إستفسارين لإخوانى بالمنتدى

**popahly** · 20-10-2009 01:47 PM

السلام عليكم ورحمة الله وبركاته

اخوانى الأعزاء تحية كبيرة منى لكم

عندى سؤالين عن عربيتى اللانوس 99 أكون شاكر ليكم إذا جاوبتونى عليهم

أولا: عندى زيت على خفيف جدا مش تسريب لاكن تشريح بيكون خفيف جدا من على الموتور من برة كدا مع العلم ان دا مكانش موجود ساعة مجبت العربية ومكانتش المنظر دا موجود خالص وقعدت فترة معايا على كدا حسيت انها ظهرت بعد مغسلت الموتور فى البنزينة من حوالى شهر ونص كدا

ثانيا: بعد مبقفل التكييف وببطل العربية امبارح سمعت حاجة زى صوت تسريب غاز كدا نفس الصوت تقريبا تحت الدرج اللى فى التابلوه وبعد فترة صغيرة الصوت دا راح يا ترى دى مشكلة ولا التكييف هو السبب ودا عادى مع العلم التكييف بيسقع وشغال تمام

وشكرا ليكم جدا

**JAM** · 20-10-2009 02:13 PM

اولآ مبروك على العربية وربنا يكفيك شرها

ثانيآ:-
بالنسبة لتعريق الزيت اللى على الماتور فا دا يتوقف على المكان اللى بيجى منه الزيت وتصنيفهم كالآتى:-

لو الزيت بيرشح من عند الغطأ الاسمر اللى فوق الماتور ودا اسمه غطأ التكيهات فا دا بسيطة خالص وهوا انك هتروح لميكانيكى يغيرلك جوان التكيهات وهتتكلف بالمصنعيات مش أكتر من 20 جنيه الجوان ب 12 و 5 جنيه مصنعية.

لو الزيت بيجى من اسفل المنطقة اللى اتكلمنا عليها مسبقآ وبتبقة تقريبآ فى منتصف الماتور ودا جوان وش السلندر ودا بإذن الله إحتمال بعيد لا دا حواراته كبيرة وهتضر انك تفتح الماتور وبيبقة مشكلة بعد كدة (لإننا فى مصر .. العربية اللى غيرت جوان وش السلندر تبقة عربية معيوبة)

ثالثآ وأخيرآ

لو الزيت جاى من عند الموبينة بتاعة الكهرباء فا دا اولسيه الموبينة ودا حاجة بسيطة خالص الأولسيه ب 5 جنيه و5 جنيه مصنعية تركيبه.

أما بالنسبة لصوت الهسهسة فى التكييف بعد إطفائه فهذا طبيعى ولا خوف منه

وأرجوا من السادة م/ سيمرعياد والمستشار محمد ممدوح انهم يعفوا لى اى سهو او خطأ انا كتبته أثناء الرد على التوبيك بتاعتك

--------
م/ أحمد نبيل

**MMamdouh** · 20-10-2009 02:16 PM

مكان تسريب الزيت فين بالضبط؟؟

MMamdouh

**popahly** · 20-10-2009 02:34 PM

المشاركة الأصلية كتبت بواسطة mmamdouh

مكان تسريب الزيت فين بالضبط؟؟

mmamdouh

بشمهندس ممدوح شكرا ليك ومكان التسريب فوق فى الغطاء الأسود اللى مكتوب فيه دايو من فوق

**MMamdouh** · 20-10-2009 02:37 PM

غالبا دة جوان غطا التاكيهات

اشترى الجوان التخين مش الرفيع

MMamdouh

**popahly** · 20-10-2009 02:50 PM

شكرا لمستشارنا الكبير ممدوح ،، وجزيل الشكر ليه اخى مايكل على التوبيكات جزاكم الله كل خير

**popahly** · 20-10-2009 02:56 PM

أرجوكم بس أفيدونى فى موضوع التكييف دا انا شاكر ليكم جدا ريحتونى فى موضوع ترشيح الزيت بس بالنسبة بقى الصوت اللى اول مرة اسمعه امبارح دا لما قفلت التكييف ونازل من العربية سمعت الصوت تسسسسسسسسسسسسسسست جاى من تحت التابلوه قصاد الكرسى اللى جنبى ولما قعدت شوية فى العربية اتابع الصوت دا قبل مسيبها قعد دقيقتين كدا والصوت راح يا ترى دا تنفيس فى مواسير التكيف ولا حاجة ولا ايه بالظبط وارجوكم استحملونى وشكرا جدا ليكم اخوانى المحترمين

**JAM** · 20-10-2009 03:42 PM

لا شكر على واجب... وبالنسبة للصوت الجاى من التكييف ...مفيش اى قلق منه

-

الموضوع: إستفسارين لإخوانى بالمنتدى

LinkBack

أدوات الموضوع

عرض

-

-

-

-

المواضيع المتشابهه

سؤال لإخوانى الى زارو راس سدر

سؤال لإخوانى البيتلزاوية الأفاضل

سؤال فنى لإخوانى البيتلزاوية الأفاضل

هدية لإخوانى مهندسى السيارات كتاب أكواد أعطال السيارات و كيفية إستخراجها

بشرى سارة لإخوانى

الكلمات الدلالية لهذا الموضوع

المفضلات

المفضلات

ضوابط المشاركة