سلام عليكم
امبارح كنت في القاهرة عند تكنولوجي مول وانا راجع عديت في طريقي على ناشونال موتورز
لفت انتباهي عربية كروز بيضاء ولما قربت فوجئت بانها دايو لاسيتي وليست كروز
سألت احدى رجال المبيعات عنها
قالي دي دي دايو لاسيتي خليجي كاملة بنفس مواصفات السيراتو الهاي لاين وتزيد عنها
بالفرش اللونين والكنوسول برضه لونين والمرايات ضم وغمازات بدل اشارة المراية في السيراتو
وطبعا السيارة غنية عن التعريف
ودار بينا الحوار التالي
طيب التمن كام: 150 الف جنيه
ومين اللي هيضمنها : احنا (ناشونال موتورز ) بنضمنها سنتين او 60.000 كم ايهما أقرب
وقطع الغيار : بتشتري لها نفس قطع غيار الكروز ما هما الاتنين واحد


هل كده نقدر نقول وداعا لمنصور




لقيت عنده سيراتو حمراء خليجي كماليات متنوعة زي مثلا مفيش نيكل في الكنوسول لكن فيه في الابواب

سألته
قالي دي تفصيل فيها كل اللي في الهاي لاين ماعدا حتة النكيل دي بس
غير كده فيها الفرش لونين و مراية ذاتية التعتيم و6 سي دي اتشنجر وبلوتوث

انا : بلوتوث انا اول مرة اسمع انها بتنزل ببلوتوث
المبيعات : اصل ياباشا دي فورتي مش سيراتو
انا : هم الاثنين واحد
هو : لا دي عربية ودي عربية تانية خالص ده حتى الافراج الجمركي بتاعها فورتي مش سيراتو
طيب تمنها كام
ب 139 ألف جنيه بس
لفت انتباهي حاجة غريبة قوي
الجنط ال 17 بتاعها السرة بلاستيك رديء جدا لدرجة انه اصفر من الجوانب
فهل ده موجود في عربيات الوكيل كمان

شكرته وبصيت على السول ومشيت

وصورت لها شوية صور بالموبايل على السريع كده
فسامحوني الصور مش واضحة قوي علشان الاضاءة ضعيفة كمان


مقدمة الدايو لاسيتي





من الجانب الايمن






من الخلف ( حاسس انها واخدة من السيفيك )




صور للداخل من خلال الزجاج






الجنط ال 17 تتوسطه علامة دايو






مكان البصمة في المقابض النيكل





صورة جماعية لبطلتا الليلة





اتمنى يكون الموضوع عجبكم
ومنتظر آرائكم