واحده من المواسير اللي خارجة من الموتور للفرن فيها شرخ

**asbeats** · 20-10-2009 02:46 AM

السلام عليكم...

العربية عندي صوتها عالي بطريقة مستفزة...زي ما يكون فيه حاجات بتخبط في بعضها...وللأسف انا من النوع اللي ودنه حساسة جدا لأي صوت مش طبيعي في العربية...وفيه كمان صوت زي تنفيس كده

المهم...رحت لواحد بتاع شكمانات كشف على الشكمان ملقاش فيه اي خرم...فك الصاجة اللي فوق الفرن دي...لقينا واحدة من الموالسير الأربعة اللي واصلة بين الموتور والفرن فيها شرخ واضح...كان للأسف ملحوم واللحام فك...الله يسامح اللي باعلى العربية بأه لأنه خبى عني عيوب اكتشفتها مع الوقت...

السؤال دلوقت...ايه الحل في المشكلة دي؟؟؟

الحمها تاني؟؟؟
ولا اغيرها؟
ولو غيرت ايه اللي هغيره بالظبط؟التفريعة دي بس ولا الجزء ده كله لغاية الشكمان متضمنا الفرن؟
هيكلف كام فلوس ووقت؟

معلش انا بتقل عليكم بس العشم في اخواتي كبير...

**helmy537** · 20-10-2009 09:50 AM

ربنا معاك انا مش عارف حد عن اسعار الجزء ده بس اكيد طنانى هيرد ويطمنك او اى من العصابه اوبل ابو الليل

**N.a.j.d** · 20-10-2009 11:21 AM

باشا انتا لازم تغيرها احسن وريح دماغك اما بلنسبه للاسعار فا دي معرفهاش عشان انا مش بمصر دلواقتي مسافر بره

**asbeats** · 20-10-2009 02:58 PM

انا عارف ان التغيير احسن طبعا...المشكله اني مش عارف هغير ايه بالظبط عشان اعمل حسابي في الفلوس...اصل سمعت ان الفرن غالي جدا...

شكرا يا شباب على الردود...وفي انتظار باقي العصابه يردوا عليا

**ENG\AHMED** · 20-10-2009 03:08 PM

غيرها استيراد احسن
هتغير الفرن كلة من اول الموتور لحد اول فلانشة ورا الرادياتير هتلاقيها تحت الصاجة بشوية

**ENG\AHMED** · 20-10-2009 03:10 PM

انا معرفش الاسعار بس فى واحد اعرفة غيرة فى استرا 1.6 وكان من التوكيل تقريبا مش فاكر اوى كان تقريبا 6000 بس مش متأكد من السعر ممكن يكون مش مظبوط

**asbeats** · 20-10-2009 11:01 PM

المشاركة الأصلية كتبت بواسطة ENG\AHMED

انا معرفش الاسعار بس فى واحد اعرفة غيرة فى استرا 1.6 وكان من التوكيل تقريبا مش فاكر اوى كان تقريبا 6000 بس مش متأكد من السعر ممكن يكون مش مظبوط

الف شكر على الرد

لكن

6000 جنيه.... ده مبلغ جامد اوي

انا كده همشي في سكة اللحام...

هو الشرخ في التفريعة الرباعية اللي بين الموتور والفرن...كده هضطر اغير الفرن كمان ولا ايه؟

**tananybasha** · 20-10-2009 11:10 PM

يا عم الحمها و زود اللحام شوبة عشان ميفكش هتغير الفرن كله عشان خرم يبقى حرام عليك
خللى بتاع الشكمنات يلحمها حديد مش قصدير و انساها خالص لأن ده غالباً كسر
غير انها غالية مش رخيصة استيراد لن يقل الفرن عن 1000 جنيه غير بقى هتجيب طقم جوانات فرن و فك و تركيب
و الحل تروح لبتاع الشكمانات و تستنى العربية تهدى خالص متلحمش و هو سخن عشان الصاج يلم و بعدين باللمبة الأوكسجين يسيح عليها حديد و يجلخ بفرشة ويدى عليها طبقة تانى و انساها و ممكن العربية تدوب و اللحام لو صح يفضل زى ما هو

**tananybasha** · 20-10-2009 11:11 PM

التكلفة لو حراق و حرامى و صنايعى جامد ياخد منك من 50-70 جنيه بكبيره

الموضوع: واحده من المواسير اللي خارجة من الموتور للفرن فيها شرخ

LinkBack

أدوات الموضوع

عرض

-

-

-

-

المواضيع المتشابهه

ازاي تعرف ان اللي سايقه واحده ست ؟؟؟؟؟؟؟؟؟

ازاي تعرف ان اللي سايقه واحده ست ...!!!

كروز فيها فتحة سقف , هل ممكن يكون فيها الموتور الي الايكو تك ؟

معايا سيفيك 92 فيها موتور كامه واحده vtec والمشكله العربيه عاليه 1.8 rpm

حرارة الموتور الخارجية (حرارة عالية خارجة من الكبوت).........

الكلمات الدلالية لهذا الموضوع

المفضلات

المفضلات

ضوابط المشاركة