الموضوع: صدفة خير من ألف ميعاد

شوفوا إحنا بقالنا كتير بنقول عايزين نتقابل
و انا بقالي فترة كل ما أمشي في حتة أقابل حد سيريوني

طبعاَ علي بقابله كتير صدفة في أكتوبر و عالصحراوي لأنه رفيق 6 أكتوبر مرة إتقابلنا في الحي السابع الساعة 10 بالليل .. و مرة عالصحراوي في إمارات مصر الساعة 6 الصبح عادي جداَ

و من كام يوم كنت راجع البيت و وقفت في بنزينة موبيل الشيخ زايد كانت الساعة 2 بالليل كدة و دخلت on the run أشتري حاجة و انا طالع لقيت ياسر و هند ara بيبصوا عالعربية بيشبهوا .

و إنهاردة كنت مستني صحابي برة في بنزينة جنب بوابة من بتوع الرحاب و بكلم معاذ عالموبايل - و كنت بكلم قبله محمد عبد الله نايل ستورم!- في موضوع الزيت .. ألاقي ميدو جي عليا

سبحان الله عمالين نقول عايزين نتقابل و في الأخر بنتقابل في أماكن و مواعيد لا تخطر علي بالنا .. ربنا يكتر من الصدف الجميلة و دي علامة بقي عشان نتقابل كلنا