بالله عليكم مش عارف أعمل إية

عرض للطباعة

22-10-2009, 08:12 AM
MOK3336

بالله عليكم مش عارف أعمل إية

السلام عليكم و رحمة اللهو بركاتة
ياريت يا جماعة حد يساعدني في المشكلة دي
و أنا عارف أن في أكتر منواحد في المنتدي عنده نفس المشكلة بس معلش أستحملوني.
دلوقت أنا كنت عاوز أجيب فيرنا 2010 الشكل الجديد بس في ناس بتشكر في اللوجان و بتقول أنها أحلي منها و في ناس تانية بتقول لانوس و ناس بتقول إسبرانزا 516 علي أساس أنهم في فئة سعرية واحد أو متقاربة جدا
فأنا بقي مش عارف أعمل إية
- الفيرنا ماتور جامد ولكن ديقة و وواطية يعني لو ركبت 3 سمان شوية مش عارف إية إيلي هيحصل بصراحة
- اللانوس شكلها هو هو ومفيش اى تغير
- اللوجان مشكلة قطع الغيار مش متوفرة لسة ومش عارف ماتورها مش بتكنولوجيا حديثة زى الفيرنا
- إسبرانزا حلو وكل حاجة بس صيني مش مرتاح لها نفسيا عشان صيني

فأنا مش عارف بقي أعمل إية عشان أول عربية أشتريها و إن شاء الله مش ناوى أغيرها عشان انا مش من هواه البيع و الشرا وعلي فكرة أنا بحافظ علي حاجتي جدا جدا جدا مهما كانت صغيرة او كبيرة
أنا متطلباتي في العربية يا جماعة
تكون عائلية - موفرة جدا جدا في البنزين و قطع الغيار - و ساعت محب أشد بيها تشد بيا
واحد صحبي قالي هات مستعمل بس انا خايف من المستعمل ده عشان كده كده هيصرف
فأنا عندي أقتراح حلو
1- لو جديدة أجيب إية
2- لو مستعملة أجيب إية بس في الحالة دي مش هيبقي أكتر من 50 ألف وهل هتبقي زى الزيرو و لا لأ يعني في الأداء وكده

( بس إيلي يقول واحد سواء جديدة أو مستعملة يقولي لية مش عاوز أهواء شخصية الله يكرمكم )

و أسف أسف جدا علي كلامي الكتير أصلي رغاي شوية هههه
22-10-2009, 12:22 PM
أبو عبدالله

ممكن توضح ايه متطلباتك في العربيه بالظبط بأولوياتها بالترتيب
وكذلك ايه الحاجت اللي مش عاوزها في العربيه ومش هتعجبك فيها برضه بالترتيب
علشان يبقى فيه دقه في الكلام والأختيار
ونصيحة من الأول عاوز تستخير كتير علشان ترزق الخير بإذن الله فالخير لا يعلمه الا الله
22-10-2009, 02:03 PM
MOK3336

إية يا أبو عبدالله منا قولت أهه

اقتباس:

المشاركة الأصلية كتبت بواسطة mok3336

السلام عليكم و رحمة اللهو بركاتة
-أنا متطلباتي في العربية يا جماعة
تكون عائلية - موفرة جدا جدا في البنزين و قطع الغيار - و ساعت محب أشد بيها تشد بيا

و تاني يا عم عشام خاطر عبدالله
عاوز عربية موفيرة في كل حاجة قطع غيار و بنزين
عربية عائلية مش معني كده تكون 7 راكب لا بس تكون معقولة
تكون قوية تستحمل الشوارع و طبعا كلنا مش قاعدين علي البحر ولا علي النيل
مريحة في سواقتها و مش مرهقة في السفر ( انا مش بسافر كتير بس برده )
وقت ما أحب أشد بيها ألاقيها تشد بيا متكسفنيش
لو جديدة يبقي 67 ألف و لو مستعمله مش أكتر من 50000
و في الحالة التانية ( مستعملة ) مش عاوز أصرف عليها غير المصاريف العادية او المعروفة زى غيار الزيت مثلا يعني الحجات ايلي كده كده هتتعمل في اى عربية سواء جديدة أو مستعملة
وشكرا يا أبو عبدالله علي الإهتمام ( علي فكرة أسم عبدالله ده جميل جدا و كنت هسمي أبنى عبدالله بس سميته عمر :) )
22-10-2009, 02:19 PM
amr.elsayed

