انا عندى الكوريك بتاع الفيرنا الاورجنال باظ من تانى استخدام ، والعربيه كانت مرفوعه و بنركب الاستبن وقبل منخلص راحت العربيه نازله فجاه والكوريك باظ وحته من العتبه اتنت ودخلت لجوه :_Alshmokh08[1]:، فانا دلوقتى معنديش كوريك ، فكنت طمعانه فى كرم اخلاق اعضاء نايل موتورز و عايزة اعرف نوع كوريك كويس يستحمل العربية ويكون سهل استخدامه وحجمه مناسب ونوعه كويس ( مش صينى ) وياريت اسعاره :help: ، طبعا غير الكوريك التمساح لانه كبير اوى وثقيل وبياخد مساحه فى الشنطه ووزن .
على حسب معلوماتى المتواضعه ان أأمن كوريك هو التمساح وحاليا بفكر اجيب واحد بس محتار اجيب انهى وزن منه اللى بيشيل واحد طن ولا اللى بيشيل 2 طن
وده على حسب المكتوب عليه اللى بيبقى فى اغلب الاحيان ورق وبيتلزق والكوريك قوته اقل
شكرا ليك يا Michohat على الرد ، هو فعلا التمساح كويس بس زى ما انا قولت كبير وبياخد مساحة فى الشنطة ، فياريت نعرف أراء باقى الاعضاء .
انا معايا واحد تمساح 2 طن بس فعلا واخد مساحه في الشنطه لأن علبته بلاستيك كبيره نوعيا بس امن وكويس
شكرا ليك nour2007 على ردك ، هو سعره كام وهل فى احجام منه وماركات ؟
بعد اللف لقيت ان التمساح متاح منه اوزان متعدده تبدء من نصف طن ، واحد طن , واحد ونصف طن ، اثنين طن ولا اعرف هل فيه زياده ولا لأ
كل اللى شوفته صينى
وكل الكلام ان الكتابه المكتوبة على الكوريك مش صح يعنى ممكن نلاقى كوريك واحد طن ملزوق عليه ورق انه 2 طن وهكذا
وده اللى مخوفنى من الشراء ومخلينى عاوز اجيب كوريك اثنين طن لضمان انه لو اتغش يبقى طن ونصف او طن
الاسعار فى محافظة الشرقية
كوريك طن ( لونه احمر علبه رصاصى ) رينج 80 : 100
كوريك اثنان طن ( لونه ازرق علبه سوداء) رينج 120 : 150
كوريك طن ( لونه احمر علبه رصاصى ) رينج 80 : 100
كوريك اثنان طن ( لونه ازرق علبه سوداء) رينج 120 : 150[/quote]
هو في نفس متوسط الاسعار دي
شكرا ليك يا michohat على توضيح التفاصيل والاسعار .
التمساح أسهل في الاستخدام وأبعد عن البهدلة ولو حجم العلبة أزمة ممكن يخرج منها ويتزنق في ركن الشنطة
شكرا لى ba7ray ولجميع الاعضاء على ردهم ، والحمد لله اشتريت كوريك تمساح امبارح من التوفيقيه وفعلا كلهم زى بعض متعرفش تفرق بين الواحد طن و الاثنين طن لانها ورقه وملزوقه من بره ممكن يشيلوها من اللى 2طن ويحطوها على الطن ، فجبت واحد طن وسعره 75 جنيه ولونه احمر وعلبته رصاصى وانا جبته علشان كان متبرشم يعنى متغلف بالبلاستيك الشفاف وعليه كرتون بالبرشام ، ان شارياه على انه واحد طن ولما فتحته لقيت الورقه الملزوقه عليه 1طن والورق بتاع كيفية الاستخدام مكتوب عليه 2طن عادى صح مهو كله صينى .
ربنا يستر ومش يبقى اقل
سمعت ان فى كواريك تمساح مستعمله بتتباع بس مش عارف تفرق ايه عن الجديد
وبما ان المهم فى الكوريك المكبس اللى فيه وده بيتصلح
اللى اعرفه ان الجديد لما يبوظ بنوديه يتصلح ويتغير له جلدتين
طب يا ريت لو تقولنا حضرتك نصلحه فين لأني كل ما أسال حد بتاع كاوتش يقولي لا دة ميتصلحش وهات لك واحد تمساح علما بأن اللي باظ دة هو الكوريك الأصلي اللي بيجي مع العربيةاقتباس:
المشاركة الأصلية كتبت بواسطة michohat
يا جماعة الواحد طن كفاية هى العرببة اساسا كام طن!!
