هههههههههههههههههههه
للاسف بعد الحادثه رجعت كلبه تانيه بس ان شاء الله نرجعها زي الاول
على العموم انا متشكر جدا لحضرتك و لو احتجت اي حاجه برضه انا في الخدمه
عرض للطباعة
هههههههههههههههههههه
للاسف بعد الحادثه رجعت كلبه تانيه بس ان شاء الله نرجعها زي الاول
على العموم انا متشكر جدا لحضرتك و لو احتجت اي حاجه برضه انا في الخدمه
تسلم يا غالى
ماشاء الله لا قوة الا بالله ربنا يبارك لك فيها يا بشمهندس نفسي الاقي نص ايبيزا في المكنة دي دورت كتير حتي فبورسعيد مش لاقي لو تعرف حد عنده ياريت ترد عليا فالخاص لأن المكنة ال1000 سي سي فوتت لأني طنشت عالشمبر وكل الأنصاص المتوافره 1400 وكلو بيقول سقطه من غير المكنة وبعد كده سقط المكنة من عالرصيف فيه بس جزاك الله خير
بص ان فكره النص ديه صعبه
بس لو حتسقط حديلك سر واحد هنا قالوهولي و ياريته ما قالي الاستاذ محمد مصطفى
مكنه بولو 1.6 زي بتاعي بس اتنين كامه gti
و اتكلمت مع الراجل بتاع المحل قعدت افاصل معاه لحد ما وصلت لسعر 5 الاف جنيه شامل المكنه بالفتيس بالضفيره بالعفشه الاماميه
لو تحب انا ان شاء الله حنزل القاهره يوم السبت بس الاهم لازم تشوف مين اللي حيسقطلك المكنه
الف الف مبارك لك وعليك
متشكر جدا لحضرتك :)
المكنه ديه اقوى من بتاعتي ب 25 حصان لازم تيجي بالعفشه بتاعتها
و مفيهاش مشاكل في المرور عادي
السكودا و السيات و الاودي مواتيرهم فولكس يتثبتوا عادي في المرور
5 الاف جنيه زي ما مكتوب حضرتك
باشا ممكن اعرف العربيه عامله معاك ايه و اخبار قطع غيارها ايه بعد ما غيرت الماتور ، انا معايا عربيع فليشيا و عاوز اعمل نفس الموضع
بس فى تاس خوفونى من تسقيط ماتور 1600 فيها
ياريت تنصحنى
العربيه بسم الله ما شاء الله زي الفل
و المكنه حلوه اوي عليها سحب حلو و مظبطاني تكييف وباور و شد مع لانسر شارك لحد 140 و بعد كده عداني علشان مركب الفتيس 1300
بالنسبه لعربيتك حرام تسقطلها المكنه بتاعتي فيه مكنه اقوى شوفتها زي بتاعتي بس اتنين كامه اقوى 25 حصان يعني 100 حصان مش 76
على العموم انا بنزل كتير القاهره لو حابب تشوف عربيتي مفيش مشاكل
و متسمعش كلام حد علشان بره بيسقطولها مواتير الجولف 4 1800 تربو وواحد اعرفه عملها هنا
غير ان لقيت واحد بيدعي على موقع اجنبي انه سقطلها vr6 2800 سي سي 6 سلندر
بالنسبه لقطع غيارها متوفره لانها نفس المكنه بتاعه البولو و الابيزا
و لو ناوي قولي علشان اظبطك في حاجات اتخيط انا فيها :d
طيب يا باشا لو الواحد حد الموتور بتاع الجولف 1600 ايه الاجراءات بتاعت المرور و الورق اللازم و يا ترى التعديل ده بياخد اد شغل قصدى وقتا ؟ و معلش سؤال كمان ما تعرفش الموتور الجولف ده الاقيه فين ف اسكندرية و يتكلف كام ؟؟
انا كنت عاوز احط الموتور بتاع الجولف 4 و اسمه و هو هو بتاع الاوكتافيا a4
1.6 sr
بس المشكله ان الموتور لوحده تمنه 7 الاف جنيه الكلام ده من سنه معرفش دلوقتي بقى عامل كام دا غير الفتيس فالميزانيه كبيره
