الشكر الجزيل على المجهود الكبير المبزول فى المنتدى ارجو ان تفيدونى افادكم الله حيث اننى نويت ان شاء الله ان اقوم بشراء عبة زيرو صغيرة ومحتار بين الماروتى و128 واللادة والشيرى qq وايديا فارجو ان تفيدونى فى هذا الموضوع باستفاضة
الشكر الجزيل على المجهود الكبير المبزول فى المنتدى ارجو ان تفيدونى افادكم الله حيث اننى نويت ان شاء الله ان اقوم بشراء عبة زيرو صغيرة ومحتار بين الماروتى و128 واللادة والشيرى qq وايديا فارجو ان تفيدونى فى هذا الموضوع باستفاضة
صراحة انا لا احبذ اطلاقا اى عربية صينى زى ايديا و شيرى
اولاً اهلاً بك يا اخ احمد في نايل موتورز :)
بالنسبة لاختياراتك ابعد عنهم الـQQ والايديا <<<
نيجي بقى للباقي لو عاوز عربية ناشفة وتستحمل مدقات وشوارع مش مرصوفة واشغال شاقة يبقى اللادا
اما لو عاوز عربية لعائلة صغيرة مريحة "نسبياً" وقطع غيارها عند البقال واي واحد من تحت الكوبري هيفهم فيها ويصلحهالك يبقى احنا كدة بنتكلم على الـ128
اما لو انت لسة اعذب وبتدور لعربية لاستخدامك الشخصي فقط واستهلاكها شكيح للبنزين يبقى الماروتي.
ولك الاختيار حسب يا احتياجاتك اخي الكريم.
ال 128 جميلة و ممكن تستخدمها استخدام عائلي او شبابي و جميلة في السفر بس اعطالها كتير شوية بس بتتصلح بسرعة و بسعر موفر
الماروتي جميلة بردو شكلا احدث بس ال128 افضل في الموتور و الصالون و قطع الغيار
و اللادة أخشن اللي انت قولتهم كلهم و صوتها اعلي صوت فيهم
بس موتور جامد و ممكن يركبلها كماليات
الشيري كيو كيو ابعد عنها خاااااااااااااااااااااااا ااااااااااااااااااااااااا اااااالص
اما الايديا فهي لسه مغمورة و مش بقالها كتير في السوق علشان احكم عليها بس هي في زيادة و اللي جابوها قالو انها حلوة و ناعمة و الي حد ما ثابتة
و ترشيحي
1-128
2-ماروتي
3-لادا
4-ايديا
الإيديا شكلها حلو وبعض اللي إشتروها شكروا فيهااقتباس:
اما الايديا فهي لسه مغمورة و مش بقالها كتير في السوق علشان احكم عليها بس هي في زيادة و اللي جابوها قالو انها حلوة و ناعمة و الي حد ما ثابتة
بس التوكيل بتاعها لازم تسأل عليه كويس ولو تقدر تجربها يبقى أفضل وياريت تسأل حد إشتراها من مدة وبص على الموضوع التالي:
http://www.nilemotors.net/Forum/viewtopic.php?t=8060
ال QQ ليست سيارة بل دراجة غير آمنة ولذلك لن أتكلم عنها
الماروتي وال 128 واللادا معروفين ومحفوظين وإن كانت اللادا أمتنهم لمقاومة تلال المطبات المصرية
بص سيبك من الصينى خاااااااااااااااااالص
خليك فى ال128 او الماروتى
وشوف انت احتياجاتك ايه
الف شكر لسرعة الرد وعايز اعرف لو اخترت مثلا 128 ودفعت لها مقدم فى حدود 15000 وعايز اقسط الباقى من عند بنك ناصر حيث اننى موظف حكومى فكم ادفع فى القسط اذا كان على 84 شهر وشكرا مرة اخرى
لو على 60 شهر هتدفع 570 جنية شهرياً
بالتوفيق مع 128 :lol:
ال 128 أحسنهم