الاتحاد الأفريقي يبحث تظلم الأهلي ضد العرجون 4 ديسمبر

**Santino** · 13-11-2007 07:30 PM

تلقت إدارة النادى خطابا من الاتحاد الأفريقي لكرة القدم يفيد أن الاحتجاج الذى تقدم به الأهلي تجاه الأخطاء الفادحة للحكم المغربى عبد الرحيم العرجون " أو قل فضيحة العرجون " والتي تسببت فى فقدان اللقب الأفريقي سوف تتم مناقشته فى اجتماعات اللجنة المنظمة لبطولات الأندية الأفريقية المقرر انعقاده بالقاهرة فى 4 ديسمبر القادم .. وكان النادى قد تقدم بمذكرة للاتحاد الأفريقي يطلب فيها إجراء تحقيق موسع بشأن التجاوزات والأخطاء التى ارتكبها طاقمى التحكيم فى مباراتى الدور النهائي فى حق الأهلي الأمر الذى ترتب عليه فوز النجم الساحلي ببطولة دورى رابطة الأبطال وسلب حق الأهلي المشروع فى الحفاظ على اللقب الإفريقي .. وسرد الأهلي فى مذكرته العديد من الوقائع التى ارتكبها الحكام والتى تفوق التقدير البشرى ..

من الموقع الرسمي للنادي الأهلي :
http://www.ahlyegypt.com/Arabic/News/press/mail_caf.htm

أنا عارف إن مافيش حاجة ح تتعمل , لكن علي الأقل بعاقبوا العرجون و يوقفوه , لأن مش معقول و احد زي العرجون ده يضيع مجهود سنة كاملة لفريق و مايتعاقبش .

**meza** · 13-11-2007 11:21 PM

برضوا مش هيعملوا حاجة

الإتحاد الإفريقى هيعمل زى ما عمل مع التظلم بتاع إنذار محمد بركات

أنا لاحظت كلمة "طاقمى التحكيم" .......... مع إنى كنت نسيت اللى حصل فى المباراة فى تونس
بس فكرتنى بإن التحكيم هناك برضه كان سىء و ضيعوا ضربة جزاء على الأهلى

بس فُجر و وقاحة (على رأى دكتور علاء صادق فى تعليقه على التحكيم) العرجونى نسونى كل اللى فات ............ لأنه عمل مصايب ........ أى والله مصـــــــــــــــــايب :|

و على فكرة العرجونى إعتذر للأهلى على عدم إنصافه مع محمد شديد قناوى لما وقعه لاعب النجم داخل المربع ........ بس بعد إيه يا بوب ......... ما إنتا بهدلت الدنيا خلاص ...................
ملاحظة لم يذكر عدم إنصافه مع اللى إتعمل فى أبو تريكة برضه فى منطقة الجزاء!!!

**Sharky** · 13-11-2007 11:34 PM

و على فكرة العرجونى إعتذر للأهلى على عدم إنصافه مع محمد شديد قناوى لما وقعه لاعب النجم داخل المربع ........ بس بعد إيه يا بوب ......... ما إنتا بهدلت الدنيا خلاص ...................

