الفتيس الاوتوماتيك للماتريكس 2008 .. استفسار

**Hassan Khalil** · 13-11-2007 02:16 PM

السلام عليكم
زوج اختي بفضل الله اشتري ماتريكس 2008 اوتوماتيك من حوالي اسبوعين ب 90000 ... لكن من ساعة ما اشتراها و هو بيسمع كلام كتير عن عيوب الفتيس الاوتوماتيك في الماتريكس و الهونداي عموما ... لكن مفيش حد قدر يقولله ايه العيب بالضبط ... كل الكلام علي طريقة ( ما تجيبش اوتوماتيك بيقولوا عليه مش كويس )..
فهل هذا الكلام صحيح ؟؟ و هل يوجد مشاكل معروفة و مجربة لهذا الفتيس ؟؟؟
رجاء الافادة

**fahd_628** · 13-11-2007 02:36 PM

مسمعتش قبل كدة كلام عن عيوب الفتيس الأوتوماتيك فى الماتريكس غير ان سحبتة مش جامدة اوى

**Adham** · 13-11-2007 02:41 PM

نفض

**abo3bdolrahman** · 13-11-2007 02:46 PM

ما فيش مشكلة فيه بس كان عاندى فى عربيتى الفرنا ( غير موجودة معى حاليا ) كان بيسخن من بعد تغيير زيت الفتيس و ده ممكن يعمل مشكلة بس السبب كان عدم ظبط كمية الزيت صح رغم إنه إتغير فى التوكيل. و للعلم هوا هوا نفس فتيس الماتريكس و الإلنترا الشكل القديم. :D

**الريس** · 13-11-2007 02:57 PM

لا توجد من الفتيس بتاع الماتريكس اي مشاكل
بص انا عندي 6 عربيات ماتريكس في العيلة و الاصحاب كلهم اتوماتيك
مفيش حد اشتكى نهائي
و كذلك في الصيانة عمري ما شفت حد اشتكى منه
ممكن الفرنا علشان التقفيل يكون في لعب او عك من اي نوع
بس كده

**Adham** · 13-11-2007 03:08 PM

المشاركة الأصلية كتبت بواسطة abo3bdolrahman

ما فيش مشكلة فيه بس كان عاندى فى عربيتى الفرنا ( غير موجودة معى حاليا ) كان بيسخن من بعد تغيير زيت الفتيس و ده ممكن يعمل مشكلة بس السبب كان عدم ظبط كمية الزيت صح رغم إنه إتغير فى التوكيل. و للعلم هوا هوا نفس فتيس الماتريكس و الإلنترا الشكل القديم. :D

خطر جدا موضوع عدم ضبط كمية الزيت في الفتيس الاوتوماتيك

لأنة لو ناقص حايحرق الكلاتشات

و لو زايد الاويلسيلات حاتضرب

بس معلش سؤال رزل شوية: حضرتك عرفت منين ان الفتيس كان بيسخن زيادة معاك ؟؟

هل فية لمبة حساس لزيت الفتيس بتضيء إن حرارة الزيت ارتفعت؟؟ لا اعتقد ان دي في الفيرنا, برغم انها عندي في الفرونتيرا, و اعتقد انها بس للعربيات ال 4*4 لأن فتيسها خدمة شاقة للعمل في الصحراء و طرق غير ممهده فممكن يسخن نتيجة قسوة الاستخدام

هل حضرتك جسيت الفتيس بإيدك بعد مشوار؟؟, برضة مش معيار اعتقد لانك مش حاتبقى عارف الحرارة الطبيعية لة و الحرارة الزايدة, هل التوكيل هما اللي قالوا لحضرتك ان الفتيس سخن زيادة ؟؟

**Hassan Khalil** · 13-11-2007 03:17 PM

مسمعتش قبل كدة كلام عن عيوب الفتيس الأوتوماتيك فى الماتريكس غير ان سحبتة مش جامدة اوى

السحبة احنا متعودين بس الخوف كان من الفتيس ..بالاضافة لفرحة العربية الجديدة اللي قلبت قلق و خوف ... شكرا لك

نفض

نفضت

ما فيش مشكلة فيه بس كان عاندى فى عربيتى الفرنا ( غير موجودة معى حاليا ) كان بيسخن من بعد تغيير زيت الفتيس و ده ممكن يعمل مشكلة بس السبب كان عدم ظبط كمية الزيت صح رغم إنه إتغير فى التوكيل. و للعلم هوا هوا نفس فتيس الماتريكس و الإلنترا الشكل القديم.

شكرا علي النصيحة القائمة علي تجربة .. و علي فكرة ..انا كنت مرة راكب لانسر اوتوماتيك .. و كنت حاسس بخونة الفتيس بجانب ساقي اليمين .. ممكن يكون نفس السبب؟؟

لا توجد من الفتيس بتاع الماتريكس اي مشاكل

ربنا يطمن قلبك ..

خطر جدا موضوع عدم ضبط كمية الزيت في الفتيس الاوتوماتيك

لأنة لو ناقص حايحرق الكلاتشات

و لو زايد الاويلسيلات حاتضرب

مافهمتش غير السطر الاول بس !!!! :!: :!: :?: :?:

**thegreatnileman** · 13-11-2007 04:02 PM

سحبتة مش جامدة اوى

وفيه صوت زنة عند النقل من ال nالى ال d r صوت ززززززززززززتيك
هل عندك الصوت ده بعد مشوار مش لما تكون العربية بارده

**Hassan Khalil** · 13-11-2007 04:54 PM

وفيه صوت زنة عند النقل من ال nالى ال d r صوت ززززززززززززتيك
هل عندك الصوت ده بعد مشوار مش لما تكون العربية بارده

العربية بتاعة زوج اختي ..اساله و ارد عليك... و ان كنت اتخيل مسبقا انه مش بياخد باله من الحاجات دي ما دام العربية بتمشي ... لكن اساله برضه

**شريف شعبان السيد** · 13-11-2007 05:51 PM

هو زيت الفتيس بيتغير كل اد ايه ولا مش بيتغير ويتزود عليه بس واى نوع زيت افضل للاتوماتيك وشكرا

الموضوع: الفتيس الاوتوماتيك للماتريكس 2008 .. استفسار

LinkBack

أدوات الموضوع

عرض

-

-

-

-

المواضيع المتشابهه

زيت الفتيس الأوتو للماتريكس ؟

الفتيس الاتوماتيك للماتريكس

استفسار عن الفتيس الاوتوماتيك كورولا 2012-2013

عطل الفتيس الاتوماتيك للماتريكس رجع تانى...

استفسار بخصوص الفتيس الاوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة