حسبى الله ونعمه الوكيل
عرض للطباعة
حسبى الله ونعمه الوكيل
المحور و الشيخ زايد بالليل .. مدينة الضباب !!!
و الجو تقيل عالصدر حاجة مش طبيعية .. برضه اللي عملته شغلت التكييف !
الحمد لله...الحمد لله
مطر مطر مطر:)
النهاردة صحيت الفجر على القطة بتاعتنا واقفة فوق دماغي على المخدة و عمالة تخربش في الشيش اللي فوقي....قلتلها خير يا ست الكل؟ فيه إيه شاغلك على الصبح؟
لاقيتها عماله تبص بين الفتحات الصغيرة اللي في الشيش عشان تشوف إيه التكتكة اللي بتحصل بره دي...قمت عملت زيها انا كمان...لأني مكنتش فاهم فيه إيه!
بصيت طبعاً و ملاقيتش حاجة لأنها كانت ضلمة كحل...رغم اني من جوه كان فيه إحساس دفين بالصوت و التكتة دي...
قررت أفتح الشباك ....و كانت المفاجأة العتيدة....
مطر....مطر يا إخوانا...
رغم انه مكانش جامد قوي...بس مطر...أصريت أني أطلع راسي عشان أخد شوية على دماغى...وإتدلقت تاني على السرير و أساريري متهللة :)
النهاردة الصبح و انا نازل من البيت بقى..
عارفين في الأفلام لما واحد يبقى يومه حلو عشان جارته قالتله بحبك؟؟؟ تلاقي العصافير بتزقزق...و السماء زرقاء و الهواء ساقع و نظيف و الشجر بلونه.....هو بالظبط النهاردة كان بالنسبة لي كده :)
كنت في قمة السعادة و انا شايف كل حاجة بلونها الطبيعي...مش مصبوغة باللون الأبيض الكئيب...و المقطم...يا عيني على المقطم و انا شايفه من مدخل المعادي ....و ياعيني على العمارات اللي على الدائري و انا شايفها من الأوتوستراد!!!:)
النهاردة يوم سعيد يا جماعة...انا متفائل...
فعلا النهاردة ريحةالجوة كانت ظريفة جدا وتحس هواء منعش وانت نازل وفتحت شباك العربية الصبح اجدد الهواء جوة العربية
بس انا الاكيو ويزر على الموبايل كان مكتوب احتمال امطار النهاردة
تخيلتها هاتندع بس
طول عمر الفلاحين بيحرقوا القش بس اللي زاد أن نسبة التلوث في البلد زادت بسبب عوادم السيارات و المصانع فأصبح قش الأرز هو القش الذي قصم ظهر البعير !!
و ياريت الحكومة تقلل عدد الافدنة المزروعة بالارز وتزرع مكانه قمح
و الارز من ضمن أشياء قليلة تصدرها مصر للخارج و تعد اكبر دولة مصدرة للارز في افريقيا
لكن لضمان ثبات سعره في السوق المحلي تم منع تصديره من العام الماضي الي الان
اضافة لاستهلاك الارز لكميات كبيرة من المياه اللازمة لزراعته
مما حدا بالبعض الي ان يقول اننا نصدر الارز و المياه معا
هو مش تم منع تصديره
بيتصدر عادي بس في مقابل مايتم تصديره لازم المصدر يورد للحكومة كمية مساوية لما يتم تصديره ..ببلاش
الرز من سنتين تلاتة كان كحكة
و للعلم حبة الرز المصري لا تزرع الا في 3 اماكن من العالم ..مصر و فيتنام و استراليا ..و يتميز الرز المصري بزيادة نسبة النشا فيه عن الفيتنامي و الاسترالي
يعني طلعنا مميزين في الرز هههههههه ، أحمدك يا رب
الف سلامة لكل الناس اللي تعبانة ، والحمد لله الجو ابتدي يتعدل من امبارح