أشكرك جداَ
عرض للطباعة
أشكرك جداَ
بالظبط كدة
انا على ما أتذكر إن د. بهاء في الأصل أخصائي تأهيل وروماتيزم وعلاج طبيعي عشان كدة اللي بيشتكي من حاجة زي دي يفضل يروح له في مركز حدائق الأهرام، إنما اللي هايظبط غذاء او وزن هايكون أفضل له يروح الشيخ زايد لو أقرب له لأن ده مش محتاج أجهزة ولا تجهيزات.
هو يادوب ميزان والدردشة المعتادة مع الدكتور اللي بتنتهي بالنظام الغذائي اللي بيستمر لمدة أسبوع.
بس بصراحة هو راجل محترم أوي وبشوش ومستمع جيد جداً.
وبالنسبة للشيخ زايد كان الكشف من شهور أول مرة بـ 100 جنيه وبعد كدة المتابعة بـ 40 جنيه.
والمتابعة بتكون كل أسبوع.
لقيت له مركز في عمارات العبور كمان للي ممكن يكون قريب منه
مركز الد كتور بهاء الدين ناجي للرومانيزم والطب الطبيعى وعلاج السمنة فرع عمارات العبور
العنوان
12 عمارات العبور صلاح سالم مدينه نصر - القاهرة - مصر تليفون
(202)3885235
(202)4045356
(202)3859690
وفرع حدائق الأهرام
العنوان:
10 شارع حدائق الأهرام بجوار متحف ناجى / أول طريق مصر الإسكندرية
تليفون:
33885235
ممكن يا موتو لو عاوز تتصل قبل ما تروح تكلم مركز من دول عشان تاخد منهم عنوان ومواعيد مركز الشيخ زايد.
الف شكر يا جماعه بس كان عندى سؤال كلكوا بترشحوا دكتور بهاء الدين عن تجربه و لا تسمعوا ان هو كويس اصلى
مش محتاج تصرف اوي كدة طبعا لية يعني انت اولي بفلوسك
في دكتور في عباس العقاد مركز الصفوة هناك اسمة الدكتور محمود
انا متابع مع دكتور بهاء ناجى من شهر مارس اللى فات
لحد وقتنا هذا
اول ماروحتله كان فى فاتح فى مصر الجديدة فى روكسى بس هو قفل العيادة ديه
هو حاليا ليه 3 عيادات (الدقى , الشيخ زايد , حدائق الاهرام)
و كان وزنى وقتها 137
حاليا بقيت 102
و لسه بتابع معاه بس بدل ما بروح كل اسبوع بروح كل اسبوعين
العنوان 19 ش المساحة و 13 ش عامر و رقم التليفون 33383939
لان العمارة بتطل على الشارعين
الكشف حاليا 200 جنيه اول مرة
و 300 جنيه لو مستعجل
و المتابعة كل مرة ب60 جنيه
نظام الحجز عموما بالنسبة للكشف اول مرة او المتابعة بيكون لازم تدفع مقدم
هو النظام بتاع الاكل بتاعه مريح و كويس بس الالتزام من ناحيتك اهم
و تحاول تمشى مثلا كتير او تقلل من استخدام الاسانسير و العربية
على العموم لو محتاج اى حاجة انا فى الخدمة