الي مالكي الكارينز نرجوا الافاده ثلاث حوادث للكارينز من الامام ليه ؟

**hanaafawzy** · 20-10-2009 04:38 PM

اقولك على حاجه لو الحوادث ديه مش جامده ممكن يكون السبب ان مش بتشوف بوظ العربيه من ادام وفيبقى عندهم سؤء تقدر للمسافات انا استلمتها من يومين وسوقتها مره واحده بس وبرغم انى طويله مكنتش شايفه بوظ العربيه ومحدش يضحك على كلمه بوظ

**Ahmed R08** · 20-10-2009 06:51 PM

قضاء وقدر...

**Rsarabia** · 20-10-2009 07:30 PM

ايه علاقة الاى بى اس بالموضوع ؟؟ و هى الاى بى بس لو موجودة هتحوش الحادثة ؟

**m_a_gamal** · 20-10-2009 10:32 PM

100 100 يا دكتور أحمد، انا كنت لسه بفكر اكتب موضوع عن ال abs وحقيقة تاثيره على الفرامل وهل هو ضروري لدول زي مصر والدول العربية ولا لأ.
هو اساسا ضروري للدول اللي طرقها زلقة يعني الدنيا بتمطر كتير او بينزل جليد، لكن اغلب الدول العربية جوها حار جاف اغلب السنة.

**yoko** · 20-10-2009 10:58 PM

المشاركة الأصلية كتبت بواسطة m_a_gamal

100 100 يا دكتور أحمد، انا كنت لسه بفكر اكتب موضوع عن ال abs وحقيقة تاثيره على الفرامل وهل هو ضروري لدول زي مصر والدول العربية ولا لأ.
هو اساسا ضروري للدول اللي طرقها زلقة يعني الدنيا بتمطر كتير او بينزل جليد، لكن اغلب الدول العربية جوها حار جاف اغلب السنة.

هو الفكرة في إن الأرض فيها تراب بالذات للي زي حالاتي كل يوم على الدائري

**أبــوحبيبه ونور** · 21-10-2009 11:28 PM

المشاركة الأصلية كتبت بواسطة alkhawga

السلام عليكم ورحمة الله و بركاته

حاجه غريبه جدا الكارينز لسه مكملتش 6 شهور نازله والله شفت عربيتين مخبوطه من الامام مش عارف ايه الحكايه بالضبط وقلقان جدا لان العربيه مفيهاش abs فرامل ولا وسائل امان
نرجوا من مالكي الكارنز الافاده بدقه وبسرعه لان فيه ناس كتيير حتستلم اليومين دول

انا اول يوم استلم فيه العربية ركنتها وانا طالع العماره سمعت صوت عربية بتخبط فى عربية تانيه قولت لنفسى مستحيل تكون عربيتى عشان اولاً انا راكن بينى وبين العربية اللى قدامى اكتر من 2متر وثانيا الدنيا فاضية تمام يعنى مستحيل اى حد ممكن يخبط عربيه ركنه بالطريقة دى المهم نزلت بعد ساعتين ببص على العربية لقيتها عربيتى اللى اتخبط ومن الامام

اعتقد ان دا ملوش اى علاقة بفرامل ال absنهائى
وعلى فكرة انا بشوف عربيات كارنز كتير جدا وعمرى ما شفت عربية فيهم مخبوطه سوا من الامام او الخلف ربنا يحفظ الجميع

**samehkadous** · 22-10-2009 09:02 AM

انا عربيتى الكارينز اتخبطت من الخلف هل معنى كدة ان الفرامل جامدة (الى خبطتنى عربية فرنا)

**أبــوحبيبه ونور** · 22-10-2009 12:26 PM

المشاركة الأصلية كتبت بواسطة yah

الراجل قال الكلمتين ومش لاحق يرد على مين
بصراحة انا مستغرب ان الكارينز ازاى مش abs

يا استاذى العزيز المنتدى هنا عشان كل واحد يقول رايه ويرد على اى موضوع منشور دون تجريح او خروج عن المالوف ومش معنى ان فى ناس كتير معترضه وبترد على راى حد فى موضوع يبقا مفيش فرصه انه يرد.

ولى كام سؤال عند حضرتك

اولا - هل كل العربيات الموجودة فى مصر فيها abs
ثانيا - هل وجود ال absيمنع حدوث اى تصادم او خبطه فى العربية
ثالثا -هل معنى ان العربية مخبوطه من الامام يبقا المشكلة عدم وجود ال abs
مستنى رد حضرتك

**aymanyouness** · 22-10-2009 08:32 PM

كلام كتير من غير فايدة مش معنى ان السيارة فيها اثار تصادم من الامام او الخلف يعيب العربية لا دة يعيب الى يقودها فى عربيات عمرها اكثر من 30 سنة ولا يوجد بها تصادم من الامام او الخلف ومكنش فيه تكنولوجيا صناعة السيارات مثل اليوم انا شفت عربية jeep عاملة حادثة تثبت عدم وجود فرامل اصلاا ولا عوامل امان كله يتوقف على السائق