بلية الدبرياج

**superkenwood** · 22-10-2009 09:20 PM

عندي أوبل فيكترا 1600 سي سي موديل 2000 ناقل حركة عادي
وغيرت الفتيس وجبت فتيس استيراد .. شكله نظيف (الحمد لله)
اشتريته بـ 1300 جنيه .. (من غير بلية الدبرياج) الراجل قالي ان الفتيس بيتباع من غير البلية !!
ولما الميكانيكي كان بيركبة .. البلية بتاعت الدبرياج بتاعتي اتفرطت (اتفككت)
فالميكانيكي حاول يلمها .. بس كان شكلها مش كويس
أخذ مصنعية 200 جنيه
المهم .. لما خلص وبنجرب العربية حصل الاتي :

- صوت ونه عالية مع الضغط على بدال الدبرياج
- نقلات الفتيس ممتازة
- مفيش أي خشونه في النقلات
- حاسس اني لازم أشبع الغيار جامد أكتر من الأول .. بمعنى اني مثلا لازم أوصل لسرعة 30 علشان أجيب الغيار الثاني مستريح .. ولو اديت الغيار الثاني لسرعة أقل من كده أحس برجرجه وكأن النقلة غلط مش في مكانها !!
- لما أجيب الأول وأشيل رجلي من على البدالات كلها ألاقي العربية بتجري وكأني دايس بنزين .. مع العلم ان الميكانيكي مجاش نحية الموتور .. وكمان عداد الـ rbm عادي مش عالي !!!
- حاسس كمان ان صوت الموتور مش مريح .. في ونه غريبة

هل بلية الدبرياج هي السبب ؟ وماهي الوظيفة الحقيقية لبلية الدبرياج ؟
وهل البلية ممكن تعمل صوت والفتيس ممور ؟
وهل لازم أغير البلية ؟

اسف للاطالة .. وشكرا

**superkenwood** · 23-10-2009 12:31 PM

ايه يا جماعة !!!
ولا رد !! هوه السؤال صعب قوي كده ؟
فين الخبــــــــــراء ؟؟

**caysersosaih** · 23-10-2009 02:03 PM

الصوت اللي يظهر مع دوسة الدبرياج ده بلية دبرياج بايظة ولا زم تتغير وتمنها جديدة حوالي 80 جنيه ولازم تعملها عشان ماتبوظش الاسطوانة والدسك بس هاتضطر تنزل الفتيس تاني

لو في صوت بيظهر من غير ماتدوس دبرياج بس بيختفي لما تدوسه ده اما نقص في زيت الفتيس او سوء نوع زيت الفتيس
يا اما عيب في الفتيس نفسه

**superkenwood** · 24-10-2009 01:54 AM

المشاركة الأصلية كتبت بواسطة caysersosaih

الصوت اللي يظهر مع دوسة الدبرياج ده بلية دبرياج بايظة ولا زم تتغير وتمنها جديدة حوالي 80 جنيه ولازم تعملها عشان ماتبوظش الاسطوانة والدسك بس هاتضطر تنزل الفتيس تاني

لو في صوت بيظهر من غير ماتدوس دبرياج بس بيختفي لما تدوسه ده اما نقص في زيت الفتيس او سوء نوع زيت الفتيس
يا اما عيب في الفتيس نفسه

شكرا ضياء باشا .. على المعلومة بس بلية الدبرياج سألت عليها الأصلي(Valeo) كانت بـ 800 جنيه مش 80 جنيه !! الظاهر انت نسيت صفر

على فكرة انت دفعتي وبلدياتي .. مش انت من فاقوس ؟