سيارة كهربائية تقطع 400 كم في الشحنة الواحدة

**itsonlyme** · 20-10-2009 05:53 PM

شركة BYD الصينية انتجت سيارة كهربائية عائلية تقطع مسافة 400 كم في الشحنة الواحدة.

السرعة القصوى للسيارة 160 كم/ساعة و التسارع من صفر لـ 60 ميل/ساعة (95 كم/ساعة) في ثمانية ثوان.

الشحن الكامل يأخذ 7 الى 8 ساعات من مخرج الكهرباء المنزلي.
لكن يمكنك شحنها في محطة خاصة في ساعة واحدة أو نصف شحن في 10 دقائق.

الخبر من بي بي سي

YouTube - BYD Electric Car

YouTube - BYD E6

فاضل بس ان احنا نتكلم عن سعرها.

العربية سعرها 30 ألف جنيه استرليني = 50 ألف دولار = 270 ألف جنيه.
هي موجهه مبدئياً لسوق كاريفورنيا حيث مشاهير هوليوود وأثرياء بفرلي هيلز المعروف عنهم ولعهم بالسيارات الصديقة بالبيئة.
في حال انشارها وانخفاض تكلفة الانتاج سوف تدخل السوق الصينية وربما بقية الأسواق العالمية.

**itsonlyme** · 20-10-2009 05:56 PM

صفحة السيارة على موقع الشركة

**Terrible_DaRsH** · 20-10-2009 06:26 PM

ساعة شحن !! فى محطات خاصة !

كتير اوى ساعة شحن , يعنى الواحد يقعد فى المحطة ساعة يشحن و لو فى بيته يقعد 8 ساعات .

كمان سعرها هيتحط عليه جمارك بالفولت مش ب ال cc :)

**Ahmed Nouh** · 20-10-2009 07:02 PM

على فكره ساعه شحن مقارنه بالعربيات الكهرباء اللى موجوده حاليا رقم رااااااائع وسريع جدا جدا

byd من بين كل شركات الصين فعلا واخده خطوات ثابته فى الجوده والتقنيات , انا سوقت ال f3 الهايبرد اللى كانت فى اوتوماك اللى فات والعربيه كانت اكتر من رائعه وكل اللى جربها مكنش مصدق انها صينى

**itsonlyme** · 20-10-2009 07:10 PM

المشاركة الأصلية كتبت بواسطة ahmed0nouh

على فكره ساعه شحن مقارنه بالعربيات الكهرباء اللى موجوده حاليا رقم رااااااائع وسريع جدا جدا

byd من بين كل شركات الصين فعلا واخده خطوات ثابته فى الجوده والتقنيات , انا سوقت ال f3 الهايبرد اللى كانت فى اوتوماك اللى فات والعربيه كانت اكتر من رائعه وكل اللى جربها مكنش مصدق انها صينى

الظاهر ان شركة byd هي ثاني أكبر مصنع للبطاريات في العالم.

أنت سوقت الـ f3 الهايبرد ولا ركبتها بس؟ احكلنا عن التجربة.

**د.محمود صلاح** · 20-10-2009 09:33 PM

كتير جدا ساعة , لسه بدرى على العربية الكهربائية لما تبقى عربية اعتمادية

**bishoy02010** · 21-10-2009 12:53 AM

ويا ترى هتستحمل تتشحن كام مرة مهى اكيييد ليها مدة زى بطرية الموبيل مثلا مبتكملش سنة وتتغير

**Ahmed Nouh** · 21-10-2009 12:59 AM

المشاركة الأصلية كتبت بواسطة itsonlyme

الظاهر ان شركة byd هي ثاني أكبر مصنع للبطاريات في العالم.

أنت سوقت الـ f3 الهايبرد ولا ركبتها بس؟ احكلنا عن التجربة.

ركبتها فى المعرض وبعد المعرض كان فى تست درايف وجربت العربيه , احساس رهيب انك سايق عربيه ملهاش صوت مجرد زنه خفيفه كدا واستجابه فظيعه فعلا تحس ان الموتور بيقرى انت عايز ايه قبل ما تدوس بس طبعا مجرد ما تحاول تشد الحته البنزين تقوم تفوقك من الهدوء

طبعا انا مجربتش عربيات هايبرد محترمه علشان احكم هى فين من اداءهم لكن بشكل عام العربيه كان باين عليها ملامح التطور أوى وحتى لما قريت عنها بعد كدا وشوفت التقنيات عرفت انها فعلا عربيه مصروف عليها فى التطوير كتير وماشيه فى الطرق الصح البطاريه تقدر تمشى العربيه 100 كم بدون شحن ولو استخدمت الموتور البنزين العربيه بتشحن منه وحسب كلام الشركه ان العربيه تقدر توصل لسرعه 150 كم فى الساعه بدون استخدام محرك البنزين بس يعنى لازم يبقى التسارع بالهداوه

**itsonlyme** · 21-10-2009 01:12 AM

المشاركة الأصلية كتبت بواسطة bishoy02010

ويا ترى هتستحمل تتشحن كام مرة مهى اكيييد ليها مدة زى بطرية الموبيل مثلا مبتكملش سنة وتتغير

فعلاً دي مشكلة كبيرة في البطاريات. البطارية لها عمر افتراضي وبعديها أداءها بيقل وتحتاج تغيير.
والبطارية مش حتبقى رخيصة.

الموضوع: سيارة كهربائية تقطع 400 كم في الشحنة الواحدة

LinkBack

أدوات الموضوع

عرض

-

-

-

المواضيع المتشابهه

شيفروليه فولت .. أول سيارة كهربائية فى مصر

كم جمرك سيارة كهربائية فى مصر ؟

سيارة كهربائية قابلة للطيّ

اول سيارة كهربائية عملية!

تيسلا - سيارة سباق كهربائية 100%

الكلمات الدلالية لهذا الموضوع

المفضلات

المفضلات

ضوابط المشاركة