إحذر : الطريق الساحلي الدولي من بلطيم إلي رأس البر

**Islam_galal** · 21-10-2009 09:18 PM

السلام عليكم و رحمة الله و بركاته

الإخوة الأعزاء ، للأسف أعمال إصلاح في منتهي الغباء الهندسي في المنطقة من بلطيم إلي رأس البر ، شركات مختار ابراهيم و طارق علام و و و للأسف جزء صغير من الأعمال للمقاولين العرب و عشان كده كل المساوئ ممكن تخيلها موجودة

تخيل طريق اسمه الدولي فيه وصلة حوالي 20 كم من الأسفلت المكسر و حوالي 2كم من الزلط السن في الاتجاهين و مفيش جزيرة

أنا مشيت علي الطريق نهارا رايح جااي و شفت عربيتين نقل بمقطورة مقلوبين و كل واحدة قافلة الطريق بحمولتها ، طبعا دي كانت خسائر الليلة اللي قبلها و الشبورة

حذار حذار من الطريق ده و ربنا يستر لغاية ميخلصوا الأفخاخ أو ما يسمس تصليحات

**mshamy** · 22-10-2009 12:49 AM

فعلا الطريق ده سيئ جدا و بقاله على الحاله دي سنين
جزاك الله خيرا على التنبيه

**the-hero** · 22-10-2009 05:01 AM

جذاك الله خير أخى الكريم

**M.Osman** · 22-10-2009 11:41 AM

شكراً للتنبيه

و بصراحة انا لا انصح اي حد يستخدم الطريق دا بالليل..

**جمال** · 22-10-2009 02:48 PM

هو ده على الطريق الساحلى ؟؟
ده انا ناوى اسافر عليه كمان يومين وهاخده من اسكندرية الى بور سعيد ثم الاسماعيلية ثم فايد
ايه رأيكم

**Islam_galal** · 22-10-2009 02:58 PM

تجنب الليل و الشبورة
يعني السير من بعد الشروق و قبل الغروب و السرعة طبعا في حدود الـ 100 كحد أقصي في الأماكن السليمة و بمجرد إختفاء الجزيرة توقع أي شئ (اختفاء الاسفلت أو درجو سلالم من الاسفلت بين الجديد و القديم أو تكسير)
الكباري الضيقة ، عدد 2 كوبري ، و هي كباري معدنية واحد في البرلس و التاني مش فاكر دول في منتهي السوء

و لو حد يعرف طريق تاني يقدر يفيد حضرتك ، مثلا من اسكندرية-القاهرة-السويس-فايد ، لو في حاجة كده تبقي أفضل