الفتيس الاوتوماتيك للماتريكس 2008 .. استفسار

**Adham** · 13-11-2007 09:04 PM

المشاركة الأصلية كتبت بواسطة شريف شعبان السيد

هو زيت الفتيس بيتغير كل اد ايه ولا مش بيتغير ويتزود عليه بس واى نوع زيت افضل للاتوماتيك وشكرا

أحسن شيء علشان تصون الفتيس الاوتوماتيك انك تهتم قوي بتغيير زيتة كل 10000 كيلو بالكتير 12000 و تجيب زيت مضمون, انا مثلا مش باثق إلا في زيت شل ديكسترون (علبة سوداء عليها تكت اخضر صناعه كندي ب17 جنية اللتر) و تشترية بس من محطات شل ومش من بتوع الزيوت

و تغير فلتر (صفاية) الفتيس الاوتوماتيك كل 60 الف كيلو

و اوعى تنقل من الريفرس للدرايف الا و العربية واقفة تماما

او تجيب الباكنج و العربية ماوقفتش تماما

و اوعى تقطر العربية الاوتوماتيك بتاتا مهما كانت الظروف سواء حادث او عطل

إلا لو كانت دايرة

و الافضل ترفعها على عربية او تقطرها بونش بس العجلتين اللي عليهم الدفع يكونوا مرفوعين (الاماميتين يكونوا مرفوعين من قدام لو عربية كبالن يعني) مش تقطرها بعربية و العجل بيلف و الموتور مبطل
لأن دة يبوظ الفتيس لأنة برضة بيلف مجموعه حركة حتى لو العربية عالمور و بتبقى طلمبة الزيت طافية لأنها بتلف مع دوران المحرك

**Hassan Khalil** · 13-11-2007 09:19 PM

ما شاء الله...نعم النصائح ...لكم جزيل الشكر

**Adham** · 13-11-2007 09:22 PM

المشاركة الأصلية كتبت بواسطة hk_52

علي فكرة ..انا كنت مرة راكب لانسر اوتوماتيك .. و كنت حاسس بخونة الفتيس بجانب ساقي اليمين .. ممكن يكون نفس السبب؟؟

ياباشا اللانسر موتورها بالعرض و على كبالن

يعني الموتور عاليمين و الفتيس عالشمال

الكلام دة لو العربية كردان (موتورها بالطول) يبقى الفتيس ورا الكونسول و تحس بالسخونة جنب رجلك أة

**Hassan Khalil** · 13-11-2007 10:11 PM

يا ادهم باشا... انا كان قصدي ان السخونة بتكون في المكان اللي عصاية الفتيس بتتحرك فيه .. و باشعر بيها في ساقي لان ساقي ( و ليس قدمي ) بتكون خابطة في الفتيس لاني من طوال القامة...
لكن برضه مايمنعش اننا نقول مرة تانية : نعم النصائح .. و نعم الخبرة .. و لكم جزيل الشكر

**Ahmed Anwer** · 14-11-2007 01:45 AM

انا عندي فيرنا اتوماتيك

و عند المدام برده فيرنا اتوماتيك

و الإثنين 1600 و الإثنين لونهم سماوي

شفت الملل ...................

مفيش أي مشاكل إطلاقآ من الأتوماتيك بتاعهم

**Hassan Khalil** · 14-11-2007 01:51 AM

انا عندي فيرنا اتوماتيك

و عند المدام برده فيرنا اتوماتيك

و الإثنين 1600 و الإثنين لونهم سماوي

شفت الملل ...................

مفيش أي مشاكل إطلاقآ من الأتوماتيك بتاعهم

_________________

ما شاء الله لاقوة الا بالله . . هو ده اهم مقومات الزواج الناجح...التوافق :)
ربنا يباركلكوا في العربيتين .. و يرزقكوا باتنين مرسيدس ...قول امين

**Ahmed Anwer** · 14-11-2007 02:09 AM

هو ده اهم مقومات الزواج الناجح...التوافق :)

و الله هيا جت كده

قلنلها يا ستي متجيبي شاريد و لا بيكانتو علي قدك

قالتلي لأ عشان تعملي الصيانة،،،

استغلال ......

اللون السماوي من عجائب غبور إنك لا تستطيع إختيار اللون ،، كفاية تختار الموديل :mrgreen: :mrgreen:

الفرق إنها بتعمل 500 كيلو في الشهر و انا بعمل 2000 كيلو و مبترضاش نسافر بعربيتها ،، عربيتها للمشاوير الخاصة بيها بس ،

استغلال

أنا حبيت أقولك التجربة كاملة :mrgreen: :mrgreen:

بس للحق هيا كده موفرة مصاريف باص المدرسة ....... :mrgreen: :mrgreen:

و الله موضوع عربية الزوجة ده محتاج موضوع لوحده ،،،

خلي الواحد ساكت .......

**Hassan Khalil** · 14-11-2007 06:10 AM

قالتلي لأ عشان تعملي الصيانة،،،

استغلال ......

مرة اخري : ده من اهم مقومات الزواج الناجح .. الاستغلال

اللون السماوي من عجائب غبور إنك لا تستطيع إختيار اللون ،، كفاية تختار الموديل

و بوس ايد شعر و دقن علي راي اللمبي .. و كويس انك اخترت الموديل اصلا .. كان ممكن يخليك تختار الكاوتش بس ... و بعدين كويس انه سلمك العربية من الاساس

خلي الواحد ساكت .......

حاضر :? :? :? :?

**Adham** · 14-11-2007 10:43 AM

المشاركة الأصلية كتبت بواسطة hk_52

يا ادهم باشا... انا كان قصدي ان السخونة بتكون في المكان اللي عصاية الفتيس بتتحرك فيه .. و باشعر بيها في ساقي لان ساقي ( و ليس قدمي ) بتكون خابطة في الفتيس لاني من طوال القامة...
لكن برضه مايمنعش اننا نقول مرة تانية : نعم النصائح .. و نعم الخبرة .. و لكم جزيل الشكر

ياباشا و الله فاهم قصد حضرتك

بس اللي عاوز اقولهولك ان دي سخونة الموتور مش الفتيس

المكان اللي العصاية أو ال (Selector) بتتحرك منة دة واصل منة سلك (كابل) لغاية الفتيس اللي هوة بالضبط راكب بالعرض مع الموتور افتح الكبوت و بص عالموتور حاتلاقية قدام اللي قاعد جنبك و الفتيس متركب فية بالعرض و يبقى تقريبا في نص حوض الموتور و شمالة شوية

لكن العربيات اللي موتورها بالطول هيا اللي بيبقى الفتيس فيها تحت الكونسول و العصاية راكبة في ترباس الفتيس على طول