استفسارت علشان تجديد الرخصة للبيتلز

السلام عليكم

اخوانى ملاك البيتلز الجميلة
الايام دى المفروض هجدد الرخصة والفحص بتاع العربية

فكان ليا كام استفسار محتاج اعرفه منكم
لانى مبحبش اعمل حاجة غير لما اقول لكم الاول

اولا
كنت عايز اعرف اسعار الاكصدامات الجديدة للبيتلز كام واجبها منين
ولو استيراد برضه ممكن تبقي في حدود كام واجيبها منين

ثانيا
لو هغير كاوتش الزجاج كله ومجرى زجاج الابواب ممكن يتكلف كام

ثالثا
وكمان عايز اعرف تكلفة الرش العادى والفرن كمان

رابعا
انا عايز اغير الاربع رفارف هما جداد بكام واستيراد بكام
وهل يفرق الموديل انا عربيتي موديل 64

معلش هتعبكم معايا

----------------
اخوكم محمد سالم

الاكصدام استيراد بحاله ممتازه ب350 من شارع فيصل
بس بصراحه مش فاكر اسم المحل لكن هو موجود
عند ناس كتير هناك
وممكن تشوف فى الوكاله
كمان انت ممكن تستعدل القديم لو حالته كويسه
فى ورشة استعدال اكصدامات على المكبس
بيرجعها لشكلها الطبيعى موجوده فى شارع الجلاء
الرش العادى يبدء من 400 جنيه وانت طالع حسب حالة العربيه
الفرن تقريبا يبدء من 700 وانت طالع
الرفرف الوحد سعره حوالى 260جنيه جديد

ربنا يخليك يا استاذ هاشم
الف شكر
ولو عندك فكرة بتكلفة تغيير كاوتش الزجاج ومجرى زجاج الابواب
يبقي كدة تمام
متشكر مرة اخرى
------------
محمد سالم

العفو ياباشا كلنا اخوات
كاوتش الزجاج المصرى فى حدود 100جنيه كامل
اما كاوتش المجر بصراحه ماعنديش فكره

الف شكر ليك يا استاذ هاشم
ربنا يباركلك

-----------
اخوك محمد سالم

تقريبا الكاوتش بتاع الزجاج بيتكلف 20 جنية او 25 جنية

لان كان عندى الكاوتش خشن وسألت الراجل قالى يعمل فى الحدود دى وتركيبة 10 جنية

الف شكر ليك يا اخ semam
جزاك الله كل خير

-----------
اخوك محمد سالم

اقتباس:

---

المشاركة الأصلية كتبت بواسطة hashem1999

الاكصدام استيراد بحاله ممتازه ب350 من شارع فيصل
بس بصراحه مش فاكر اسم المحل لكن هو موجود
عند ناس كتير هناك
وممكن تشوف فى الوكاله
كمان انت ممكن تستعدل القديم لو حالته كويسه
فى ورشة استعدال اكصدامات على المكبس
بيرجعها لشكلها الطبيعى موجوده فى شارع الجلاء
الرش العادى يبدء من 400 جنيه وانت طالع حسب حالة العربيه
الفرن تقريبا يبدء من 700 وانت طالع
الرفرف الوحد سعره حوالى 260جنيه جديد

---

إيه ده يا أستاذ هاشم الرش اللي بتقول عليه حضرتك ده العربيه كلها ولا إيه ده أنا شوفت واحد كنت عايز أغير اللون قاللي ب 1800 جنيه جوه وبره عايز أعرف الكلامده صحيح ولا لأ وعايز أعرف واحد سمكري وبتاع بوية كويس والف شكر

السلام عليكم ورحمة الله وبركاته

- كاوتش العربيه كله زجاج أمامى و خلفى و أجناب و أبواب و كبوت الماتور و الشنطه كله ب 150 جنيه تقريباً , من محلات سامح اللى فى شارع حسن الأكبر أمام باب محافظة القاهره فى وسط البلد.

- الإكصدام المصرى الإثنين ب 400 جنيه و مش عملى و مش كويس , أما الإستيراد زى ما قال حبيبى هاشم باشا الكبير .
و ممكن تستعدل القديم ب 60 جنيه للإثنين فى ورشه نواكل و إستعدال الإكصدام خلف إداره الكهرباء اللى فى الإسعاف بوسط البلد فى الشارع اللى يطلع على الوكاله تحت الكوبرى.

- مفيش للأسف رفارف بيتل جديدة و الإستيراد يبدأ من 350 إلى 500 جنيه حسب الحاله.

- الرش المعقول بيبدأ من 700 جنيه و النضيف إلى 1200 جنيه و عند أى مركز أو ورشه دوكو تحب تتعامل معاها. و السمكره تتكلف حسب الشغل اللى هايتعمل و حسب الصنايعى.

والله الله ينور عليك يا ابو حميد وربنا يكرمك يارب انت دايما بتفيدنا بمعلوماتك الشيقه دي
وجزاك الله كل خير

اقتباس:

---

المشاركة الأصلية كتبت بواسطة gomangy

والله الله ينور عليك يا ابو حميد وربنا يكرمك يارب انت دايما بتفيدنا بمعلوماتك الشيقه دي
وجزاك الله كل خير

---

جزانا الله و إياكم

اقتباس:

---

المشاركة الأصلية كتبت بواسطة alhathik

إيه ده يا أستاذ هاشم الرش اللي بتقول عليه حضرتك ده العربيه كلها ولا إيه ده أنا شوفت واحد كنت عايز أغير اللون قاللي ب 1800 جنيه جوه وبره عايز أعرف الكلامده صحيح ولا لأ وعايز أعرف واحد سمكري وبتاع بوية كويس والف شكر

---

انت طلبت تغيير اللون وده معناه ان الصنايعى لازم يحرق الصاج كله
ويبدء فيه من جديد ودى عمليه فعلا مكلفه جدا
بخلاف انك ترش عربيه على لونها الحالى مش بيحتاج حرق لكن اصلاح فقط

ربنا يخليك يا استاذ احمد
وربنا يشفيلك والدك انشاء الله

كنت عايز اتأكد منك هو سعر الرفرف الواحد استيراد من 350 الى
500

والف شكر على ردك
--------------
اخوك محمد سالم