أخدت مخالفة على الصبح .. وعاوز استشارتكم

**Imhotep** · 22-10-2009 05:33 PM

حسبنا الله منه لو كان خد النمرة و عمل مخالفة لان كان فى واحد ماشى قدامى بينى و بينه كام متر هو تقريبا ملحقوش بس لقطنى انا.....

**Imhotep** · 22-10-2009 06:19 PM

بس لو كان عمل مخالفة فده معناه انه مش لازم يسحب الرخص او ان المخالفة ممكن تتعمل بدون ما الواحد ما يعرف..... ايه الشغلانة الغبرة دى بقى؟

**WalidAdel** · 22-10-2009 06:25 PM

انا بعمل الموضوع ده اللي حضرتك عملتوا اللي هيا الطالعه من البنزينه بمعدل مرتين او تلاته في الاسبوع و محدش جهه قالي حاجه و الحمد لله و بعدين هو اللي وقفك دا شكله ايه عسكري ولا امين شرطه و لا راكب متوسيكل اصل تقريبا و الله اعلم محدش بيقدر يعمل محضر غير الظابط ابو متوسيكل دا و لو مش موجود بيبعتله علي اللاسلكي و يجيبوا غير كده مش اي حد بيكتب محضر و بعدين المخالفات دلوقتي بقيت بالاسلكي بمعني ان الامين في الاشاره ماسك لاسلكي و بيبلغ عن مخالفه حصلت قدامي و كانت مخالفة سير عكس الاتجاه يوترن بردوا في شارع خليفه المامون عند بنزينة موبيل اللي هيا علي المترو
الراجل طلع من البنزينه و الاشاره كانت مقفوله و مشي حته عكسي و دخل يوترن عكسي علشان يطلع في اتجاه روكسي - الشبراوي كده و الامين واقف ماسك لاسلكي و بلغ واحد بارقام العربيه و قاله مخالفة سير عكس الاتجاه
تقريبا تقريبا الراجل اللي عمل معاك كده دا عسكري و معاه دفتر و كان عايز يطلع منك بمصلحه بس حضرتك اللي مفهمتش هو عايز ايه ولما لاقاك كده ادالك الرخص و قال في باله شكله مش فاهم معلش يعني بس دا تحليلي للموقف و الله اعلم

**Imhotep** · 22-10-2009 06:49 PM

هل ممكن عسكرى يعمل مخالفة سير عكس الاتجاه بدون محضر و باستخدام الدفتر فقط؟

**Eng_Mostafa_89** · 22-10-2009 06:52 PM

العساكر دول بيعمل كدة كنوع من انك تطلع فلوس وتخلص نفسك وكمان هو يسترزق
حصلت معايا كنت بتكلم فى الموبيل وبعدى مزلقان قطر العسكرى بينة وبينى 4 عربيات المهم ركنت ونزلتلة قلى تعالى كمان شوية علشان الظابط واقف المهم لفيت ورجعتلة لقيتة بيقولى كل سنة وانت طيب دخلة عيد بقى وكدة وانت عارف ان مخالفة الموبيل 1000 جنية (تقريبا فاكرنى هندى)
فقلتلة نعم 1000 جنية خلاص تعالى بينا على الظابط علشان ادفع المخالفة فورى
قالى لا انا مكتبتهاش لسة قلتلة اكتبها ويلا بينا قالى خلاص ياباشا مفيش مخالفة واتفضل امشي اديتة جوز جنيهات ومشيت هما
(تقريبا بيكتب النمر فى ورقة ومبيكتبهاش فى الدفتر واما تدفعلة يعدى)

**WalidAdel** · 22-10-2009 06:55 PM

اه ممكن بالنمر لو كان معاه لاسلكي ممكن يكون بلغ علطول لكن لو مش معاه حاجه يبقي لا مش هياخد النمره و بعدين يبقي يعمل مخالفه اهم حاجه عند الناس دي ان انت تشوفوا و تقف تتكلم معاه كلمتين و بعد كده تطلعله المصلحه غير كده مش بيعملوا حاجه علي ما اظن يعني

**ahmediz2000** · 22-10-2009 09:55 PM

انا بعمل الموضوع ده اللي حضرتك عملتوا اللي هيا الطالعه من البنزينه بمعدل مرتين او تلاته في الاسبوع و محدش جهه قالي حاجه و الحمد لله و بعدين هو اللي وقفك دا شكله ايه عسكري ولا امين شرطه و لا راكب متوسيكل اصل تقريبا و الله اعلم محدش بيقدر يعمل محضر غير الظابط ابو متوسيكل دا و لو مش موجود بيبعتله علي اللاسلكي و يجيبوا غير كده مش اي حد بيكتب محضر و بعدين المخالفات دلوقتي بقيت بالاسلكي بمعني ان الامين في الاشاره ماسك لاسلكي و بيبلغ عن مخالفه حصلت قدامي و كانت مخالفة سير عكس الاتجاه يوترن بردوا في شارع خليفه المامون عند بنزينة موبيل اللي هيا علي المترو
الراجل طلع من البنزينه و الاشاره كانت مقفوله و مشي حته عكسي و دخل يوترن عكسي علشان يطلع في اتجاه روكسي - الشبراوي كده و الامين واقف ماسك لاسلكي و بلغ واحد بارقام العربيه و قاله مخالفة سير عكس الاتجاه
تقريبا تقريبا الراجل اللي عمل معاك كده دا عسكري و معاه دفتر و كان عايز يطلع منك بمصلحه بس حضرتك اللي مفهمتش هو عايز ايه ولما لاقاك كده ادالك الرخص و قال في باله شكله مش فاهم معلش يعني بس دا تحليلي للموقف و الله اعلم

لا اللى وقفنى كان امين شرطة وكان ماسك فى ايده دفتر عامل زى الوصلات كده .. وعمال يملى البيانات كلها من الرخصة .. يعنى مش واحد ماسك ورقة فاضية وقلم وعمال يكتب النمرة وخلاص لا كان بيعمل مخالفة بجد وبعدين مش عاوز يتراجع ..انا عمال بحايل فيه لى اساس انى اشوف ميته ايه بالظبط ...
وغير كده انا اتغبيت ومادخلتش جوه البنزينة لانهم كانوا حطين موانع حديد... لا لفيت من بره البنزينة وانا كده مخالف مخالف

**itsonlyme** · 22-10-2009 11:45 PM

المشاركة الأصلية كتبت بواسطة mohamedfawzyhassan

- صاحبى كان يعرف ناس فى المرور خلصوا الموضوع و المحضر اتقطع بأيده و الرخص رجعتله و دفع 450 جنيه للى خلصهولوا ... برضه احسن من 1200 جنيه

وفى الأخير حسبى الله و نعم الوكيل فى البلد دى

لأ. 450 جنيه في جيب مرتشي مش أحسن من 1200 جنيه حتى ولو في جيب حكومة ظالمة.

وفي الأخير حسبي الله و نعم الوكيل في كل راشي ومرتشي.