السلام عليكم ورحمة الله
قررت اشتري هيونداى ماتريكس
وقدامى عربية رايح اتفرج عليها بكرة
ايه رايكم فى العربية بوجه عام
ويا تري سعر السوق دلوقتى عامل ايه
عرض للطباعة
السلام عليكم ورحمة الله
قررت اشتري هيونداى ماتريكس
وقدامى عربية رايح اتفرج عليها بكرة
ايه رايكم فى العربية بوجه عام
ويا تري سعر السوق دلوقتى عامل ايه
موتور جيد , عفشة سيئة , فرامل سيئة جدا ، الكراسى ناشفة , شكل التابلوة حلو ،
على فكرة السيارة معى من الزيرو و العربية عاملة دلوقتى 40 الف
العربية ثابتة علي الطريق جدا بس في السفر لمسافات جربتها من اسكندرية لسيوة و كنت قاعد ورا بصراحة ظهري اتقطم كراسيها ناشفة و زاويتها واقفة اوي ( طبعا ريحت في مطروح نص ساعة)
العفشة سيئة من ناحية ايه يا باشا!!!
دى ماشيه معايا 71,000 كم من غير تربيط عفشة و لا مره و اخدت مطبات و حفر و بلاعات غير الطرق المكسره اللى بمشى فيها.. كفايه انها اخدت مطب على سرعة 80 و حتى مرزعتش فى الارض
كمان الفرامل معقووله.. هى ضعيفة فى اول الدوسة بس بتكلبش جامد بعد كده.. انا معايا i10 جديدة عكسها فى انها بتكلبش جامد فى الاول و بعد كده شدة الفرامل تقل
انا شديت بالعربية و خدت غرز كتيير و استعملت الفرامل بشكل فوجائى فى سرعة 100 و 120 و العربية الحمد لله عمرها ما خذلتنى.. غير ان الكاوتش مش مظبوط و فردة مخرومة
اما الكراسى فهى مش ناشفة جداااا لو ركبت i10 هتحس بالفرق الرهيييييييب فى النشفان اللى بتتكلم فيه:dzey:
نسيت تقول يا باشا ان تكييفها تلاجة.. لو لابس تظارة هتنزل من العربية تلاقيها مشبره :B4_592:
بالنسبة لصاحب الموضوع انصحك بيها بشدة لانها فعلا تستحق و عربية محترمة و اثبتت ذاتها و اعتماديتها.. انا وقت ما اشتريتها كانت ب 81 ألف و كنت ممكن ابيعها من كام شهر ب 75 ألف و هى عامله 60,000 كم بعد اكتر من سنتين لكنى مقدرش استغنى عنها.. و مش شايف عربية فى السوق بسعرها دلوقتى هتديك نفس القعدة العاليه.. بالتوفيق
اخى الحبيب . انا معايا ماتريكس 2007 وعاملة معايا دلوقتى 60000 تقريبا بصراحة العربية ليس بها اى عيوب جوهرية ممكن نتكلم فيها بل بالعكس مميزاتها كتير .. تسارع ممتاز على حجمها ونوعية الاس يو فى 1600 .واسعة جدا لراحة كل الركاب وبالذات فى الكنبة الخلفية 3 بيبقوا قاعدين مستريحين ومش حاسين بقلق وبتريح فى السفر كتير .. اقصى سرعة جبتها بيها كانت 180 على طريق العين السخنة .. الفرامل فعلا ضعيفة شوية وكانت محتاجة تكون ديسكات خلفية مع ايه بى اس وانسى يا صاحبى لكن مع التعود هاتكون منسجمة معاك .. العربية تكيفها ممتاز وانا دلعتها وحطيت جنوط اسبور وسبويلر خلفى اعلى الشنطة وطقم النواكل بالكامل ووحدات رفع ودى فى دى شماسة وبلوتوث وميدليوتر بيو اس بى علشان اشغل الفلاشة على الكاسيت على موجة اف ام وستاير ضم وحساسات خلفية مع كاميرا اضاءة ليلية وكمان طقم فوانيس شبورة على سقف العربية يشبه اللى فى الشيروكى ليبرتى خليتها وحش والله ... والعربية كده مش عايزة اى حاجة تانى ومخلياك تحس انك فعلا احسنت اختيارها ... وفعلا لن تندم ان شاء الله
أتفق مع الأخوة في أن السيارة ممتازة في فئتها السعرية واعتماديتها عالية جدا :S_thum1[1]:
معايا 2008 عاملة 53000 كيلو وماشاء الله مفيش فيها اى عيوب غير ان زجاج الابواب كبير فبتحس انك قاعد فى الشارع
العربية تعتبر ممتازة وعائلية
الفرامل معقولة مش حلوة اوى ومش وحشة اوى
العربية بصراحة عفشتها ممتازة
بالنسبة للكراسى الخلفية بتتحكم فى زواية ميل الظهر
متجبش التركى كورى لحد 2007
وهو اية الفرق بين الكورى و التركى