حسبي الله في بتوع النقل و اللي بييجي من وراهم :@

**khalid_adel** · 23-10-2009 08:42 PM

انا ليا موقف مع نقل كان عمال يجري وطاير وعمال يغرز المهم جيت اعدي من جنبه لقيته كسر عليه (غرزه) ووقفت على الفرامل وكنت حاخبط برضه بس ربنا ستر على فرق مللي طبعا انا قلبي وقف واتنرفزت
جيت جنبه اقوله ايه اللي عملته ده امشي عدل وبراحه لاقيته بيشوحلي وكده قمت سبقته وفضلت ماشي قدامه لحد ما وصلت للكمين اللي كان على الدائري قبل نزلة كورنيش المعادي (للاسف شالوه دلوقتي ) وطبعا الطريق والاقماع بتعدي عربيه واحده قمت واقف في نصه ونازل وطبعا هو اضطر يقف ورايا اول ما نزلت لقيت الامناء جايين عليا زعقت وفولتلهم فين ظابط الكمين ده قام جايلي قولتلو حصل كذا كذا قام خد رخص النقل وركنه على جنب وفضل يهزق فيه وقالي خلاص اتفضل انت وانا حاتصرف معاه
قولت يارب يكون بتاع النقل اتربي والصراحه مكنش ينفع اعمل معاه حاجه افضل من كده صح ولا ايه ؟؟؟؟

**samirayad** · 23-10-2009 08:49 PM

حسبي الله في بتوع النقل و اللي بييجي من وراهم :@

**tutankhamoun** · 24-10-2009 11:37 AM

خلاص ....... أتأكدت بما لا يدع مجال للشك

أن العيب مش على المجنون
العيب على الدكتور اللي اداله تصريح خروج و هو عارف أنه مجنون و مش طبيعي ........

و بكدا بقينا عارفين مين الدكتور ......... و مين المجانين ؟؟؟

**m_elkhishin** · 24-10-2009 12:05 PM

المشاركة الأصلية كتبت بواسطة pro_samir

الحمد لله لاقيتة في طنطا عند ابو حلوة نوع 265 ونوع 290

أهم حاجة تشتري النوع التربلكس بيبقى فيه طبقات بلاستيك عشان لو اتكسر يمسك في بعضه و ميتناثرش

**yousef1978** · 24-10-2009 12:18 PM

السلام عليكم

يا جماعة أرجع وأقولكم الغلط مش في بتوع النقل

دول ماشيين على مبدأ اللي يلاقي قلة أدب وما يقلش أدبه يبقى عبيط واللى قدامه هيضربه على قفاه

الغلط بقى في مين
1- في ضابط المرور اللى بيديهم رخصة بسهولة قبل ما يختبر كل حاجة فيه من مستوى قيادته لمستوى أدبه والتزامه بآداب وأسلوب التعامل اللائق

2- في ضابط المرور اللى بيشوف حاجات زي كده وما يسحبش العربية على إدارة المرور ويلغيله رخصة القيادة

3- على إدارة المرور اللى سايبه السواقين بتوع النقل يحششوا ويترنحوا بالسيارات في طرق معفنة من غير ما يعملوا حملات تفتيش مفاجئة ويختبروا نسبة الكحول في دمائهم

عارفين والله في الإمارات مرة كنت راكب سيارة نقل تابعةو للحكومة وفي طريق مخصص للشاحنات اسمه طريق شاحنات العين الفايضة بيطلع من العين واللى سافروا الإمارات أكيد عارفينه

كان قدامنا سيارة نقل سواقها ماشي على مهلة
وإحنا كان عندنا حالة طورائ بشبكة الكهرباء

حاولت في سائق الشاحنة - رغم إنها مش محملة وحجمها صغير بدون مقطورة - إنه يتخطاه وياخد الحارة الوسطانية ويرجع تاني
قاللي مستحيل
لو تخطيته وأي واحد راكب عربية ملاكي يشوفني من حقه ييجي قدامي ويوقفني غصب عني ويتصل بالشرطة تدفعني ستاشر ألف درهم غرامة وتوقيف للعربية مش عارف كام شهر وتسفرني نهائي من الإمارات وده حالة ما فيهاش هزار ولا رحمة نهائي

لكن لو عايزني أتخطاه لازم أمشي وراه بدون أي تجاوز وبنفس سرعته وأنتظره لما تيجي منطقة واسعة من الطريق على اليمين وأديله إشارة فهو يطلع نهائي من الطريق وانا أمشي في طريقي على اليمين لكن ممنوع استخدام الحارة الوسطى أو الشمال نهائي للنقل إلا قبل التقاطع وعند الدخول شمال أو الرجوع

طبعا أنا كنت جديد ومستغرب من القانون ده وطريقة تطبيقه
لكن من كتر ما شفت من حوادث في مصر قلت بأعلى صوتي

صحيح عمار يا مصر

**Ghamrawy** · 24-10-2009 02:29 PM

البقاء للاقوى فعلا بقينا فى غابة كبيرة و الشرطة مشغولة بالتجسس على الناس و على الانترنت و التليفونات

**pro_samir** · 25-10-2009 08:03 PM

والله يا جماعة مش عارف اليومين دول في إية العربية من ساعة ما جبتها متحكتش

الأسبوع اللي فات دة بقي حافل ما شاء الله كسر الأزاز وبعدين حكة رفرف واكصدام وهيا واقفة وبعدين واحد فتح الباب حكلي الأكصدام اللي ورا من اليمين وانهاردة وانا رايح اجدد و عند عين شمس الطريق وقف لاقيت سواق تيييت بلانوس تاكسي ابيض راح رازع فيا بسرعتة والأكصدام المعجون طرقع من علية

ربنا يكون في عون الناس اللي معاها عربيات زيرو وبيحصلها كدة وأكتر

ويااااااارررررررب ارحمنا من العالم الهمجية دي

المشاركة الأصلية كتبت بواسطة m_elkhishin

أهم حاجة تشتري النوع التربلكس بيبقى فيه طبقات بلاستيك عشان لو اتكسر يمسك في بعضه و ميتناثرش

دة اللي ركبتة فعلا وربنا يستر

المشاركة الأصلية كتبت بواسطة tutankhamoun

خلاص ....... أتأكدت بما لا يدع مجال للشك

أن العيب مش على المجنون
العيب على الدكتور اللي اداله تصريح خروج و هو عارف أنه مجنون و مش طبيعي ........

و بكدا بقينا عارفين مين الدكتور ......... و مين المجانين ؟؟؟

مين هاة ؟