هو فعلا إعترف بخطأه ؟؟؟؟
أصلى سمعت إنه قال إنه ما ظلمش الأهلى فى أى حاجة

**Hisham_ElFeky** · 13-11-2007 11:37 PM

دول ولاد"تيييييييييييت" اصلا اول ماتش في كاس العالم للاندية 7 ديسمبر

اتحاد حياتو الافريقي

**Santino** · 14-11-2007 12:34 AM

و الله أنا مش بحب أتكلم عن التحكيم عموما في الكورة لأني عارف إن الغلطات ( العادية الغير مقصودة ) من الحكام تعتبر جزء من اللعبة , و زي ما كل الفرق بتتإذي من غلطات الحكام برضو كل الفرق بتستفيد من غلطات الحكام و ياما في الدوري الإنجليزي غلطات للحكام , لكن لما الموضوع يوصل للدرجة اللي شوفناها في ماتشين النهائي و خصوصا الماتش التاني يبقي مش ح أعرف أسكت ,
أنا مش ح أتكلم عن ضربتين الجزاء اللي ما إتحسبوش و في نفس الوقت مش ممكن نقول عليهم سوء تقدير , لكن ح أتكلم عن الحاجات اللي كانت بتحصل أدام عينيه و هو عامل نفسه مش واخد باله , أولا الحركات و الإشارات اللا أخلاقية اللي كان بيعملها صابر بن فرج و كان العرجون واقف بيتفرج و ناقص يصقفله بدل ما يديله طرد , ثانيا مدافع النجم لما ضرب فلافيو بقصده علي وشه و الحكم واقف يتفرج و ناقص يقول لفلافيو : إديله الخد التاني , ثالثا حالات الوفاة اللي كانت بتيجي للاعبي النجم , كل شوية تلاقي واحد منهم وقع علي الأرض و ماسك رجله زي مايكون جاله رباط صليبي و البيه العرجون ناقص يقوله ألف سلامه يا حبيبي . أجيبلك ليمون تروء دمك و تحرق دم الأهلاوية ؟
حاجة تنرفز و تحرق الأعصاب و الواحد شايف مجهود فريقه في سنة ... وخصوصا إني بأعتبرها بطولتين خسرناهم مش واحدة : دوري الأبطال و السوبر الأفريقي .
علي العموم إن شاء الله خيرها في غيرها و بإذن الله نعوضها السنة الجاية , و لعل البطولة الضايعة دي تكون قرصة ودن لينا علشان ننزل بمعدل أعمار الفريق و نجدد في الفريق و ندعم المراكز الضعيفة ( و هي واضحة للكل ) .

**sokasoon** · 14-11-2007 12:58 AM

على العموم النجم الساحلى التونسى هيبان وهنشوف هيعمل ايه فى اليابان

ويبقى يورينا هيمثل ازاى فى اليابان

**Hisham_ElFeky** · 14-11-2007 01:11 AM

المشاركة الأصلية كتبت بواسطة SONNY

و الله أنا مش بحب أتكلم عن التحكيم عموما في الكورة لأني عارف إن الغلطات ( العادية الغير مقصودة ) من الحكام تعتبر جزء من اللعبة , و زي ما كل الفرق بتتإذي من غلطات الحكام برضو كل الفرق بتستفيد من غلطات الحكام و ياما في الدوري الإنجليزي غلطات للحكام , لكن لما الموضوع يوصل للدرجة اللي شوفناها في ماتشين النهائي و خصوصا الماتش التاني يبقي مش ح أعرف أسكت ,
أنا مش ح أتكلم عن ضربتين الجزاء اللي ما إتحسبوش و في نفس الوقت مش ممكن نقول عليهم سوء تقدير , لكن ح أتكلم عن الحاجات اللي كانت بتحصل أدام عينيه و هو عامل نفسه مش واخد باله , أولا الحركات و الإشارات اللا أخلاقية اللي كان بيعملها صابر بن فرج و كان العرجون واقف بيتفرج و ناقص يصقفله بدل ما يديله طرد , ثانيا مدافع النجم لما ضرب فلافيو بقصده علي وشه و الحكم واقف يتفرج و ناقص يقول لفلافيو : إديله الخد التاني , ثالثا حالات الوفاة اللي كانت بتيجي للاعبي النجم , كل شوية تلاقي واحد منهم وقع علي الأرض و ماسك رجله زي مايكون جاله رباط صليبي و البيه العرجون ناقص يقوله ألف سلامه يا حبيبي . أجيبلك ليمون تروء دمك و تحرق دم الأهلاوية ؟
حاجة تنرفز و تحرق الأعصاب و الواحد شايف مجهود فريقه في سنة ... وخصوصا إني بأعتبرها بطولتين خسرناهم مش واحدة : دوري الأبطال و السوبر الأفريقي .
علي العموم إن شاء الله خيرها في غيرها و بإذن الله نعوضها السنة الجاية , و لعل البطولة الضايعة دي تكون قرصة ودن لينا علشان ننزل بمعدل أعمار الفريق و نجدد في الفريق و ندعم المراكز الضعيفة ( و هي واضحة للكل ) .

العرجون هيبطل تحكيم في مارس القادم فلازم يظبط مستقبله خصوصا ان الدينار التونسي يساوي الدولار

**Ashraf A.Kader** · 14-11-2007 01:15 AM

حسبي الله ونعم الوكيل علي كل ظالم

**الريس** · 14-11-2007 01:21 AM

علي العموم إن شاء الله خيرها في غيرها و بإذن الله نعوضها السنة الجاية , و لعل البطولة الضايعة دي تكون قرصة ودن لينا علشان ننزل بمعدل أعمار الفريق و نجدد في الفريق و ندعم المراكز الضعيفة ( و هي واضحة للكل )

هو ده المفيد .. الكاف و لا هيعبرنا .. و اعتقد انها كانت مقصودة و احنا ساعدناهم