العربيه متعفرته مش عارف اعمل ايه

**jojowork1** · 21-10-2009 03:34 PM

انا هشوف الفلتر او اغيره بس ازاي اعرف ضغط الطرمبه والبلف انا لسمه منظفه لاكن اعرف ازي انه كويس
لو حساس اي واحد منهم
شكرا متابع

**zocor742** · 21-10-2009 09:08 PM

اشك فى كهربا العربية
والبوبينا وبلف الايدل
شيك على كل حاجة ليها علاقة بالموضوع

**م. محمد نافع** · 21-10-2009 11:19 PM

السلام عليكم
بالنسبه للفلتر هتفكه وتنفخ فيه في اتجاه سريان البنزين لوطلع سالك ركب فيه الخرطوم اللي جاي من الطرمبه ودور مارش وبص علي البنزين اللي خارج من الخرطوم لازم يكون مستمر مش متقطع والمفروض انه بيرمي لمسافه حوالي 20 سنتيمتر يعني لان الضغط تقريبا بيكون 4 بار
ارجو اني اكون افدتك والله المستعان

**jojowork1** · 22-10-2009 01:59 AM

شكرا ليكم انا شوفت الضغط عندي جامد جدا جدا انا اتخضيت لما فكيت الخرطوم من الفلتر انفجر فيا ورش البنزين بقوه جدا
شكرا مستني متابعتكم

**jojowork1** · 23-10-2009 06:35 PM

يا جماعه كشفت علي الكهرباء والدينموا تمام والسير بتاعه كمان والبوبينه كله تمام الكهربائي قالي ديه مشكله مكانيكه رحت لميكانيكي قالي ديه رشاشات غيرهم مع اني لسه منظفهم بالالترا سونيك وكاشف عليهم وقالي انهم تمام لما قلت كده للمكانيكي قالي غير بوجيهات وجرب اذا ماتحلتش المشكله يبقي رشاشات اكيد اصدق مين حد يفدني

**samirayad** · 23-10-2009 07:04 PM

ممكن تغير البوجيهات وتجرب
وممكن تقيس مقاومة الرشاشات بالأفوميتر
لو المقاومه معديه السماح المطلوب
يبقى حتغير الرشاشات فعلا

**jojowork1** · 23-10-2009 07:42 PM

مقاومه الرشاشات 20 اوم استها كلهم زي بعض عمتا انا هاجرب البوجيهات ومستني متابعتكم معايا شكرا ليكم

**samirayad** · 23-10-2009 07:44 PM

غير الرشاشات

**aboomr** · 23-10-2009 08:31 PM

غالبا ده نفس الى حصل لى فى عطل فى الدفيرة او الكنترول وغالباً هتغير الدفيرة دفيرة الماتور روح عند مركز كويس او التوكيل ومتقلش الكلام ده اسمعة من واحد بيفهم لأنى ولاد الحلال عملو كل حاجة فى عربيتى نفس العيب بس مش نفس العربية

وياريت تطمنى

**shaky** · 23-10-2009 10:52 PM

ممكن يكون كرسى مكنة فية مشكلة بردة مشروخ او مكسور اصل حصلت معايا الرعشة دى على السلانسية وكانت بتزيد اوى مع التكييف لحد ما غيرت كرسى الفتيس ولقيتة فعلا مكسور بسبب مطب خدة على 90 ك