وبعدين لو فرده نامت بترفع تقريبا اقل من نصف وزن العربيه
انا شفت عند واحد صاحبي كوريك شبه الهيدرولك اللي بيكون عند الميكانيكي اللي شكلة إسطواني بس كهرباء وبيتوصل في فتحة الولاعة ومعاه مفتاح عجل كمان باكهرباء شبة اللي بيشتغل بضغط الهواء عند بتوع الكاوتش هو طبعاً اكيد صيني بس بصراحة بالنسبة للبنات والسيدات يعتبر عملي جداً وكان سعرة 375 جنية هو كان جايب كمية بس مش متأكد إذا كان لسة عندة منه ولا لأاقتباس:
المشاركة الأصلية كتبت بواسطة amera
مفيش احسن من التمساح
طن و نص او طنين زي الفلللللللللللللل
بس لو العربية 4*4 أو فان لازم يكون اكتر من كدة لأن انا عندة التمساح الأحمر دة اللي المفروض انه 1 طن هو بيرفع عربيتي من النص فعلا منغير مشاكلاقتباس:
المشاركة الأصلية كتبت بواسطة hossamdoaaaa
بس كان واحد صاحبي بردة معاه واحد زييه وعربيتة كرايسلر فان والعجله اللي قدام عندة نامت حاول يرفع العربية بالكوريك كانت بتترفع سنة صغيرة وشكرا قلت يمكن الكوريك بتاعة بايظ جربنا بيتاعي بردة مافيش فايدة والعربية ماترفعش غير لما حطينا ال2 كوريك تحت العربية ورفعنا مع بعض
وبردة ياريت الناس تاخد بالها ان اهم حاجة لما نيجي نرفع العربية يكون الكوريك في وضع مستوي والأرض اللي تحتة جامدة مش رمل ولا طين يعني علشان لو الكوريك مال العربية هتقع من علية
التمساح ال 2 طن ممتاز وعملى وامان جداً لأنه مرتكز على 4 نقاط مش واحدة بس ، وفيه منه بفلنشة طويلة أو قصيرة ، أبو فلنشة طويلة ده لازم للعربيات مثل الشاهين وال 132 واللى أعلى منهم زى التيريوس مثلاً ، لو عربية مش عالية كدة يبقى التمساح العادى أحسن عشان يوفر مكان
شوفي حضرتك اللي أعرفه أني في أربع أنواع شهيرة أو هي أشهر أنواع الكوريكات الموجودة في مصر..
1- كوريك عفريتة (علي حد علمي) اللي بيكون شكل السمبوكسة و بيكون جاي من الفابريقة و اعتقد أني هو اللي جاي في الفيرنا من الفابريقة و في رأيي نوع سئ.
2- كوريك جنب و هو برضه بيكون جاي من الفابريقة مع بعض الأنواع زي اللادا اللي عندي و برضه نوعه سئ.
3- كوريك الباكم و هو أمن و جيد جدا و لكنه ثقيل و بيستخدم أصلا في الميني باص و الأوتوبيس.
4- كوريك تمساح و هو الأشهر و الأفضل و الأأمن و الأنسب.
و أنصحك بأنه يكون حمولة 2 طن.
الكلام اللى سمعته من واحد بتاع كاوتش ان التمساح بيتصلح واظن ان حضرتك بتتكلم عن الكوريك الاصلى بتاع العربية وده معرفش ينفع يتصلح ولا لااقتباس:
المشاركة الأصلية كتبت بواسطة kh_talaat
بس احب انبه ان الكواريك اللى فى السوق في منها كتير مغشوش بمعنى انه يكون مثلا طن ونص او طن وملزوق عليه ورقه انه اثنين طن ويتباع على كده
اللى وصلت له ومعرفش صح ولا لا ان الكوريك ال 2 طن لونه ازرق وعلبته ازرق غامق مايل للسواد وان الطن لونه احمر وعلبته رصاصى
الكلام ده مش أكيد لانى شفت امبارح كوريك 2 طن عند الميكانيكى ولونه كان احمر
تقسيم اكثر من رائع..بس انا عندي ملاجظة...الكوريك الباكم افضل لأنه مش بياخد مساحة كبيرة في شنطة العربية، ده غير إنه بيرفع العربيات العالية (زي الميجان، 4x4، والنص نقل) بس الأفضل تستخدم معاه اورمة (حتة خشب عرض بوصة أو أكثر)اقتباس:
المشاركة الأصلية كتبت بواسطة SAMER_ENGINES
في حين إن الكوريك التمساحة إللي بيشيل العربيات العالية حجمه (ما شاء الله) كبير جدا في شنطة العربية. والكوريك الباكم في منه 8 طن!!!! (على الأقل ده إللي مكتوب عليه)
وده عن تجربة شخصية
فعلااقتباس:
المشاركة الأصلية كتبت بواسطة ecybrarian
انا معايا كوريك تمساح مشتريه من ايام ال 128 و عاش معايا و مستعمله في اللانسر و مخليه معايا
دلوقتي اما حجزت الكارينز (قبل ما الغي و اجيب السينيك) و كنت عارف انها عالية مالقيتش كوريك تمساح يرفعها
اشتريت كوريك باكم و فعلا حجمه زي حجم علبة مناديل زينة بتاعة العربية تقريبا مش واكل الشنطة و بيرفع العربية لارتفاع محترم
ولو ان الموضوع قديم
لكن فى حاجه مهمه احب اضيفها
الكوريك التمساح ياجماعه سواء 2طن او طن او طن ونص
بيختلف كمان فى ارتفاعه مش بس الحموله
يعنى كل مايزيد بياناته فى الحموله بيزيد كمان فى الارتفاع
يعنى انا كان معايا عربيه بيتل واشتريت تمساح واحد طن
لما جيت ارفع العربيه كان لازم احط قورمه خشب تعليه
لكن لما غيرت الكوريك 2 طن كان مش محتاج تعليه
كل اللى قالوا التمساح كلامهم تمام بس ما تجرب الكوريك اليابانى انا ما شفتش حد بيشتكى منه هوا سمبوكسة و بيشيل نص طن و ممتاز و حمال اسية ممكن تجيبه استيراد من بتوع اليابانى و مش هاياخد مكان فى الشنطة خالص
السمبوكسة دة فعلا عملى جدا سواء فى الاستخدام و فى الحجم!
انا باقول كده بردك و هوا مش لازم ترفع العربيا للاخر يادوبك بس المسافة اللى تخليك تشد العجلة و بكده عمره ما هايفلتاقتباس:
المشاركة الأصلية كتبت بواسطة darkangel007