا على موديل 79
إلا لو العربية معمول فيها حاجات اكسترا
على العموم أنا لسه شارة 128 من يومين موديل 83 حالتها حلوه جدا فيها كاوتش عريض وسنتر وانزار وتاره اسبور ومعمولها سمكره ودوكو بالكامل وعفشتها حالتها كويسة والشاسيه سليم 100 100 وعامله 19 ونص الحمد لله
اعتقد العربية دي رنجها 16 او 17 بالكتير اوي وهاتلاقي اعلانات كتير لموديلات السبعينات بالأسعار دي وفيها أوبشنز متظبطه يعني

شكرا للأستاذ zalabany2007 و بصراحة كلام حضرتك مقنع ياريت ياجماعة اللى عنده عربية128مو من 82-86 حالتها كويسة و سعرها معقول يعرضها
شكرا للجميع :-) ;)

بص عشان أنا دخت كتير على ما لقيت عربية كويسه
عندك مواقع زي
car100100.com
carmisr.com
http://contactcars.com/
وطبعا الإعلانات المبوبة بتاعة مصراوي والوسيط
ونصيحة من أخ أي عربية خلاص انت ارتحت لشكلها ولونها وحسيت حالتها معقوله ولازم انت ترتاحلها نفسيا
تعمل حاجتين مهمين قبل ما تدي لصاحب العربية اي كلمه تستخير ربنا سبحانه وتعالى كويس جدا وترفع العربية في بنزينة بيعملوا عليها كشف شامل وفي بنزينات كتير بيعملوا كده انا رفعت في بنزينة شل اللى فى أول شارع الهرم على الشمال الكشف ب 77 على كل حاجه فى العربية الموتور والشاسية والكبالن والعفشه بيدو تقرير ممتاز وصادق عن العربية ومحتاجه ايه يتغير
وربنا يوفقك ملاحظة ما تهتمش اوي بالكماليات اد أساسيات العربية يعني ما يغركش ان العربية ازاز كهربا وسنتر وانزار ممكن تكون جايبه شاسيه
وحاجه تانية موضوع العربية راشه دواخل او لا ما بتفرقش كتير طالما شاسيه العربية سليم وأساسيتها سليمه بس اكشف عليها فى البنزينه كويس انا عربيتي راشه دواخل نضافة وصاحب العربية حلفلي بكده والفيصل كان الكشف في البنزينة

اسف البنزينة اللى كشفت فيها اللى فى اول الهرم على اليمين وانت جاي من الجيزه