:khd:اية احسن طريقة لما اغير زيت الموتور (افك الطبة ولا استعمل المضخة)
عرض للطباعة
:khd:اية احسن طريقة لما اغير زيت الموتور (افك الطبة ولا استعمل المضخة)
فك الطبة أفضل طبعا لان فى رواسب من الاحتكاك
الشفط مشاكله أقل من حيث إن فك الطبة مشكلته عدم ربط الطبة كويس وتغيير الوردة بتاعة الطبة!!
فك الطبة أسهل و كمان عشان الرواسب
المهم تتربط وكويس وتتربط صح ويركبلها وردة سليمة قبل ما تتربط..
بس الراجل بتاع البنزينة قالى ان المضخة احسن لانة بيشفط الزيت كلة ومابيسبش حاجة راقدة
الطبة معمولة عشان تغير الزيت و الى عاملها مش واحد أى كلام يعنى
الراجل الي بغير عنده الزيت سألته على موضوع الرواسب ده
قالي انت بتبقى لسه مبطل العربية والرواسب دي بتكون عايمة في الزيت ومبتلحقش تترسب في الكارتيرة لأن الزيت تقيل طبعاً مش زي المية
فبالتالي لو سحبت بالمضخة الرواسب هتتسحب مع الزيت
و بردو لو فكيت الطبة الرواسب بردوا هتنزل مع الزيت
دا غير إن المضخة هتولد ضغوط عالية ممكن تأثر على أى حاجة جوة
تفك الطبه افضل وبعدين تتاكد انها اتربطت كويس عشان متسربش زيت
فية بكرة لازق ابيض اسمة تفليون بردة هايستحمل الحرارة بيستخدة السباكين
حد يعرف بنزينة فيها جهاز الشفط في 6 أكتوبر ؟
فى عربيات لازم تفك الطبة ومينفعش بجهاز الشفط .. هو مش بيعمل ضغوط جوة الموتور هو بيسحب يعنى بيعمل خلخلة للضغط (حتى لو بيضغط فاجزاء الموتور بتتعرض لضغوط اعلى بمراحل متولدة نتيجة عملية الاحتراق)
وفى عربيات الطبة بتاعتها فيها مغناطيس علشان يجذب الرواسب المعدنية
ياباشا والزيت سخن بيبقى خفيف فبمجرد انك بتفتح الطبة الزيت كلة بينزل وبتسيبة من 10 دقايق الى 15 ساعة وتلاقى كلة تام ,متهيالى فايدة الشفاط دة لو حد زود نسبة الزيت عن المقدار الطبيعى هيبقى افيد فى الموضوع دة
عزيزى لو ان مضخة السحب بالفعل تشفط كل الزيت الذى بمحركك اذا هى افضل ولن تترك اى رواسب بالكرتير بشرط السحب كاملا وتعرف هذا لما تحط الزيت كم لتر بالظبط وهم نفس الكميه
لتى تسحبها عند التغير ولو عايز تتاكد بعد ما الفنى يسحب قلة من فضلك فك الطبة وشوف اكيد يجب ان لاتجد اى زيت