الموضوع: عوامة البنزين

نفع اي حاجه تعملها بنفسك بس الععوامه لييها صليبه معينه فا ده العامل مشكله بس

بص ياسيدى
موضوع سهل جدا جدا
انا هتشيل قاعدة الكنبة اللى ورا
بجانشين تحت واحد فى اليمين وواحد فى الشمال
تضغط لتحت مع الشد لناحية الباب الخلفى فى كل ناحية
بعد متشيل قاعدة الكنبا هتلاقى غطا فبر لفة براحة هو معشق فى الفتحة هيفك
هتلاقة العوامة راكبة فى التنك
هتفك الأفزين بتوع الخراطيم وتشد الخرطومين
وكمان هتلاقى فيشه كهربا زى بتاعت زرار كهربا الازاز شدها
العوامة كدا بقت متسلكة وهتلاقى راكب عليها اطار مستدير فيه بروزات لفة باديك لو جامد هات مفك وعشقة فى البروز مع دقة خفيفة هيفك وبعد كدا كمل بأيدك لحد ميطلع فى ايدك
ووأسحب العوامة كلها
وبس

المشاركة الأصلية كتبت بواسطة hic

استاذ
ما شاء الله عليك يا احمد باشا
بس الموضوع شكله كبير حبتين ع العموم ح احاول علشان انا بصراحه عاوز احاول اعمل كل حاجه بايدى من كتر الاشتغالات بتاعة الصنايعيه
يعنى انا امبارح رحت للكهربائى علشان الازاز الامامى بيطلع بطئ لقيته جاب wd40 و عمال يحطه ع الباب و انا مش مقتنع من اللى بيعمله نهائى و قال لى بعد شويه ح تلاقيه بقى سريع و هو زى ما هو مفيش اى تغير يعنى كلها اشتغالات و خلاص
اللى نفسى اعمله فعلا يا احمد باشا هو فك الكاربيراتير بس بصراحه خايف جدا
اسف للا طاله

ياعم مفيش خوف ولا حاجة
وحكاية بط الازاز الكهربا ديه بتكون بسبب الكهربا
خلى الكهربائى يدى الأزاز وصلة من البطارية مباشرة بسلك تخين ويشغل لو لقيت بقي سريع خليه يعمل وصلة بكتاوت تقوية ليه
وهيبقى طيارة مكنش كدا يبقى الماتور ضعف
والله حكاية فك الكربراتير فى متهى السهولة
بس هيروضك أحساس وهاجس من نفسك انك هتفكة ومش هتعرف تركبه
أعرف على طول ان ده شطان وبيخوفك من المصلحتك
الموضوع محتاج منك شوية تفكير لو معندكش اى خبرة
بمعنى مفيش اسهل من انك تفك المسامير والافزان بتاعت الخراطيم وتفك بلبلة وير الدواسة عملة زى وير فرامل العجلة
وتمسك الكربراتير وتطلع بية البيت مع 2 لتر بنزين وفرشة وتخليى يبرق وتفك البيكات وترجع ها مكانها وتسلى وقت
بس تعرف مكان البيك اللى بعلى ويوطى العربية عشان تتحكم فى ضبط الهوا
وترجع تركب
واكيد هتحس بفرح
لأنك بكدا جزء الكربراتير ده فهمته وممكن تعدل فيه كمان

ضبط ايه دهو مسمار رفيع بيعلى ويوطيه وكدا كدا الكهربا ثابته
هتقفل هوا لغايه متحس ان العربيه هتبطل وتبتدى تفتح سنة سنة لحد ميستقر صوت الماتور و ميتهزش

لا شكر ولا حاجة احنا كل اخوات