سؤال عن اللون البترولى؟؟

**OSHA** · 20-10-2009 02:12 AM

انا مش عارف ايه اللون البترولى فى الاسبيرانزا شكله حلو ولا مش اد كده لو فيه حد شافه با ريت يفدنى عشان المعرض بيخيرنى بينه وبن اللون الاحمر

**OSHA** · 20-10-2009 09:05 PM

??????????????????????

**seeker** · 20-10-2009 10:21 PM

اللون البترولى هو بين اللبنى الغامق و الكحلى الفاتح جدا .. وفى منه اكتر من درجة .. لازم تشوفه على الطبيعة علشان تحدد اذا كان عاجباك ولا لأ .. وملهوش علاقة خالص بالاحمر .. دى مدرسة ودى مدرسة تانى ..وفى الآخر الموضوع اذواق .. اختار اللون اللى يريحك نفسيا
بعض المعلومات عن كام لون تانيين لو عاوز تحطهم فى اعتبارك :

الاسود هو ملك الالوان واشيكهم .. بس هو مناسب للعربيات الكبيرة اكتر من الصغيرة .. ومن عيوبه ان الخرابيش والخدوش بتبان فيه اوى .. وكمان لازم يتنضف كل يوم علشان يبان ويلمع .. ومتركنش فى الشمس كتير علشان بتطفى اللون بعد فترة

الفضى هو اكثر الالوان عملية ومناسب لجميع الاحجام ومبيبانش فيه الخدوش زى الالوان الغامقة

الدهبى الفاتح (الشامبانيا) : شيك جدا لو عندك زجاج فيميه او ملون وغالبا بيزود سعر العربية الف او اتنين عند حجزها جديدة

الابيض : مريح نفسيا وبيدى وسع وحجم للعربية بس عاوز نضافة مستمرة برضه

ارجع واقولك اختار اللون اللى مريحك نفسيا وربنا يوفقك