بص علشان اطمنك المكن الفولكس بيتسقط عادي على السكودا و بتاعتي رغم ان عليها غطا الفيبر سكودا الا ان افراجها الجمركي فولكس زي كل مواتير السكودا الحديثه
بس انتا كل اللي لازم تعمله افراج الجمركي بتاع المكنه وورقه تخليصها باسمك بتروح تثبتها في المرور ان الموتور اللي الرقم بتاعه كذا بقى فعلا على عربيه كذا و بعدين تعمل فحص و تغير الرخصه بيه
على العموم انا لسه معملتش الخطوه و حعملها مع التجديد ان شاء الله بس مادام حضرتك طلعت من اسكندريه انا عاوز اكله سمك بمناسبه التسقيط ان شاء الله :d
بص و نصيحه المكنه البولو gti الحمرا احسن من الجولف و مش حتبقى مكلفه و لا متعبه زيها
يعني زي ما قولتلك المكنه بالكنترول بالضفيره بالفتيس بالعفشه الامامي كل ده ب5
مكنه الجولف 4 ب7 الاف جنيه دا غير انها بتيجي بالفتيس دا لوحده مصيبه لانك لو لقيت المانيوال تبقى محظوظ انا دورت عليه كل الموجود اتوماتيك ب 10000 جنيه دا غير انك لازم تغير العفشه بالكامل امامي و خلفي و تعديلات الفرامل و تركب بارات و حتبقى ليله كبيره اوي
بالنسبه فين في اسكندريه معرفش اعمل موضوع في قسم تعديل السيارات اسال المواتير الاستيراد بتتباع فين
و اي استفسار تاني انا تحت امرك و بالتوفيق ان شاء الله
بس و ابقى قولي التفاصيل اول باول
طيب انا كنت عايز موتور بالفتيس بالعفشة و التكييف و الباور و تكون اقل ميزانية ممكنة و يكون موتور ناعم و عفشته ناعمة .... و اكلة السمك محفوظة يا سيدى
يبقى كده المكنه البولو GTi
دي ممكن اجيبهالك بالفتيس بالعفشه بالضفيره الكنترول على 5 الاف و حيبقى فيها الكمبروسر و طلمبه الباور
يبقى حنحتاج بس تكمله باقي لواز التكييف و الاسكترا الباور
يبقى كده كله حيقفل على 7 الاف دا غير الفصال مع الراجل كلاكيت تاني مره
حنيجي بقى على التسقيط حتحتاج ميكانيكي و كهربائي
الراجل صاحب الماكنه قالي حدورهالك و انا اعرف الميكانيكي بتاعي في الزقازيق محترم بينها و بين اسكندريه ساعتين سفر بس
لو حابب تشرفني هنا عندي هو كان واخد مني 500 ممكن يزودها شويه علشان حيسقطلك عفشه كمان
بص من الاخر الموضوع ممكن يقفله على 8
طبعا فيه حاجات بتتعمل يعني بتغير زيت بتمشي بيه شويه و بترميه علشان تنضف المكنه
تاني حاجه الفتيس لو عاوزه اتوماتيك موجود و الراجل قالي رخيص
تالت حاجه حتعمل طقم سيرفيس و ده ممكن ياخد حوالي 500 جنيه فلاتر و سيور و شحن تكييف و زيت باور بس
الموضوع حيعمله في رنج 8.5 -9 الاف بالكتيييييييييييييييييير اوي
و بجد بجد العربيه حتتقلب لان طلعت 125 حصان مش 100 حصان
يعني زودت الهورس باور بتاع عربيتك من 55 حصان ل125 حصان اكتر من الضعف لك ان تتخيل :)
نسيت حتحتاج رادياتير عليها و طلمبه بنزين كهربا قويه تسد مع الماكنه بس
و الله الواحد مش عارف يقولك ايه انت افدتنى جدا .. بس تفتكر الموضوع يستاهل ال10 الاف جنيه و لا تتباع و يتحطوا عليها احسن ؟
بص مش حتاخد اللي انتا عاوزه بامانه لو بعت و حطيت عليها ال10
لكن لو عدلتها زي ما بقولك حتاخد عربيه تانيه خالص
ابسط حاجه عربيه الماني بالكامل 100 في الميه ناعمه سحب قوي جدا و جميع الكماليات تكييف و باور
