السلام عليكم يا جماعه
انا معايا دايو اسبيرو و كنت عايز اظبت شويه حاجات في العفشه عندي
(الاسكترا عندي فيها صوت مدايقني جدا كل ما اجي الف الدركسيون)
فياريت لو حد يعرف عفشجي كويس في اسكندريه و يكون مجربه
ياريت يقوللي علي عنوانه
و شكرا ليكو مره تانيه
عرض للطباعة
السلام عليكم يا جماعه
انا معايا دايو اسبيرو و كنت عايز اظبت شويه حاجات في العفشه عندي
(الاسكترا عندي فيها صوت مدايقني جدا كل ما اجي الف الدركسيون)
فياريت لو حد يعرف عفشجي كويس في اسكندريه و يكون مجربه
ياريت يقوللي علي عنوانه
و شكرا ليكو مره تانيه
سلام عليكم اخى الكريم انا من اسكندرية فى واحد والله كويس جدا وفوق الممتاز عن تجربة وهو مشهور جدا واسال علية اسمة الحاوى فى القبارى عند الكوبرى انزل هناك وهو اشهر من نار على علم قول بس عاوز الحاوى وها تدعيلى والله اى استفسار انا فى الخدمة
فى واحد فى جليم على الترام 2 شارع سمال و انت نازل على محطة الرمل و على قمة الشارع بتاعة جراج
السلام عليكم ورحمة الله وبركاته
فعلاً الحاوى نمرة واحد ومكانه فى القبارى على شارع المكس تحت كوبرى 27.
بس هو على قد ماهو شاطر على قد ما هو غالى.
وبعدين هو مابيكتفيش بوصفك هو بياخد العربية ويطلع يجربها وبعدين يرجع يظبطها.
أخوك فى الله هانى
شكرا ليكوا يا جماعه جدااا
الله يكرمكوا
في واحد مشهور اسمه علي في تقاطع شارع ٣٠ مع شارع القاهرة مع شارع سيف هو كويس بس أكثر اللي بيروحله بتوع التاكسي وبتبقى لهم أولوية عند الصناعية اللي شغالين(حاجة نفسية كده) هو مش غالي وغالبا بيعمل المطلوب كويس
في واحد تاني قبلي القطار في العصافرة بعد شارع ٤٥ بشارعين في اتجاه محطة قطار العصافرة
وده كويس جدا والناس بتشكر فيه جدا
ياريت على أى الأحوال تروح لحد بتاع زوايا كويس قبل ما تروح للعفشجي عشان حددلك لو في حاجة تعملها بالمرة
بالتوفيق
في واحد مشهور اسمه علي في تقاطع شارع ٣٠ مع شارع القاهرة مع شارع سيف هو كويس بس أكثر اللي بيروحله بتوع التاكسي وبتبقى لهم أولوية عند الصناعية اللي شغالين(حاجة نفسية كده) هو مش غالي وغالبا بيعمل المطلوب كويس.
اوعى تروح لعلى ده عشان منه لله ، راجع الرابط ده انا كاتب فيه شكر
http://www.nilemotors.net/Nile/64581-a.html#post762328
فيه واحد اسمه سيد كونه شغله كويس في شارع قنال السويس ناحيه المساكن
محترم في شغله والناس بتشكر فيه
المشكلة إنه بيدخله يوميا عدد مهول من العربيات ولو عاوز تخلص شغلك لازم تروحله من قبل ما يفتح بساعة على الأقل وتاخد دورك مع الناس اللي واقفة
النقطة بأه إن عنده عدد كبير من الصنايعية وبيخليهم يعملوا الشغل بنفسهم وبيجي في الآخر يشيك عليهم على السريع وبالتالي احتمالية الأخطاء بتكون واردة
بس الصراحة لما بترجعله بالحاجة فيها مشكلة وما اتعملتش كويس بيدلك أولوية ويشد على الصنايعي وما بياخدش فلوس طبعا
عموما القاعدة إنك متشتريش حاجة استعمال من صنايعي عشان يركبهالك في عربيتك بدل حاجة بايظة إلا لما تكون واثق في الصنايعي قوي قوي وممكن تقوله طيب أفكر وآرجعلك وتعرضها على حد تاني لأنه ممكن يكون عاوز يشيلك حاجة تعبانة مركونة عنده
ربنا يرحمنا
ba7ary شكراً ليك كلامك فعلا مظبوط وفعلاً محدش يشترى حاجة من صنايعى بس الحقيقة انا خفت اقوله مش هاخدهم عشان حسيت انه هيعك الشغل كله ويبقى ساعتها السبب انى ما اخذتش المقصات بتاعته.