الموضوع: معا ضد الحرامية فى بيع و شراء السيارات (حملة يجب المشاركة فيها) منعا للأستغلال

المشاركة الأصلية كتبت بواسطة a77med

والله موضوع جميل لكن فيه شىء بيضحكنى فى نفس الوقت وهو الناس مفكره ان العربيات دى اثار ولا حاجه ومتهيئلها ان كل لما تطول وتبعد سنه الصنع بتاعها كل لما سعرها هيزيد ودع عن اللى بشوفه وهو انى حاليا بدور على عربية امشى بيها حالى اليومين دول عبال لما ربنا يكرمنى بقرشين كمان شوية ابيع واكمل واجيب حاجه عاليه بعد كده ونضيفة فققرت اجيب 128 وعشان انا مش عاوزها للمنظرة فقولت اجيب موديل عادة اللى هيا خلاص بتقول ارحمونى بقا تتخيل الاسعار عامله ازاى
روحت لواحد معاه عربية 128 عادة لكن الحقيقة مش محتاجه مصاريف فابقوله موديل كام ومطلبو فيها ايه دى ياباشا رد عليا وهو مبسوط اوى وفرحان وبيقولى موديل 73 ومطلوب فيها 20 الف من الاخر
انا والله اول مارد عليا قولتله حضرتك متأكد من السعر قالى ايوة انت مستغرب ليه قولتله علطول سلام عليكم فى نفس الوقت صعبان عليا الراجل اللى بيحلم ياعينى صاحب العربية ومش ده بس ده فيه مةن ده كتير يعنى روحت لواحد معاه 132 موديل 77 اللى فيها بس جنوط مش اكتر تتخيل طالب فيها كام برده بيقولها وهو فرحان وطبعا انتوا عارفين كلام البايعيين ده دى عربية فابريكة وعربية بص انا اول ايد وعلى فكره العربية كانت مع والدى بس مش عارف ايه والعربية جالى فيها اكتر من كده لكن انا مش عاوز ابيعها بيحسسنى انها اثار بجد وكان طالب فيها 24 الف
انا والله من اللى بشوفه بفكر استحمل واجيب حاجه زيرو لكن المشكله عشان اجيب زيرو قدامى سنه ولا حاجه فايامسهل يمكن نلاقى واحد عاقل نشترى منه العربية
اسف على الاطاله وتقبل مرورى

كلام سليم 100% و عندك حق والله السيارات دلوقتى بقيت عند صحابها زى الأثار
على كدة بقى انا أشترى عربية موديل السنة دى و أركنها عندى كام سنه كدة لحد ماتقدم وأبيعها بسعر عالى هههههههههههههههه
على العموم ربنا يكرمك ويوفقك و تجيب العربية بسعر معقول و بإذن الله تكون مرتاح فيها