الموضوع: معلومه جديده عن حجز الصيانه بالتليفون

فعلاً لفتت نظري
وهي طبعاً حاجة ايجابية
وإن كنت مجربتش الخدمة عشان أحكم على مدى مصداقيتها من عدمه.
بس فيه حاجة سلبية جديدة لاحظتها
واضح إن السيستم اللي شغالين عليه اتغير بتغيير مركز خدمة العملاء إن كان قد تم أصلاً.
في النظام القديم مكانش الواحد بيضطر يقول حتى رقم تليفونه.
مجرد ما تقول إنت عاوز صيانة ايه بيستدعي الملف الخاص بالعربية عن طريق رقم موبايلك اللي متصل منه لو كان هو اللي متسجل عندهم.
دلوقتي بقى بياخد رقم الموبايل بالرغم من انه المفترض ظاهر عنده
ونوع العربية وموديلها
والأسوأ بيسأل عن رقم الشاسيه.
تصور لو سايب رخصتك في عربيتك زي ما ناس كتير بتعمل هاتضطر تقفل وترجع تكلمهم تاني.
وده كله بصراحة نظام معجبنيش خالص.
المفترض الواحد بيتطور من الأسوأ للأفضل
مش يرجع للخلف.

المشاركة الأصلية كتبت بواسطة mahora

التكنولوجيا كويسة.....بس انا مازلت افضل التعامل المباشر مع العنصر البشرى

في نفس الصيانة دي اتصلت بالعنصر البشري عشان أقدم المعاد يوم لو فيه إمكانية وتم الأمر
لما رحت المركز اكتشفت ان المركز متبلغش إني قدمت معادي يوم وإني مليش حجز عندهم في اليوم ده.
هي صحيح الصيانة اتعملت والعربية طبعاً قبلوها وإلا كان هايبقى لي موقف مشدد لكن انا اضطريت أستنى أكتر من ساعة إلا ربع زيادة على المعاد اللي انا واخده أصلاً عشان عربيتي تدخل.

سلم لي على العنصر البشري يا أستاذ ماهر :)