optra vs megan2 vs elantra 2006 vs sunny 2006 vs lancer 2006

السلام عليكم و رحمه الله و بركاته
كيفكم ..
برجاء من ملاك هذه السيارات الرد للاهميه .. انا مقدم على شراء سياره مستعمله فى حدود ال 65 _ 70 الف فتقريباً ان دول المتاحين قدامى
و طبعاً ذى اى حد عايش فالمحروسه فهيبقى محتاج عربيه استهلاك البنزين ذى الفل و قطع غيار معقوله و معمره او غاليه حبتين بس تكون معمره و طبعا متكونش بتاعت مشاكل :khd: مش كل شويه اعطال يعنى .. ناس كتير رشحولى النترا 2006 وهنا فالمنتدى كله بيشكر فيها بس بالنسبه لقطع الغيار محدش كاتب عنها حاجه .. و الاوبترا صاجها مش عاجبنى .. انا ميال للميجان بس قطع الغيار و الصيانه مقلقانى و اكيد لازم توكيل و مش اى حد بيفهم فيها ... ها ترشحولى ايه .. و ليه :Oc_sun1[1]: و شكراً

طبعا الميجان أفضلهم

بس طبعا لازم الاهتمام والصيانه

وبص بصه على اسعار قطع الغيار والصيانه فى قسم رينو وشوف هاتناسبك ولا لأ

اللانسر والالنترا والاوبترا قريبين من بعض

خد اللى حالتها أنضف ومش محتاجه مصاريف

والصنى لو يابانى تدخل معاهم ولو تقفيل مصرى تبقى اخر اختيار

احسن حاجة الميجان
لكن انسب حاجة بالنسبة ليك اللانسر قطع غيار رخيصة ومنتشرة وصناعات مختلفة باسعار مختلفة واستهلاك بنزين قليل بالزات لو 1300
وصاجها مش وحش يعنى و اليابانى وطول عمره و تحمله للطرق المصرية واى ميكانيكى بئى يفهم فيها من انتشارها

الف شكر .. بس سؤال معلش .. هو الاوتوماتيك فالميجان فيه مشاكل ولا ذى الفل ؟