إستهلاك بنزين بفظاعة

**mohamedadelemam** · 22-10-2009 06:17 PM

السلام عليكم ورحمة الله...أنا عربيتى بيجو 405 1600سىسى م 98 وعاملة 74000كم وماشاء الله متأكد من كفائة الموتور بس مشكلتى فى إستهلاك البنزين...هى زمان كانت بتعمل 160-170كم/20لتر...وبعد إضافة (oxygen sensor) أصبحت حوالى 200-210كم/20لتر بس للأسف الoxygen sensor باظ وأصبح معدل إستهلاكها حوالى 120كم /20 لتر....فصلحت الكربيراتير ثم قمت بإستبداله ويعنى وصل الأداء لحوالى140كم/20لتر...ويعنى بيظهر دخان إسود على خفيف عند فتح باب الكربيراتير الثانى وللملاحظة دى كانت فى الكاربيراتير القديم والجديد....لو حد يعرف أعمل إيه ياريت يدلنى..
ملاحظة...فى السفر على سرعة 90كم/س تقريبا معدل الإستهلاك حوالى 240كم/20 لتر...يا ريت يا عصابة البيجو اللى يعرف حاجة يقول وجزاكم الله كل خير

**the-hero** · 23-10-2009 01:46 AM

.فى السفر على سرعة 90كم/س تقريبا معدل الإستهلاك حوالى 240كم/20 لتر
مظبوط كدا

**mohamedadelemam** · 23-10-2009 07:12 PM

أوكى..بس فى المدينة مش كويس خالص...صح ولا خطا؟

**mamado405** · 24-10-2009 02:03 AM

البيجو سياره مسافات طويله وسفر عن تجربتي.405 1900 سي سي بتعمل 170 كم في المدينه بعد ضبط كل شئ المصيبه بحط 92 لان 80 ضر العربيه .لو الكربيراتير سليم شوف البوجيهات عشان الدخان

**mohamedadelemam** · 24-10-2009 01:20 PM

متشكر جدا يا جماعة...أنا فعلا غيرت البوجيهات من فترة وجبت فاليو 1 شمعة وظبطها على 8...بس واحد صاحبى ألمانى قال لى إن البنزين الأكثر أوكتانا مع شوائب مثل 92 المصرى اللى بنحطه فى مصر بيحتاج أفتح البوجيه شوية...وأنا بالفعل خليته 8.5...والحمد لله نجحت وفرقت كثيرا فى السحب فياريت الكل يجرب ويقول لى النتيجة وربنا يوفقنا جميعا

**gigo** · 25-10-2009 02:00 PM

اخى الكريم
انا عندى نفس المشكله السياره مو 94 1600 cc و بفضل الله الموتور كويس
لكن كان عندى دخان اسود كثيف و النزين كان استهلاكه 130/ 20 لتر
صلحت الكربراتيرالعادم خف شويه و بعدين فولت العربيه و اخدت 70 لتر و مشيت بيهم 600 كيلو نصهم طريق سفر و النص داخل البلد يعنى عملت حوالى 171كم / 20 لتر
هل كده الاستهلاك كويس ولا ايه مع العلم انى كل لما افك البوجيهات و اصنفرهم الاقيهم اتفحمو تانى حتى بعد تصليح الكربراتير
و فى ملاحظه ان الكربراتير بلاقيه معرق بنزين مش عارف ليه
و العربيه فيها تنتيشه قالولى غير سلك البوجيهات غيرته نوع مكسيكى حرارى من عند واحد بتاع بيجو فى الحرفيين بــ 120 جنيه و لكن التنتيشه زى ما هى مش عارف اعمل ايه

**mohamedadelemam** · 25-10-2009 02:26 PM

السلام عليكم ورحمة الله...أخى الكريم...دى أول مرة أسمع إن أسلاك بوجيهات بتبوظ بدون سبب شد وبالذات الفرنساوى والأوروبى عموما...ثانيا حضرتك موضوع النتشة ده حصل معايا زمان وإكتشفت إن بيك السلانسيه مصدى وبالتالى كان بيفتح ويقفل فى أوقات غير مناسبة....وممكن يكون تعريق البوجيهات أحد الأدلة على ذلك وبالذات إذا كنت تشم رائحة عادم عند تشغيل السيارة...حضرتك جرب وربنا يوفقك وقبل كده طبعا لازم تتأكد إن البوجيهات طبعا سليمة

**gigo** · 25-10-2009 02:41 PM

عليكم السلام و رحمة الله و بركاته
جزاك الله خيرا يا اخى على ردك السريع و المفيد
معرفش الميكانيكى قاللى ان السلك وحش بتاع الاسبراتير فغيرته لكن النتشه زى ما هى
بالنسبه للبوجيهات انا كنت غيرتها قبل ما اصلح الكربراتير لانها كانت كلها سودا و جبت ngk يابانى و برده اسودت بعد اسبوع
و بعدين رحت لواحد متخصص فى الكربراتير و فكه و صلحه و قاللى مش محتاج بيكات تتغير ولا اى حاجه الكلام ده من اسبوع بالظبط و بعد ما صلحه و اول ما مشيت من عنده حسيت بالنتشه دى و امبارح فكيت البوجيهات اشوفها لقيتها اسودت تانى مع العلم انى صنفرتها من 4 ايام و لسه فى دخان اسود لكن بتاع الكربراتير قاللى ده الشكمان هو اللى معبى لكن انا عملت بيها 600 كيلو و لسه الشكمان ما نضفش مش عارف ..
جزاك الله كل خير

**mohamedadelemam** · 26-10-2009 01:09 AM

موضوع الشكمان مش مقياس خالص...إحنا عندنا بيجو 605 كان فيها بعض المشاكل فى الكربيراتير وبعد ما ظبطها قعدت حوالى 20000كم تطلع دخنة سوداء كثيفة جدا لكن الحكم طبعا كان من البوجيهات...الكربيراتير الأول مع التانى لأن ساعات الميكانيكى بيعكسه عن غير قصد...وإن شاء الله هو ده يكون السبب...وطبعا البوجيهات لازم تكون ظبطت فتحتهاspark plug gapping على 8 مم على الأقل وطبعا مينفعش تحط بوجيه يابانى من غير ما تظبطه لأنه غالبا بيكون 6

**the-hero** · 26-10-2009 04:09 PM

فعلا
شكمان ايه اللى معبي

الموضوع: إستهلاك بنزين بفظاعة

LinkBack

أدوات الموضوع

عرض

-

-

-

-

المواضيع المتشابهه

مشكلة عويصة في إستهلاك بنزين في فيرنا أوتوماتيك

إستهلاك بنزين الأوبترا (ظلموكي وأثبت برائتك)

إستهلاك بنزين واجا 2009 - كام برو

إستهلاك بنزين الساجــــــــا

إستهلاك بنزين عالى و ماببدورش بسهوله - لانسر 2001

الكلمات الدلالية لهذا الموضوع

المفضلات

المفضلات

ضوابط المشاركة