عرض للطباعة
بأختصار يا شباب انا نازل باليل اشترى جنط وكاوتش 16 بس الكاوتش اللى فى المحل تاريخ صناعتة 2006 بس جديد والكاوتش صناعه ايطالى ومنزلش على الارض فأنا قولت اخد برأى شباب نايل موتورز اشتريه ولا لا مع العلم ان مقاس الكاوتش ده مناسب جدا لعربيتى الفيرنا 16\195\45 واللى موجود فى باقى المحلات 16\205\45 :stink[1]:
انتاج 2006 ؟؟؟!!!
طبعا لاء ... واحنا فى نهاية 2009 كمان ده انت لو هتشتريه بربع تمنه
برضه لاء - كمان انت ماتعرفش ظروف تخزينه كانت ايه - سيبك منه
شكرا يا بوب على النصيحه:S_thum1[1]:
ايه إللي يجبرك على كاوتش انتاج 2006 وفيه 2009 موجود في السوق.
الكاوتش من القطع إللي مش ممكن تتهاون في جودتها لأن دي حياتك و ربنا يسترها معانا جميعا
+11111111111111111
اوع تشتريه طبعا!
تحياتي.
طبعا لا
لان المواد المصنع منها الاطار بتتحلل مع مرور الوقت
لا طبعا اوعة تشترية دة بيبقى مخزن زازل مابتركب ويزود هوا بيفرقع
طبعا لا
انت اشترى 09 طبعا واجدد حاجة لانة بيبقى مكتوب على الكاوتش سنة واسبوع انتاجة فى السنة .
بص يا بووووب الكاوتش منتج بيبقى مكتوب علية تاريخ انتاج وصلاحيتة سواء متركب او لسة ماتركبش بتبقى سنتين من ةتاريخ انتاجة واظن انة خلاص عدت الفترة الزمنية اللى الشركات المصنعة بتحددها لا تشترى الكاوتش دة
بلاش سلامتك اهم حاجة ممكن تصبر شوية
بصراحة معلومة جديدة انا مكنتش اعرفها ان الكاوتش له تاريخ صلاحية - طيب يا جماعة الاستبن عندى من 2007 منزلش الارض هل كدة فى خطورة من تركيبه فى العربية لو الواحد اضطر يركبه فى العربية مع الاعتذار لصاحب الموضوع على الخروج عن الموضوع
هو تاريخ الصلاحية مش معناه انه باظ خالص .. بس الكاوتش بيبقي ناشف شوية .. و ده برضه مش كويس
بالنسبة للاستبن.. الموضوع مختلف شوية .. لو علي المشوار لحد بتاع الكاوتش و تاخد بالك من الطريق و السرعة
السلام عليكم بصراحه اول مره اسمع الموضوع ده ممكن حد يقوللى اعرفه ازاى لما اجى اشترى وشكرا
مكتوب علي الكاوتش رقم من اربع ارقام ( أو 3 )
الاتنين اللي علي الشمال هما سنة الصنع
و علي اليمين اسبوع الصنع من 1 - 52
يعني 0812 معناه انتاج مارس 2008
احب اشكر شباب نايل موتورز على الاهتمام والنصائح
احنا هنا عشان نخدم بعض ياجميلاقتباس:
المشاركة الأصلية كتبت بواسطة amrgti
اقتباس:
المشاركة الأصلية كتبت بواسطة mega3050
المعلومة دى مش سليمة العمر الافتراضى لاغلب الشركات المصنعة للاطارات 5 سنوات وبعض الماركات تصل الى 6 سنوات
متشكر جدا على المعلومات القيمه وجزاكم الله خيرااقتباس:
المشاركة الأصلية كتبت بواسطة hegazio