الموضوع: كل ما يهمك عن فيشة الاوكتين

طيب انا بقى معايا اكسيل ولقيت فعلاً جاك زي دة برضة تحت الكرسي الشمال قريب من الهاند بريك، فكيتة وقلت اجرب، طلع بتاع الحزام بتاع الامان، لان اول لما افتح الكونتاكت والحزام مش مربوط في انذار بيصفر ولمبة الحزام بتفتح وتقفل المهم كل دة مشتغلش لاكن لما رجعتة كلة اشتغل تاني.

فاعتقد انها ممكن تكون نفس الحكاية في اللانوس برضة وانها تكون بتاعت سنسور الحزام :roll:

هي بسيطة ممكن حد يجرب يفك الجاك دة ويفتح الكونتاكت من غير ما يدور بدل الحيرة اللي انتوا فيها دي :D

ايه علاقة الكتاليزر بالقصة دى؟

عامتا لو اى حساس مبيديش الاشارة المطلوبة منه بيدى fault code فى الكمبيوتر لانه مش شايف الحساس خالص و فى الحالة دى الكمبيوتر بيدخل فى حاجة اسمها fail safe mode و بيحط رقم افتراضى للاشارة او الفولت اللى المفروض يجى من الحساس و بيشتغل على كدة

مثال على كدة لو فصلت فيشة حساس حرارة الموتور المراوح حتشتغل على السرعة العالية طول الوقت لان الكمبيوتر مش عارف حرارة الموتور قد ايه فا يشغل المراوح و يبرد العربية زيادة عن اللزوم احس ما يفضلوا مطفيين لحد ما الموتور يقفش او حساس الMAP اللى لما تفك الخطوم بتاعة الكمبيوتر مبيعرفش فيه فراغ قد ايه فى المنافول و بالتالى بيدى بنزين زيادة و خلاص... احسن يدى بنزين زيادة و العربية تبقى كلبة فى اللفات القليلة احسن ما يدى بنزين قليل و يطير بستم بسبب شدة سخونة الاحتراق نتيجة للمزيج الفقير

طيب ايه علاقة دة كلة باللى بنقولة؟؟ الفكرة هى ازاى الكمبيوتر حيتصرف لما يفقد معلومة رقم الاوكتين؟ الرقم دو مش حيفرق حاجة مع الكمبيوترغير فى توقيت الاشعال لان رقم الاوكتين بيفرق فى مدى تحمل البنزين للضغط قبل ما يشتعل من تلقاء نفسو و بالتالى الكمبيوتر ممكن ياخر الشرارة اكتر كل ما كان رقم الاوكتين عالى لان كل ما الشرارة تتاخر كل ما الخليط بينضغط اكتر فى البستم

طيب ايه تاثير تقديم الشرارة؟ فى ناس قالت ان التقديم بيفيد فى استجابة الموتور يكنى كبسة البنزين بتبان على طول فى الRPM طيب ايه اللى مش مفيد هنا؟ اللى مش مفيد انك بتحرق الخليط قبل ما ينضغط للاخر و بالتالى كان ممكن تطلع منه قدرة اكتر من كدة... انا قلت الفكرة دى من خلال تفكير منطقى فقط مش على اساس علمى صلب او تجربة فا ممكن جدا اكون غلط

ملحوظة: كدة كدة الشرارة بتحصل قبل 10 درجات من وصول البستم للنقطة الميتة العليا فا دايما الشرارة متقدمة عشان تدى فرصة للخليط يتحرق قبل ما البستم يبدا ينزل فى شوط العادم و مع زيادة دورات الموتور بتزيد درجات التقديم لان الوقت المتاح للاشتعال بيبقى اقل مع زيادة اللفات

MMamdouh

لا الجاك دة ملوش علاقة بالكتاليزر... دا بيقول للكمبيوترالرقم الاوكتينى للبنزين المستخدم... الكتاليزر شغال طول الوقت

MMamdouh