ان شاء الله ناوى ، ايه الممكن تنصحنى بيه
شوف الموضوع ده و رد من خلاله
http://www.nilemotors.net/Nile/151907-a.html
السلام عليكم
انا معايا سكودا فابيا 1200 cc lموديل 2003 , الموتور حلو جدا و مافبهوش مشاكل بس انا عايز أسقط مكنه أعلى عشان العربيه تكون أقوى بس أنا مش عارف إييه الخيارات المتاحه ويترى ممكن تتكلف أد إيه وهل موتور البولو ال gti يركب عندى ؟ياريت حد يفدنى .
شوف الموضوع ده و رد من خلاله
http://www.nilemotors.net/Nile/151907-a.html (لمحبي تعديل الفليشيا و الفيفوريت)
حتعرف اللي عاوزه
[ا
و لو ناوي قولي علشان اظبطك في حاجات اتخيط انا فيها :d[/QUOTE]
السلام عليكم
انا الحمد لله ربنا وفقنى و سقطت ماتور 1600 انجكيش بتاع الفليشيا الاسبوع الى فات و ظبت الكهرباء بتاعتهاممكن تصحنى بايه ممكن اعمله
و كنت عاوز اعرف استهلاك العربيه من ناحيه الببنزين ايه اخبارها
مبدائيا الف الف مبروك
استهلاك العربيه حلو في السفر جوا البلد في الزحمه بيبقى تقيل شويتين
بص بقى غير سلوك البوجيهات بسبلت فاير و متقلقش لو حد قالك ان نهايتها كاوتش انا مركبهم عندي و بعدين روح اشتري بوجيهات ايريدوم و فلتر ياضي سبورت و ادعيلي
فيه واحد اعرفه في شارع دمشق روحله هو بص حتلاقي محل اسمه طوكيو على الشمال على الناصيه امشي يمين خطوتين حتلاقي محل اسمه الامل بتاع سيات فيه حاره دخله لجوا شوايه خشها اول محل على ايدك اليمين علطول
حتلاقي واحد مليان شويه و قصير قوله انك من طرف محمد صاحب السكودا الحمرا المتظبطه من الزقازيق و هو حيوجب معاك
اه و متنساش تحط العربيه على الكبيوتر و حسك عينك تقرب نقطه ميه واحد للوحده ECu
و الف الف مبروك و ابقى قولي على الاداء :D
الرد في الموضوع ده علشان الاستفاده تبقى للكل و اي استفسار تاني تحت امرك
http://www.nilemotors.net/Nile/151907-a-3.html
:Ta_clap[1]: :Ta_clap[1]: :Ta_clap[1]:
مش عارف اقول ايه غير الله ينور .....انت غيرت فكرتي عن الموديل ده
ربنا يحفظهالك و يخليكو لبعض يا هندسه :ma:
ماشاء الله تعديل جميل
بقولك ايه يا كريزى ... متككلمنى على التليفون لانى محتجك فى امر مهم ... انا مهندس محمد عبد الرءوف ... و تليفونى ... 0127111750
بص حضرتك للاسف انا شغال على سلفني شكرا :)
فلو احتجت اي حاجه حضرتك كلمني على النمره ديه 0163676712
و انا تحت امرك
السلام عليكم
كنت بسال يا ترى ركبت الفرامل ال abs و لا لسه
لسه لان ان شاء الله ناوي ابيع العربيه و موضوع الاي بي اس محتاج نزله بورسعيد
,و انت سبت الماتور الجديد على الرخصه و لا لسه
لسه حروح اسبته الشهر ده ان شاء الله بعد ما اتم 21 سنه :d
السلام عليكم:
ما شاء الله انا اتوهمت من التعديلات لدرجة انى مش قادر اصبر على ما اقرا كل الردود عشان اسألك الاتى:
دلوقتى انا جديد فى السواقه والعربيات والعالم ده..واشتريت فيفوريت وبصراحه كان نفسى اعدل فيها كل حاجه:
1- الاكصدامات..عملت التغيير ازاى..هوا شبه النرا تقريبا مش كده !!!
