النصابون في بيع المستعمل

**kontfeen** · 31-01-2010 12:05 AM

والله ياجماعه مشكورين جدا على الموضوع ده
انا ناوي اشتري عربيه مستعمله ونزلت السوق كذا مره واعتقد الكلام اللي بيتقال هنا كله صحيح والمواقع على النت معظم اللي بيعرضوا فيها تجار بدليل انه معظم العربيات بيقولك توكيل

المهم ياريت ياريت تحطوا لنا رقم كذا واحد ثقه ليكم تجارب معهم وتثقوا فيهم( يعني مش من الناس اللي ممكن تبيعك ) من الناس الفاهمه واللي ممكن ينقذك من موضوع النصب ده علشان ناخذهم معانا وقت مانقرر نشتري عربيه لفحص العربيه جيدا والتاكد من الاوراق والاجراءات
وجزاكم الله كل خير

**super_waves20** · 31-01-2010 09:58 PM

شكرا على الموضوع الجامد دة
هكيلكم واقع . ليا واحد صاحبى د صاحبى جامد موت يعنى هوة كان فى الجيش ولية اخ اكبر منه
فا فكروا يجيبوا عربية فا اخوة وهوة بيتكلم مع صحابه فا فية واحد صاحبة من زمان قوى يعنى (ايما الكيلة والحجات الجميلة دة)
قاله انا عمتى معاها عربية وهية مرفوعة وملهاش حل رد علية اخو صاحى قاله ثقة قاله عيب عليك تعال شوفها العربية كانت فورد سكورت 1999
عجبتهم العربية وفى يوم وليلة اخو صاحبى قال لوالدة وراحوا شافها واخدوا ميكانيكى قالهم العربية حلوة وبصراحة العربية كانت جميلة انا شوفتها وركبيتها وصاحبى اتعلم السواقه عليها المهم بعد شهر بالضبط الباطرية علية العوض ومنة العوض وبعد شوية البيبان اوكرها راحت وشويه الفرش بتاع القوايم من جنب السائق بقى يطلع برة زى ما تقول كان ملزوق او مش فبريكة
المهم فا هما بيحبوا يكون معاهم مفتاحين لزوم الظروف طبعا كانوا اول مرة يركبوا امريكى راحوا 6 اكتوبر علشان يجيبوا مفتاح وطبيعا السعر جميل...
فا بدئت العربية كاى عربية تحتاج لمراعية واهتمام بس القطع الغيار زى ما انتوا عارفين
فا زهقوا من العربية مع كل اسفى كانت عربية ميكانيكيا جميلة بس نعمل اية
فقرروا اللبيع نزلوا السوق
لقوا اية؟؟؟؟؟؟؟؟؟؟؟؟؟؟؟؟؟ الكارســــــــــه العربية كانت عاملة حادثة فى القايم الشمال الى جنب السواق طبعا اخوا صاحبى رجع هوة ووالده مقلكمشى اتخيل لما انتا تعمل فيها 7 رجاله فى بعض وتعرض على والدك عربية ويمشى وراك وتطلع فى الاخر تـــــــــــــــــــــييي يييـــــت
طبعا اخو صاحبى راح لصاحبة ويقول كنا انهرضة فى السوق علشن نبيع العربية قالولنا انها عاملة حادثة فى القايم الشمال فا قاله معرفشى ومش عارفة اية وهتلقيهم بنصبوا عليك قاله تعالى اركب وراحوا على التوكيل اكدلهم الكلام قالو ينفع وفين الصحبة قاله خلاص يعم بقى عادى مش العربية كويس قالة زى الزفت قاله انا اعملك اية انتا جيت شوفتها وعجبتك رد علية اخوا صاحبى قالوه مفيش كلام ما بينى ومابينك تانى بس
خدوا بالكم يا جماعة

**zocor742** · 02-02-2010 01:03 AM

بجد التجار دول حاجة مايعلم بيها الا ربنا
اللى عايز يشترى استعمال يفضل من واحد بيبع عربية وبردو بالكشف عاليها.
بس تعرفوا من سنة وشوية رمضان اللى قبل اللى فات فكرت اجبيب استعمال وشوفت مهزل فى الاسكندرية من التجار .
قررت اجيب عربية استعمال خارج على الاقل مهما مشيت عمرها ما هتمشى فى شوارع زى مصر وبجد بتكون فى حالات نادرة .وشوفت معاق واتفقنا وعملنا الازم روحنا المنطقة الحرة الاسكندرية اتفرجنا حسيت ان الاستعمال الخارج انظف الف مرة من مستعمل السوق المحلى بس الوضع معجبنيش وقولت اروح بورسعيد افضل.
اخد والدى وقريب ليا عندة خبرة كبيرة فى العربيات وسمكرى واتكلنا على الله.
طبعا الوضع احسن من الاسكندرية وعربيات اشكال والوان اخترت الدايو عشان اسعار قطع الغيار والصيانات واعادة البيع وربنا وفقنى بعربية نوبيرا 1 99 وبعد الكشف عاليها والذى منة توكلت على الله وخلصت فيها .والحمد لله ولا الحوجة لتجار الاستعمال
طبعا فى لعب كتير فى العربيات الاستيراد وعربيات حوداث ومتصلحة وكدة بس مع وجود سمكرى كويس وحد عندة خبرة هتقدر تفرق بين العربية السليمة والمعيوبة.
العربية اشتريتها فابريكة بالكامل ماعدا باب واحد راشش
اساسيات العربية سليمة مكنة بحالة جيدة
اعتقد ان عمرى ما كنت هجيب استعمال من مصر بالحالة دى

