الموضوع: انا بجد تايه ومش عارف الحل ايه ز افيدونى بالنصيحه تجديد ونقل ملكيه

لسة عامل الموضوع دا بالظبط زيك .. نقل ملكية وتجديد ورايح يوم الصبت افحص

بص من الاخر امشي علي الخطوات دي بالتفصيل الممل زي ما هقلك وبالترتيب

1 - صور كل الورق اللي معاك من توكيلات ورخصة وبطاقة .. اكتر من 4 صور لكل ورقة

2 - خد معاك في حدود 600 او 700 جنية حسب نوع عربيتك يعني .. واطلع علي الشهر العقاري .. بيع لنفسك وسجل العقد واتاكد كويس جدا انو اتوثق وكل الاختام موجودة .. تقريبا بتاع 4 او 5 اختام لازم تتاكد كويس انو مظبوط

3 - اطلع علي المرور القديم اللي علية العربية دلوقتي

4 - روح علي شباك شهادة المخالفات .. اديلو الرخصة ممكن يقلك وريني التوكيل عادي .. بعدها هيطلعلك شهادة المخالفات ( برائة الزمة ) ... لو عليك مخالفات هتدفعها طبعا وانتا واقف

5 - ( اهم نقطة ) هتروح علي شباك شهادة البيانات ودي اصعب نقطة تقريبا

خد معاك الورق دا بالظبط علشان لو مخدتوش تقريبا هتتطلع من الطبور اكتر من 5 او 6 مرات

أ - طلب شهادة بيانات من اي كشك موجود في المرور
ب - روح هات 4 طوابع شرطة ..الواحد بجنية .. هتلزق اتنين علي الطلب اللي انتا اشتريتة من شوية
ج - شوف عدد التوكيلات اللي معاك كاام وهات علي عددهم حاجة اسمها نماذج من الكوشك برضو ... يعني لو ماعك 4 توكيلات هتجيب 4 نماذج .. بحد ادني 2 يعني لو معاك توكيل واحد هتشتري اتنين
د - هتروح بقي في المرور مكتب المباحث تعمل استعلام عن البطاقة بتعتك ( جديد القانون دا )
هـ - هتروح تعمل تامين اجباري ( ممكن تخليها بعدين .. بس هنا احسن هتريحك )

6 - هتاخد بقي كل الليلة دي ومن كل ورقة صورة ( خصوصا التوكيلات والعقد ) وتروح علي شباك البيانات ... هتديها الورق هتديك وصل تروح بية الخزنة تدفع فلوس وترجع تاني علي الشباك ..طبعا انتا هتكون مجهز كل اللي انا قلتة دا هتلاقي كل الناس عمالة ترجع تصور وتجيب نماذج وانتا واقف باشا كل ما يطلب منك حاجة تتطلعهالو من الملف بتاعك .. هيستغرب الموظف ههههه


6 - هتستني بقي لحد ما يطلعلك شهادة البيانات ... يبقي كدا انتا خلصت 3 حاجات ( شهادة المخالفات - شهادة البيانات - عقد البيع )

7 - هتوح المرور الجديد تنزل علي الخنة تجيب حاجة اسمها ( اورنيك فحص .. علشان تفحص )

8 - هتنزل للمهندس علشان ياخد بصمة المتورو والشاسية بعد ما يخدها تروح تختمها من الظابط .. وهيقلك روح طابقها

9 - ترجع بقي تاني للمرور القديم بتاعك علشان يطابق البصمات .. تدي الورقة دي للمهندس هناك ... لو انتا مش مغير مواتير ولا حاجة ولا لون ولا كدا .. هيختملك ويمضيلك ويدهالك


10 - ترجع للمرور الجديد بقي ياريس تجيب الحاجات دي

أ - شنطة نقل ملكية من الكشك
ب - ملف نقل ملكية برضو من الكشك ( في شوية ورق كدا )
ج - طفاية حريق جديدة لازم وحتي لو كان معاك لازم تجيبها فردة
د - نموزج فحص بيئي من الخزنة
ه - شنطة اسعافات

11 - ( انا عملت اللي فوق وواقف علي الخطوة دي ) لجنة الفحص الفني .. علشان يفحصلك العربية ويكتب بقي في الورق اللي انتا جيبتة دا ويخلعلك النمر القديمة ويركبلك النمر الجديدة

باذن الله انا رايح يوم السبت علشان اعمل الخطوة الاخيرة دي ربنا يسهل

الموضوع كلفني تقريبا فوق الـ 1000 جنية لحد دلوقتي ...

بالتوفيق ياريس

المشاركة الأصلية كتبت بواسطة karim_mohy

طيب ليه فحص طالما فيها مدة سارية لميعاد الفحص؟

لانو بيعملك الرخصة باسمك وبيشيلك النمر ... يعني بيعتبرو ان العربية لسة من المعرض وبتسجلها