اولا مينفعش تجمع بين كل حاجة فى عربية واحدة ماكنش حد احتار
وكان كل الناس اشترت عربية واحدة لان فيها كل حاجة
1- عائلية وموفرة فى البنزين يبقى لوجان
2- عائلية وسعر قطع غيار رخيصة لانوس
3- شد وسحب وقطع غيار رخيصة يبقى فيرنا
واى عربية من دول حتحب تشد بيها حتسحب معاك واداء جيد وافضل تسارع فيهم الفيرنا وارخصهم قطع غيار هى اللانوس واكثرهم عائلية وراحة هى اللوجان
بالنسبة للمستعمل :-

اقتباس:

لو مستعملة أجيب إية بس في الحالة دي مش هيبقي أكتر من 50 ألف

ممكن تجيب لانوس حالة جيدة بال 50000 وهى افضل عربية فى المستعمل فى راى لانك لو تحب تظبتها مش حتدفع كتير

اقتباس:

وهل هتبقي زى الزيرو و لا لأ يعني في الأداء وكده

عاما الزيرو افضل طبعا العربية تحت ايدك جديدة وانت اللى حتاخد خيرها
ومعروف ان العربية بتاخد خيرها فى اول سنتين تلاتة من وهى جديدة
بعد كدة بيبدأ يظهر على قطع السيارة الاستهلاك
وراى الشخصى لو حتجيب جديد يبقى لوجان
ولو حتجيب مستعمل يبقى لانوس
واستخير ربنا قبل اى شيئ وربنا يرشدك للاختيار الامثل
لان مفيش حد حيختارلك عربيتك لازم انت اللى تختار عربيتك
اللى تلبى احتياجاتك
22-10-2009, 11:13 PM
ahmdmagdy

اللانوس من غير تفكير
23-10-2009, 01:39 AM
HanyHanyHany

1- عائلية وموفرة فى البنزين يبقى لوجان
2- عائلية وسعر قطع غيار رخيصة لانوس
3- شد وسحب وقطع غيار رخيصة يبقى فيرنا

+1
23-10-2009, 10:23 AM
MOK3336

طيب يا جماعة أنا شوفت عربية إستعمال نيسان صيني 2007 مانوال كانت ب65000 إية رأيكم فيها هي ولا اللواجن أو اى عربية بالسعر ده جديد
23-10-2009, 11:00 AM
A.Saad

القيرنا موتورها مش تقنية حديثة
23-10-2009, 04:11 PM
khela

منصحكش بالمستعمل الا اذا كنت عارف العربية كويس يعنى عارف اصلها وفصلها ......يعنى بتاعت واحد قريبك او زميلك او جارك وهو اول يد عليها يعنى من الاخر تكون عارفها كويس غير كدة الزيرو احسن من طريقة كلامك حتحافظ عليها ومش حتشوف ميكانيكى قبل 6-7 سنين
راى الشخصى لانوس ( عائلية-- استهلاك بنزين كويس--قطع غيار متوفرة ورخيصة -- مش محتاج تروح توكيل على الاقل بعض مالضمان ينتهى لان كل الميكانيكية بيفهموا فيها--سحب وشد معقول وبتطلع من الفرنا على السرعات العالية((فية مقارنة مثبتة بينها وبين الفرنا ممكن تراجعها))--احسن اعادة سعر بيع فيهم --ثبات كويس)
رابط المقرنةhttp://www.nilemotors.net/Nile/670-a.html
23-10-2009, 05:39 PM
MoHaMed HaMeD

لوجان زى مال رينجو وحضرتك مش هتبقى عايز تشد علطول
يبقى لوجات تسارع مرضى ثبات ع السرعات العاليا كماليات مش هتلاقى زيها ف نفس السعر
وسائل امان فيها ((ايربارج للسائق))

معادله لصالحك ف الاخر

ومتنسيش تسخير ربنا

ونقطه تانيه تكيلها محترم جدا وثبات نفسه
وحضرتك قولت هتحافظ عليها يبقى خليك ف اللوجان وان شاء الله مش هتندم
23-10-2009, 09:48 PM
medo_2060