**SunSet** · 02-02-2010 01:39 AM

هو لو اشترينا من بورسعيد الاسعار بتبقى ايه و الجمارك وكل ده؟

**A7MED_PHARMA** · 02-02-2010 04:23 PM

السوق ده هبل

عربيتي الدايو كانت فابريكه دواخل ..وكانت رشة حزام
دواخل فبريكه ..وكانت ماشيه 125 الف كيلو
موديل 99 لانوس 1
كنت مركب لها جنوط 15 سبور ..والكاوتش كان لسه جديد
وعامل لها فرش جلد داخلي للكراسي والابواب ..والصالون بالكامل كان بيج في إسود
كانت تحفه وربنا العظيم....هوا الشيطان إبن الـ .....إلي خلاني أغير
المهم
وطبعا كان فيها زينون ..وكنت عامل عدسات في الفوانيس وسبويلر
...
أروح بيها السوق
إلاقي واحد عربجي يقولي :" أخرها معايا 28-30 الف بالكتير"
وعربجي تاني يقولي :" راشة دواخل وشنطه وحوض وعاوزه مكنه وضفيره ..وأخرها معايا 25 الف"
وواحد يقولي عربيتك تعبانه ..إخلص منها بأي سعر وإستريح
وواحد يقولي .. روح للحاج(مش فاكر إسمه) وإديهاله ...هيديك سعر كويس ..وهوا هيتصرف فيها..
أقوله كام يعني
يقولي: هيديك سعر زي الفل..مش أقل من 28 الف يادكتور ..مبسوط كده ياباشا ..وليا الحلاوه

.
وأروح مره لمعرض
كنت فكرت أدخل الدايو 99 في كريستاله 98 ..وأدفع فرق
الراجل إبن الـ &*)&)^ ..... بيقولي أخد منك الدايو
وأديك الكريستاله ..وتدفع فرق 28 ألف
.
وعلى عكس عادتي والله....( محدش يقرف مني ياشباب) رحت مجمع كل إلي في بقي ...وتافف في وشه

.
كل التجار إلي قبل كده ..كنت بسمع الكلام من هنا ..وأطلعه من هنا
بس مع الاخير ده بالذات ..مقدرتش أمسك نفسي

.
فاكرينها تجارة وشطارة
بس دي فلوس حرام....

**kontfeen** · 02-02-2010 05:21 PM

الاخ A7MED_PHARMA

لو العربيه لسه موجوده قل لي انا بدور على لانوس
وارسلت لك رساله على الخاص
د/ صالح

**A7MED_PHARMA** · 02-02-2010 05:43 PM

المشاركة الأصلية كتبت بواسطة kontfeen

الاخ A7MED_PHARMA

لو العربيه لسه موجوده قل لي انا بدور على لانوس
وارسلت لك رساله على الخاص
د/ صالح

للأسف يادكتور صالح
راحت لصاحب نصيبها...وربنا يبارك له فيها يارب
كانت عربية ..تحفه تحفه

تخيلوا
شويه الحراميه والعربجيه دوووول
فصلوا العربيه دي
دي

[IMG]

[/IMG]

.

بـ28 ألف

**A7MED_PHARMA** · 03-02-2010 01:28 AM

العربيه بالظبط كانت عامله 125 الف كيلو
جنوط 15 جديده ..أنا إلي مركبها
إزاز كهربا أمامي ..أنا إلي مركبه
تاره سبور ..أنا إلي مركبها
فرش جلد طبيعي إسود في بيج .. أنا إلي مركبه
فرش جلد للأبواب ..وش فيبر الصالون كله بيج..أنا إلي عامله
حليه شكمان تركي..أنا إلي مركبها
سبويلر إستيراد ..أنا إلي مركبه
زينون ألماني من السعوديه ..أنا إلي مركبه
عدسات للفوانيس ..أنا إلي مركبها
تسويد الشبكه الاماميه ..أنا إلي عاملها
مخدع للسواق ..أنا إلي مركبه
مخدع للكنبه ..أنا إلي مركبه
عداد rbm أنا إلي مركبه

.....أنا كنت شاري العربيه بدون أي كماليات نهائي
وكل الشغل ده ..أنا إلي مكلفه
وراحت لصاحب النصيب على 40 الف من 4 شهور
....والله زعلت عليها جدا جدا جدا
كانت أكتر من تحفــــــــــــــــــة
وعمرها ..عمرها ..عمرها ماوقفتني على الأسفلت نهائي
إلا يارب كاوتش إتخرم بس ..غير كده عمرها ماعملتها معايا
.

-

الموضوع: النصابون في بيع المستعمل

LinkBack

أدوات الموضوع

عرض

-

-

-

-

المواضيع المتشابهه

هل فعلا الزيرو افضل من المستعمل؟ المفاجأة!!! لماذا المستعمل افضل في مصر؟؟

ذهب النصابون وجاء البكاءون

هؤلاء النصابون الكبار وابتكاراتهم العبقرية

تحذير للاعضاء::"قصتي مع نصابين المستعمل" =ماتقولش فلوس الكشف على المستعمل كتير

النصابون العرب يا ريت تخشو

الكلمات الدلالية لهذا الموضوع

المفضلات

المفضلات

ضوابط المشاركة