ياشباب
انا صاحب مشكلة إن العربية النوبيرا اللى بتغيب فى التدوير لما بتكون نص سخنة
رحت امبارح شبرا عند واحد ميكانيكى صحبى علشان اشوف حل للمشكلة دى وبعدين كشف على البوجيهات لقيتها مهببة غيرتها بوجيهات يابانى نضيفة وغيرت كمان سلك البوجيهات ونضف فلتر البنزين وفلتر الهوا ونضف كمان الحساسات بسبراى وبعد كده جربنا لقينا نفس مشكلة الغيبان قال لى روح اكشف على الحساسات بالكمبيوتر كشفت على الحساسات كلها وقال لى كله تمام مفيش أى مشاكل فى الحساسات وقال لى خلى الميكانيكى يطلع الرشاشات برة ويجربها ويشوف هى بتسيل ولا لأ وفعلا طلع الرشاشات بره وجربها لقى رشاش واحد وتلاتة بيسيل قال لى يبقى المشكلة فى الرشاشات لازم تتغير سألت على الطقم لقيته جديد ب 1000 جنيه طبعا كتير
انا من خلال المنتدى لقيت ان فيه ناس كتير بتنصح برشاشات ال m40 بتاعة ال BMW
سؤالى بقا انا ان شاء الله رايح الحرفيين يوم الجمعة فياريت حد يدلنى اروح لمين بالظبط الاقى عنده الرشاشات دى ولو فيه رقم تليفون يبقى مشكورين جدا علشان مالفش كتير خصوصا انى عمرى مارحت الحرفيين قبل كده
وسؤالى التانى ازاى اطمن ان الرشاشات دى شغالة كويس وسعرها كام بالظبط
آسف جدا للإطالة
شكرا جزيلا
م/ محمد فوزى