حد يعرف ايه ده

**ENG\AHMED** · 29-10-2009 01:03 AM

المشاركة الأصلية كتبت بواسطة jojowork1

انا معنديش دخان خالص من العربيه بس فيه ريحه مش حلوه مع العادم الله واعلم ان كانت ديه ريحه بنزين ني لاني مش عارفها بظبط بس العربيه ليها كام يوم سحبها مش حلو يعني مش بقدر اجيب اكتر من 40 علي التاني بس مش عيب في الدبرياش خالص لان كله لسه متظبط من 3 شهور وحجات جديده وبعدين العربيه بتترعش خالص وهلي علي السلانسيه وصوتها عالي اوي مش مريح ولما ركبت بوجيهات جديده وفكتها بعد 3 ايام لقيتها زي ماركبت يعني مفيهاش لاسود ولا اي حاجه خالص برغم من اني بمشي بالعربيه جامد بس المصيبه اللي حاصله دلوقتي وذادت وغطت مع كل ده العربيه بتعمل لتر في 3 كيلو يعني 60 كيلوا في الصفيحه اول مره في حياتي اشوف كده ده استهبال مع العلم ان العربيه برده بدور من اول تكه معنديش اي مشاكل في الدواره ومعنديش اي تسريب في دوره البنزين وانا بصراحه تعبت صرفت علي البنزين اكتر من التصليح مش عارف اعمل ايه
شكرا لو عندك افاده ياريت وشكرا ليك يا باشمهندس محمد

ازاى استهلاك البنزين كدة ومفيش اى دخنة والبوجيهات سليمة ومفيش تسريب !!!

**jojowork1** · 29-10-2009 11:34 AM

يابا شا انا شاكك ان فيه تسريب بس بيكون و العربيه ماشيه يعني هو بعد الطرمبه في المواسير عشان كده مش بحس بيه او مش بشوف بنزين تحت العربيه او ريحه ياريت لو حد عنده افكار يقول لان مفيش ميكانيكي فادني
شكرا

**samirayad** · 29-10-2009 02:53 PM

حقولك على فكره
بس ماتضحكش عليها
علشان ممكن تجيب معاك نتيجه طيبه
1- أرفع العربيه فى أى بنزينه
2- بدر كل مواسير البنزين الرايح للفلترمن الطلمبه والراجع للتنك بأى بودره مناسبه (كل ده من تحت العربيه )
3- نزل العربيه وأعملك مشوار معقول
4- أرجع أكشف على المواسير ووصلاتها من تحت العربيه
5- لو لقيت أثر بودره مرطبه بأثر البنزين (لأن البودره حتشرب البنزين ) لو كانت فيه مواسير بتهرب فعلا
يبقى المكان ده اللى بيسرب بنزين مع ضغط الطلمبه

أيه رأيك فى الفكره البسيطه دى

**ENG\AHMED** · 29-10-2009 03:25 PM

المشاركة الأصلية كتبت بواسطة jojowork1

يابا شا انا شاكك ان فيه تسريب بس بيكون و العربيه ماشيه يعني هو بعد الطرمبه في المواسير عشان كده مش بحس بيه او مش بشوف بنزين تحت العربيه او ريحه ياريت لو حد عنده افكار يقول لان مفيش ميكانيكي فادني
شكرا

دور العربية وسيبها واقفة وبص تحت العربية او ارفعها وهى دايرة وشوف

**jojowork1** · 29-10-2009 04:18 PM

اخيرا يا جماعه انا مش مصدق نفسي
فعلا اللي كنت شاكك فيه واللي انتوا قلتوه طلع صح
بس انا فكرت في فكره تاني انا كنت فاهم اني مش هاعرف اشوف اللي بسرب طلو ما العربيه واقفه عشان كده الطرمبه مش شغاله ولما العربيه بتمشي مش هيبان التسريب لان الضغط بيتفتح في الرشاشات والبنزين الراجع المهم فكرت كده في فكره رحت فتحت الكبوت وعلبه الفيوزات وشلت ريلاي الطرمبه اللي هو اول واحد من قدام وبعدين قست اطرافه وعرف بيدي الطرمبه ازاي جبت فرده سلك وركبتها في البطاريه الموجب ووصلته في الفرده اللي قدام ناحيه الشمال في مكان الريلاي اطرمبه اشتغلت طبعا مش علطول بديها كده كام ثانيه وبفصل
وبعدن فكيت الخرطوم اللي طالع من الفلتر وجبت بلف بتاع كاوتش كنت واخدهم زياده ساعت لما غيرت الفرد وركبته بالمقلوب مكان الخرطوم اللي طالع من الفلتر يعني كاني سادد خرج البنزين منه وبعدين بقت ادور الطرمبه شويه شويه لغايه مالقيت بنزين بينقط من تحت فبرايه قدام تحت الكرسي او الدواسه الاقدمانيه يمين بس طبعا من تحت العربيه رحت للميكانيكي قلتله انا عرف العيب بس اعمله يعني بترق عليه طبعا عمله والحمد الله العربيه اتظبتط تمام وبقت زي الفل وشكرا جدا ليكم علي اهتمامكم ده الواحد مش عارف يقولكم ايه بصراحه