2- الفوانيس..بصراحه الفونيس الاصيله بتاعتها..شكلها وحش وصعب اوى..وهوا اوحش حاجه فيها..عدلتها فين !!!
3- امكانية تركيب تكييف : انا التابلوه عندى عامل كأن كان راكب فيها تكييف قبل كده ومجهز تماما للتكييف..بس معرفش ينفع وللا لأ..ولو ينفع هايبئا ازاى..وعندك فكره عن تكلفته
ياريت لو ترد عليا معلش طولت عليك
شكرا...
بالنسبه للاكصطدامات عن بتاع الفيبر روح عند سيد حواجب و قوله على عربيتي هو عارفها و ممكن يركبلك زي بتوعي او شكل تاني
الفوانيس روح عند مش فاكر اسمه دلوقتي هو مشهور اوي في الحرفيين و خلي صوره العربيه معاك علشان يعمل الفوانيس زيها او لو ركبلها ليدات من جوا باحترافيه زي الاودي حتفرق معاك جامد
ينفع تركب تككيف على عربيتك بالتابلوه بتاعك لان الجزء بتاع التكييف في الكونصله بيتباع لوحده فيه فتحات التكييف و المنظم بتاعها
بالنسبه للاسعار بقالي اكتر من سنه مسالتش فمعنديش فكره بس انزل نزله على عزبه شلبي و الوكاله و الحرفيين او انك تصبر لحد اخر السنادي و تشتري بتاعتي و فيها تعديلات الماكنه و حتبقى اوفر بالنسبه ليك :d
بالنسبه للاكصطدامات عن بتاع الفيبر روح عند سيد حواجب و قوله على عربيتي هو عارفها و ممكن يركبلك زي بتوعي او شكل تاني
هوا سيد حواجب دا فين يا باشا؟واتكلفت كام لو فاكر ؟
الفوانيس روح عند مش فاكر اسمه دلوقتي هو مشهور اوي في الحرفيين و خلي صوره العربيه معاك علشان يعمل الفوانيس زيها او لو ركبلها ليدات من جوا باحترافيه زي الاودي حتفرق معاك جامد
لو فى الحرفيين يبئا اكيد قصدك الفنجرى..مش كده!!!..وبرضو نفس السؤال..التكلفة فى حدود اد ايه !!!
انك تصبر لحد اخر السنادي و تشتري بتاعتي و فيها تعديلات الماكنه و حتبقى اوفر بالنسبه ليك :d
اوفر ..قصدك سعر..وللا ترويش !!
حاجه اخيرة :
4- امكانية تحويلها لباور..بدون انصاص او ما الى ذلك من التعديلات..وهل تحتاج لميكانيكى عبقرى..لأنى بعانى من جهل وعدم معرفة الميكانيكية وادعائهم بالمعرفه.
5- انا قريت فى موضوع تانى ليك انها ممكن تتحول اوتوماتيك..طبعا انا استغربت واندهشت وفرحت فرحة ليلة العيد..لأنى فى السواقه ضايع والاتوماتيك هى الحل الامثل..بس برضو بدون تعديل فى الماكينه او انصاص..ازاااااااااى..بالله عليك ترد على فى دى عشان دى اهم حاجه!!!