كنت راكن العربية في الجراج والسايس زقها وحركها تقريبا 0.50 متر وهي واخدة غيار
جيت ركبت العربية لقيت عضة في الفتيس على الاول والتاني
والاهم اني لقيت عداد السرعة بيأخر على ما يقرأ الرقم صح
يعني مثلا اكون على سرعة ال 60 وهو لسه بيطلع عند 40 وشوية على ما يوصل للسرعة المظبوطة والعكس عند التوقف يعني مثلا اقف بسرعة الاقيه لسه بينزل عند ال 30
مش عارف ده ايه بالظبط
معل العلم ان شوية العضة اختفت لكن موضوع السرعة ده هيجنني
اروح لمين واعمل ايه ؟
؟؟؟؟؟؟؟؟؟؟
موضوع العداد ده سهل فيه واحد بتاع عدادت في شارع اسوان عند البن البرازيلي كويس جدا وأمين انا بتعامل معاه من 5 سنين هو ممكن يحللك الموضوع ده وده تقريبا هيبقي عيب سلك العداد
هو حرك العربية عن طريق رفعها من قدام دى بتحصل وبشوفها
جرب تشيل البطارية وتركبها تانى - وشوف ازا كان فى سلك مقطوع فى حوض الموتور
السلام عليكم اولا
اول شيء اشتم الراجل ده او اديني تليفوني اطلع في غلي
تاني شيء جرب تفكل كبل البطارية وتسيبها 10 دقائق بس من غير ماتحط المفتاح في الكونتاك علشان ماتحرقش الكنترول لو الموضوع ماتظبطش لاقدر الله روح لحد بتاع عدادات
امانة عليك ياشيخ لو شوفتو تهزقو وتقولو انا ليا واحد زميلي بيقول اننك انت حمااااااااااااااار
:khd:
بصراحة محدش يلوم السايس، انا مش فاهم ثقافة تعشيق العربية دية فعلااقتباس:
المشاركة الأصلية كتبت بواسطة mrwho1982
انت غلطان يا ابو صلاح بصراحة معشقها في جراج لية يعني؟ حتطير مثلا
اوعي تكون انت اللي حبستني مرة ساعتين علشان كنت راكن صف تاني و معشق :E_braces[1]:
بص يا معلم كل اللي حصل لما السايس حرك العربيه وهي معشقه ان الماتور هو كمان لف مع حركه السياره لأنك معشق فالحركه انتقلت ليه من حركه الفتيس والفتيس اتحرك من حركه الكبالن وده عادي مفيش منه اي ضرر ع العربيه بس مش مستحب يعني لأنه كده زقها عافيه والمفروض انك تديله كلمتين في جنابه وبعد كده ياريس متبقاش تعشقها وهي في الجراج كل اللي تعمله انك ترفع فرامل اليد نص رفعه بحيس انها متتحركش بسهوله وفي نفس الوقت لو حد حاول يحركها عافيه تتحرك معاه ومطلابيتش ،،اما بالنسبه بأه لعداد السرعه فأما هو سلك السرعه او الماكينه الصغيره اللي في الفتيس وبيتربط فيها سلك السرعه عشان طرفه التاني بيروح للعداد وده هيعرفه بتاع العدادات بس حاول تلفت نظره انه يراجع علي الحاجتين دول
ياريت العنوان بالظبطاقتباس:
المشاركة الأصلية كتبت بواسطة tareksakr
يعني فين ش اسوان ده ؟
وياريت لو في رقم تليفون
هجرب رغم ان عربيتي مفيهاش كنترولاقتباس:
المشاركة الأصلية كتبت بواسطة محمد فريد
لا متقلقش انا عملت الواجب وزيادة وكافة التصليحات على حسابهاقتباس:
المشاركة الأصلية كتبت بواسطة mrwho1982
على فكرة والله انا نسيت وعشقتها لاني كنت راجع ومستعجل عايز اروح علشان ادخل الحمام فاتلبخت وعشقت الفتيساقتباس:
المشاركة الأصلية كتبت بواسطة amrbakly
الماكينة اللي بتتربط مع المكان اللي فيه زيت الفتيس مع سلك العداد لقيتها مفكوكة من قوة ومش ماسكة كويساقتباس:
المشاركة الأصلية كتبت بواسطة zastaffa
فقررت اني الاول اروح لحد بتاع عدادات وبعدين اشوف عضة الفتيس
يا باشا زق العربية وهي معشقة مفيش منه أي ضرر لا على المكنة ولا على الفتيس.
افرض ان العربية مثلا مش راضية تدور عشان المارش عطل أو قطعت كهرباء وخليت حد يزقك وانت معشق هل ده حيضر العربية بأي شكل؟؟ طبعا لأ
بالنسبة لموضوع عداد السرعة فا دي مجرد مصادفة ان سلك العداد أو مكنة السرعة أو سنسور السرعة (على حسب نوع عربيتك)حصل فيه عطل
في وجهة نظري ممكن يكون الزق ده في مشكلة للعربيات الأوتوماتك لو الفتيس على ال p فقط
ان شاء الله هروح انهاردة عند بتاع العدادات والميكانيكياقتباس:
المشاركة الأصلية كتبت بواسطة m_elkhishin
وان شاء الله خير
انا رائي من رائي m_elkhishinاقتباس:
المشاركة الأصلية كتبت بواسطة m_elkhishin