انا راى تجيب اسبرانزا m11 الجديده عربيه تحفه بجد وفى ناس فى المنتدى هنا جابوها وبيشكروا فيها اوى وانا شوفتها فى الحقيقه واشايف ان اسبرانزا شالت اغلب العيوب الى كانت فى الموديلات الى قبل كدا من ال m11 بس هى ب 75 الف يعنى اغلى شويه من الى انت كاتبه ولو لازم من الاختيارات بتاعتك يبقى لانوس او لوجان برضه ممتازه
23-10-2009, 11:34 PM
mando_07

بص أنا رأيي لو عايز زيرو هات فرنا لو عايز مستعمل هات لانسر موديل 99 f\o اللوجان مقدرش افتيلك فيها عشان مجربتهاش لكن الصراحة بكره شكلها
بس سؤال إيه الفرنا الجديدة دي ؟؟؟؟
24-10-2009, 12:45 PM
MOK3336

السلام عليكم و ررحمة الله و بركاتة
mando_07

اقتباس:

بس سؤال إيه الفرنا الجديدة دي ؟؟؟؟

أنا كنت مفكر أن موديل 2010 هيبقي مختلف :majd(4):
روحت سئلت عليها لقيتها هى هى شكلها زى ما هو و بـ 68500 ؟؟؟ :36_7_4[1]:
و شكرا يا جماعة بجد علي الإهتمام و الله منا عارف أقولكم إية
بس معادلة كده بسيطة نحلها مع بعض ممكن :ma(36):
دلوقت لو العربية زيرو (نقول في المتوسط 65000 )
طبعا لما تعلق نمر ثمنها هينقص 10000 بالراحة كده من غير حتى ما تمشي 1000ك
ولو مستعملة ( نقول في المتوسط 65000 برضة )
أكيد هتبقي فيها إمكانيات أعلي من الزيرو أم 65000
غير كده مش هخسر 10000 لما أبيع زى الزيرو ( ده لو بعت أساسا )
و علي الاقل الرخصة خيبقي فيها سنة و لا حاجة ( يعني توفير فلوس الترخيص لمدة سنة )

طبعا من كلامي ده تحسوا أنى مقتنع بالمستعمل :w6266d و ممكن وحد يقولي أما أنت واجع دمغنا ليى من الصبح :36_1_31:

بس ده مش كلامى و الله ده كلام واحد تاجر عربيات سئلته امبارح و قالي يا عم أنت هتروح بالعربية لأى ميكانيكي تعرفة و كمان سمكري و هما أكيد هيعرفوا إية ظروف العربية لكن حرام تجيب زيرو و تخسر فيها 10000 كده بالراحة من غير اى حاجة و المبلغ إيلي معاك ده يجبلك حاجة كويسة مويل 2006 - 2007 و هتبقي جديدة برضة
.................................................. ......
أنا بقي مش عااااااااارف أعمل إية بس وحيات أبوكم محدش يقولي شوف ظروف نفسك مهو لو أنا عارف أنا هعمل إية مكنتش سئلتكم و وجعت دماغكم
25-10-2009, 01:33 AM
mando_07

الزيرو زيرو يا كبير لو تقدر هات زيرو كفاية أنك هتبقى أول واحد راكب العربية ومتحسبش كل حاجة بالظبط عشان متتعبش احساسك وانت أول واحد راكب العربية وشامم ريحة الفبريكة هينسيك اللي اندفع
بس نصيحة لو هتجيب فرنا هاتها كاملة
25-10-2009, 12:08 PM
MOK3336

شكرا يا mando_07 و يارب يطول في عمري لحد ما أشوفك mando_1405 ههههه
يعني أنت شايف الزيرو أحسن و بالتحديد أجيب فيرنا ؟
نشوف الباقي هيقول إية و شكرا لتاني مرة علي الإهتام
25-10-2009, 01:16 PM
mando_07

اقتباس:

المشاركة الأصلية كتبت بواسطة MOK3336

شكرا يا mando_07 و يارب يطول في عمري لحد ما أشوفك mando_1405 ههههه
يعني أنت شايف الزيرو أحسن و بالتحديد أجيب فيرنا ؟
نشوف الباقي هيقول إية و شكرا لتاني مرة علي الإهتام

هههههه
بالتحديد دي بتاعتك انت شوف انت مستريح لانهي بس لو نويت على الفرنا متجبهاش فاضية عشان الفرق بينها وبين الكاملة 3 تلاف وفرق اوبشنات كتير
وانشاء الله اباركلك قريب على العربية :verygood: