كنت عايز ازاي اقدر اضبط الخلوص بتاع عمود التاكيهات اصل في صوت غريب طالع منة ولما سألت قالولي دة من عمود التاكيهات فكنت عايز اظبطة في حد ممكن يساعد؟ :-)
عرض للطباعة
كنت عايز ازاي اقدر اضبط الخلوص بتاع عمود التاكيهات اصل في صوت غريب طالع منة ولما سألت قالولي دة من عمود التاكيهات فكنت عايز اظبطة في حد ممكن يساعد؟ :-)
لو ليك فى الميكانيكا ممكن نساعدك
اولا لازم يكون عندك فولار وده لقياس الخلوص بين التاكيه وعمود الكلمه
و لازم تعرف القيمة الصحيحة للخلوص فى العربيتك و الضبط يكون على الساخن ام البارد
MMamdouh
علي فكرة انا اصلا هندسة قسم ميكانيكا سيارات في سنة تانية بس مخبيش عليكم في العملي انا نص ابيض
الخبرة العملية ملهاش دعوة بالدراسة... انا خريج تجارة اساسا :mrgreen:
عموما لو بتحب المجال دة يبقى لازم تشتغل بايدك عشان تبقى فاهم صح ;)
MMamdouh
طيب ماهو دة اللي انا بحكي فية انا داخل القسم دة عن حب ونفسي اعرف كل حاجة بس المشكلة ان انا درستي اغلبها نظري يعني انا اديلي سنتين مدربتش لغير شهر واحد بس في مرسيدس فيارات لو فيها غلاسة يا استاذ محمد تقولي علي اعملة وانا اشتغل بأيدي منها اتعلم ومنها استفاد خبرة :-)
اول حاجة تدور على كل حاجة فى الكتاب اللى بتدرسة فى العربية... كل قطعة فى رسم بيانى او صورة بتقى واضحة زى الشمس لان دى وظيفة الكتاب لكن فى الحياة العملية ممكن تفك حاجات كتير عشان توصل لمسمار او توسع مساحة لقطعة عدة...انا لسة من كام يوم كنت بغير بوجيهات فى عربية اكسنت و فكيت العمة عشان اوصل لبوجية نمرة 4 و فى النوبيرا بفك قاعدة الموتور عشان تغير سير الكاتينة
شوية بشويه حتعرف ايه الانظمة اللى فى عربيتك و ايه اللى مش عندك يعنى عربيتك كربراتير ولا انجكشن و اشعال الكترونى ولا عادى مكان المنافول و الفرن لو فى منس الجنب ولا كل واحد فى جنب و فيها تاكيهات عادية ولا على كستبانات و منها حتدور على طلمبة الزيت و الحساسات و الكونترول و هكذا لحد ما تتعرف على كل جزء فى العربية من عفشة و دركسيون و خلافة
طبعا عشان تعمل القصة دى لازم يكون عندك عدة محترمة و اهم حاجة متفكش اى شىء شاكك انك مش حتعرف تركبة تانى... اسهل حاجة الفك و اصعب حاجة التركيب
بعد كدة وسع معرفتك فى عربيات تانية و شوف الفروق بينها و بين عربيتك... ايه الزيادة و ايه اللى ناقص و ايه اللى مطابق... شارك زمايلك اللى بيحبوا يشتغوا باديهم و اتعلم منهم... انا بقيت بلبس افارول و انا عند الميكانيكى و بنشتغل مع بعض و فى حاجات هو شخصيا بيسالنى فيها :mrgreen:
MMamdouh
انا والله يأستاذ محمد مش عارف اقولك اية بس ربنا يباركلك علي اللي انت بتعملة
بالمناسبة العدة المحترمة دي اجبها منين؟ :-)
شارع الجمهورية
MMamdouh