عرض للطباعة
أخواني الأحبة:
قررت إني أغير كاوتش العربية طبعاً مقاس 14/60/185 المتوفر عندنا هنا في سوهاج كومهو صناعة فيتنام الفردة 260 جنيه، برجستون أندونيسي فوق ال 300 جنيه ، وحاجة اسمها لاسا صيني 270 جنيه، هو مش مكتوب عليه إنه صيني لكن الراجل صارحني بإنه صيني. فأنا قلت أجيب الكومهو الفيتنامي وخلاص وكنت عاوز رأيكم
الكومهو كويس و هو نفس التكنولوجيا مش هاتفرق كتير من كوري لفيتنامي بس ياريتك كنت سألت علي الهانكوك
هات maxxis اندونيسى كويس ومحترم
لقيت نوع تاني الناس بتشكر فيه اسمه نيكسن حد عنده معلومة مفيدة عن النيكسن ده وهو صناعة كوري وأنا شفته في عربيات كتيرة لانوس ونوبيرا خصوصاً اللي جاية استيراد . يا ريت لو حد يعرفنا إن كان النيكسن ده كويس ولا إيه ظروفه؟
انا لسة جايب طقم 15 نانجينج وبصراحة جميل وطرى
وصوتة مش مزعج مع الفرامل وعلى الطيق مش عالى
الفردة كانت ب 340 .... حاسة احسن من الكومهو مش عارف عشان لسة جديد ولا هيطلع كدة فعلا
على فكرة احنا بلديات
ليا اهلى وعمامى فى سوهاج وبسافر حوالى كل سنة مرة كدة تغيير جو
وبقعد فى الشرق اكيد تعرفها اصل سوهاج كلها الفها فى ساعتين زمن
بس مبروك عليكم الكورنيش الجديد ..... احسن امارة اهو
على فكرة الاسفلت عندكم مولع وحاسس ان حجتين اللى يتعايشوا مع ولعة الاسفلت
الميشلان والبريدجستون الاصلى ..... احساسى كدة
الكومهو الفيتنامى كويس,أنا مركبة عندى فى النيو أكسنت,بس أتأكد ألأول من تاريخ ألأنتاج(هاتلقى على الكاوتش دايرة مكتوب فيها تاريخ ألأنتاج بالشكل التالى , 2209و دة معناه ألأسبوع ال 22 من سنة 2009, على أى فردة كاوتش هاتلاقى تاريخ ألنتاج بالشكل دة,أربع أرقام, أول رقمين للأسبوع المنتج فبة الفردة و الرقمين التانيين للسنة.
اقتباس:
المشاركة الأصلية كتبت بواسطة zocor742
اوك ياياسر باشا مش كدة بردو
الكومهو حلو... المهم ميبقاش انتاج قديم
MMamdouh
توكل علي الله وهات الكومهو
نانكانج تايوانى ب 300
ضوضاء أقل و مصمم للطرق الوعره
الأهم بقى ان النقشه بتاعته ضيقه الفتحات جدا و عشان كده مش بيلم زلط زى الكومهو
هوه الكومهو ممتاز جدا انا غيرت الأربع فرد الكومهو بعد 55 الف و كانت حالتهم كويسه بس عجبنى النانكانج اكتر بس عمره قد ايه؟؟؟ لسه هانشوف انا مركبهم من شهر تقريبا
أنا ركبت كومهو قيتنامى مقاس 185/65/14 و كويس جدا بس تتأكد من تاريخ الصنع و السرعة بس الفردة ب 235 فقط الكورى 265 جنيه
وشوف الموضوع ده هيفيدك كتير
http://www.nilemotors.net/Nile/92413-a.html
الله ينور عليكاقتباس:
المشاركة الأصلية كتبت بواسطة ahmedezzat78
بجد شكلة كويس النانجينج
بس مش هنقدر نحكم الا بعد فترة استخدام شاقة شوية
انا لسة مركبهم من 3اسابيع فهو دة الانطباع اللى عندى مثلك
الكومهو الفيتنامى كويس جدا انا جايب الفردة ب 210 من 8 شهور
النيكسن دا يا سيدي رسمة الشجرة فل انتا هتغير الاربع فرد ماشي لكن هتغير فردتين بلاش وهات الكمهو احسن
انا مركب النانكانج من 22 الف كيلو... و بصراحة مش ناوى اشتريه تانى
الGT برقبتة
MMamdouh
احسن حاجة فى اعتقدى الشخصى الاندوسى احسن نوع كاوتش
واى ماركة تيجى منه زى الفل
هو مش الغالي ثمنه فيه زي ما بيقولوا...يعني لو انا اشتريت البريدجستون او الميشلان الفردة من 450الى560 ج تقريبا من الميشلان او البريدجستوت ففرق السعر اللي هوفره ولنفترض انه 1000 جنيه لو هجيب الكوموهو او الهانكوك..مش ده على حساب الجودة والكفائة والعمر الطويل....انا كنت مركب في عربيتي السابقة ميشلان وقعد معايا حوالي 4 سنين واكثر من 100 الف كم...مش كده انا اكون دفعت اكثر لكني عوضت فرق السعر ده في العمر الاطول والجودة الاحسن....وفي انتظار ارائكم
استقريت على النيكسن لقيته أجدد من الكومهو لقيته إنتاج الأسبوع 15 من 2009 لكن الكومهو كان أقدم شوية، جبت فردتين ب 480 نقشة الشجرة ، ركبتهم قدام ورجعت اللي قدام ورا وضبطت زوايا ورصرصتهم والحمد لله، ناعمين صوت مش عالي .
حد جرب الجود يير الاندونيسي او التايلاندي ؟
في نفس رينج سعر الgt والكومهو
الله يطمنك يا ريس ............ أنا لسه شاريه طازهاقتباس:
المشاركة الأصلية كتبت بواسطة mmamdouh
ليه كده بس؟ عمل عالى و واطى معاك؟
لا خالص
هو بس بيصفر مع الفرامل و السحب و الملفات... و احيانا و انا واقف
التماسك حاسس انة مش قد كدة مع الاسفلت و ان كان احسن على المية من الGT و صوتة اوطى
MMamdouh
بمناسبة الكلام على الكاوتش محدش يشترى البيريلى البرازيلى .... بيصفر مع الفرامل وبيعزف سينفونية مع مفصلات الكبارى
و فيه كاوتش شوفته اسمه duro تيوانى واحد بتاع كاوتش شكر لى فيه .... محدش يعرف اخبار عنه؟