صيانة الـ 15000 وتحية تقدير لدينامو صيانة كيا م/خالد فاروق
يوم الخميس الماضى بلغت سيارتى من العمر 15 شهر وقطعت 15000 كم وحان موعد صيانتها
الثالثة (هذه الصيانة مجانية) لايوجد بها اى تغير للفلاتر او الزيوت - فقط تربيط للعفشة ومراجعة
واستكمال السوائل (تبريد - فرامل - .... الخ)
حجزت قبلها بيومين من الكول سنتر وحددت موعد التاسعة صباحا ذهبت بعد الموعد بحوالى 10 دقائق
كان امامى 3 سيارات - مهندسة الاستقبال سئلتنى فى حجز... ايوه ...الرخصة... اتفضلى ... وقولتلها
كرسى السائق فيه تزيق - عملت الاوردر - وقالت لى ساعة ونصف بالكتير - شكرتها وسئلتها اذا
كان م/ خالد موجود اجابت ..ايوه ...لابسو كرسى السائق كيس بلاستيك وانطلقت السيارة الى الورشة ....
ذهبت الى مكتب م/ خالد ... صباح الخير انا اجى اصبح بس... قابلنى بكل ترحاب ايه الاخبار بتعمل
صيانة الكام؟ .. قولته له الـ 15 خد منى الاوردر وطلب احد الفنيين وملاه رقم الاوردر وقال خلى بالك من العربية
مش عايز فيها غلطة... شكرته واتكلمنا اكتر من نصف ساعة فى نواحى مختلفة عن الوكيل واسلوبهم
فى الصيانة وكيفية معاملة الخليجى واهمية الضمان ... الخ , وسئلنى ايه اخبار المقابلات الجاية
وهو على استعداد تام للحضور مرة اخرى, وكان لديه ضيف اخر حرص على ان يقوم بتسليمه السيارة بنفسه
وكان كثير الحركة والنشاط - شايف شغله بجد - ثم جاءه رجل فى اواخر الخمسين مهذب الحديث
ومصر ان يقوم بدفع ثمن بطارية سيارة سيراتو سبق ان استبدلها فى التوكيل بعد ان اكتشف ان
السيارة بطاريتها فشلت فى ادارة السيارة واصر على استبدلها لان ازاى عربية جديدة وبطاريتها
تبوظ بعد اقل من شهر وقد قام م/ خالد بالاستبدال واكتشف فيما بعد ان سايس الجراج الخاص به ترك انوار
السيارة شغالة طول الليل وبالتالى البطارية ماتت وبعد ان اكتشف الامر اصر على ان يدفع تمن البطارية
الذى اصر على تغيرها وانه بيعتذر لهم وشكره م/خالد على امانته واعتبر ان البطارية المقدمة لرضاء
العميل ومع اصرار الرجل على الدفع اخبره انه سوف يعالج الامر فى اى مرة اخرى - وبعد انصرافه
قالى الراجل ده جه وكان متنرفز جدا على تلف البطارية وماهديش الا لما غيرها له - بس هو بيحيه
على امانته .... الخ ,وشكرت له موقفه وتفهمه للناس - واعتذر لى لانه ماقعدش معايا اكتر من كده
شكرته وقلت له تتعوض ان شاء الله وكان الله فى العون - وخرجت لاستلام العربية وجدته فى الاستقبال
بيتابع استلام وتسليم السيارات بنفسه وسئلنى كله تمام ؟ واذا كان فيه حاجة او اى شىء شكرته ومشيت
تحية تقدير لهذا الرجل النشيط
كان معاكم احمد اسماعيل مراسل النايل موتورز - من كيا موتورز - أبو رواش
