دايو لاسيتي شوفت واحدة زيرو في الشارع طب ازاي ؟؟؟

**dr_abooody** · 20-10-2009 09:55 PM

النهاردة و انا ماشي كدا لقيت عربية شبة الشيفرولية كروز كدا من ورا

بس مفيش علامة شيفرولية اعدت اقرب من العربية لحد ما لقيت انها علامة دايو

قولت اية دة هي دايو مش قفلت و بقت شيفرولية

جيت اشوف الاسم المكتوب لقيت ( لايسيتي )

انا استغربت لأن الموديل دة مش بينزل عندن في مصر دة بينزل في كوريا بس

الغريب انها عربية زيرو و شكلها تحفة جدااااا

من ورا شبة الكروز من قدام شكلها اجمد من الكروز بكتير و في نفس حجم الكروز كدا يمكن اكبر

هل الدايو رجعت تنزل تاني و لا دة خليجي و لا اية بالظبط

انا حاسس انها مختلفة عن الكروز في الشبكة الامامية

انا نزلت صورتها من النت

**zaza_lanos** · 20-10-2009 10:03 PM

هى والافيو وكل ماركات شيفرولية تقريبا كانت بتنزل بعلامة الدايوا قبل متتباع
وانا شيفها اشيك من الشيفورليه
علشان لما وضعوا العلامة بتاعتهم بقى شكلها خايب ومش ماشى مع شكل العربية
واللى انت شوفتها ده ممكن تكون بتاعة معاقين

**totaman** · 20-10-2009 10:12 PM

لا يا جماعة دى مش بتبقى خليجى ولا معاقين

دى كروز عادى بس بتتسوق فى كوريا باسم لاسيتى

واللى حضرتك شوفتها دى واحد مستوردها لنفسه

والفرق بينهم هوة الشبكة فقط واللى عايز معلومات اكتر يدخل قسم شيفروليه

**SAMEH_FOUAD** · 20-10-2009 10:17 PM

ياجماعة دية فعلا سيارات دايو اصلا وكان فية عضو هنا جايب جميع الصور بتاعة سيارات دايو واللى خدتها شيفرلوية وكل اللى عملتة انها شالت اللاسم بتاع الدايو وحطط اسم شيفرلوية بداية من الافيو ,والجيتز ,والماتيز ,والانوس
فية حاجة كمان لو حد نزل الحرفييم هيلاقة العربيات دية موجودة وعليها علامة دايو مش شيفرلوية
وفية حاجة انا شوفتها ,الهيونداى النترا 2008 /2009 اسمها هيونداى avantage مش النترا

**zocor742** · 20-10-2009 10:34 PM

هى دى الكروز الاصلية اللى هيا لايستى بتاعت بلادعها
المسألة الشركة اللى بتنزلها فى كل دولة غير التانية يادايو .... ياشيفرولية
وبخصوص العربية اللى حضرتك شوفتها استبعد حوار المعاقين خلاص
هتلاقى صاحبها منزلها من برة لنفسة (ركوبة مميزة)
اكيد اوبشن اكتر بس مش فارقة كتيير حاجات بسيطة لانى شوفت لايستى الاوبترا
الفرق الشبكة والشعار واوبشن زيادة بسيطة

يالا ربنا يبارك لصاجبها ويبراكلة فيها ويبعد عنة شرها

**Samir Elshahawy** · 20-10-2009 11:06 PM

تقريبا هي نفس العربية اللي شوفتها مرة كنت في زيارة لبورسعيد و كانت واقفة في الباركينج اللي في سونستا و لما سألت عليها احد زملائنا ببورسعيد قالي اها الوحيدة من نوعها بصراحة عربية (اللي وصفها د/ أحمد سامي) , تحفة و انا لو بأفكر أشتري عربية هأشتريها لأن مش خسارة فيها الفلوس و كفاية أنها من دايو حبي الاول

**Ahmed Hassan** · 20-10-2009 11:06 PM

وفية حاجة انا شوفتها ,الهيونداى النترا 2008 /2009 اسمها هيونداى avantage مش النترا

اسمها avante

**hossam_elwani** · 20-10-2009 11:22 PM

اختلاف اسم السيارة من بلد الى بلد ده عرف تسوقى لجميع شركات السيارات فى العالم من زمان اوى...

**fady.bekatcho** · 20-10-2009 11:23 PM

كان فى عضو هنا معاة دايو لاسيتى هو واخوة برضوا جايبها

كانوا مستورتينها من كوريا باين مخصوص ليهم

وكان عامل موضوع شامل عنها فى قسم الدايو تقدر تدخل تشوفة

-

الموضوع: دايو لاسيتي شوفت واحدة زيرو في الشارع طب ازاي ؟؟؟

LinkBack

أدوات الموضوع

عرض

دايو لاسيتي شوفت واحدة زيرو في الشارع طب ازاي ؟؟؟ - انشر الموضوع فى :

-

-

-

-

-

المواضيع المتشابهه

شوفت لما ترمي حاجه في الشارع ايه بيحصل ...!!!

مطلوب دايو لاسيتي أعلى فئه كسر زيرو

دايو لاسيتي (مواصفات و تجهيزات و صور)

لو انا ماشي في الشارع ازاي ارفع العربية a4ولا a5 ازاي

الكلمات الدلالية لهذا الموضوع

المفضلات

المفضلات

ضوابط المشاركة