منزل المطار من وصلة المريوطية الجديدة

عرض للطباعة

22-10-2009, 09:24 PM
Imhotep

منزل المطار من وصلة المريوطية الجديدة

كنت راجع من المطار من كام يوم و مشيت مع طريق المطار الجديد لحد ما لاقيت مطلع للدائرى و مشيت فيه على طول و هوبا لاقيت نفسى على طول على طول الى طريق دائرى اكتوبر الواحات وهو المراد من رب العباد......

السؤال بقى..... لو عايز اعمل العكس: اى اروح المطار باستخدام وصلة المريوطية الجديدة..... هل فى منزل ينزل على المطار زى ما كان فى مطلع للدائرى من طريق المطار؟

انا مرة سافرت العين السخنة عن طريق الوصلة الجديدة و نزلت منزل القطامية العين السخنة و كان تحفة ان الدائرى يوصلنى لبداية الطريق مباشرة...... فماذا عن المطار..... المنزل بتاعه اسمه ايه و لا نوصل للمطار عن طريق الدائرى ازاى؟ و شكرا مقدما لمن سيتفضل بالافادة.......
23-10-2009, 12:20 AM
elpasha009

الموضوع بسيط جدا.
هترجع نفس الطريق تاني وتاخد الوصلة الجديدة مرورا بالمنيب والمعادي ومدينة نصر وكلية الشرطة وبعد كلية الشرطة علطول هتلاقي فندق jw ومنزل مكتوب عليه السويس بعد الممنزل ده هتلاقي منزل تاني مكتوب عليه مدينة نصر ومصر الجديدة.
هتنزل منه وبعد حوالي 400 متر هتلاقي مدخل على اليمين للمطار هيطلعك على نفس الطريق اللي إنت خرجت منه.
23-10-2009, 12:45 AM
MoToRiZeR

اقتباس:

المشاركة الأصلية كتبت بواسطة elpasha009

الموضوع بسيط جدا.
هترجع نفس الطريق تاني وتاخد الوصلة الجديدة مرورا بالمنيب والمعادي ومدينة نصر وكلية الشرطة وبعد كلية الشرطة علطول هتلاقي فندق jw ومنزل مكتوب عليه السويس بعد الممنزل ده هتلاقي منزل تاني مكتوب عليه مدينة نصر ومصر الجديدة.
هتنزل منه وبعد حوالي 400 متر هتلاقي مدخل على اليمين للمطار هيطلعك على نفس الطريق اللي إنت خرجت منه.

بالضبط كدة .. و ممكن كمان حضرتك متطلعش كوبري المريوطية الجديد خالص و تاخد القوس الغربي لأخره و متنزلش النفق تخش يمين .

فعلاَ المحور الجديد بتاع المريوطية ده تحفة خاصة إنه بقي ممكن الواحد يسافر السخنة من أكتوبر بسهولة .. و كمان انا بستخدمه في الذهاب لمعرض سيراميك كليوباترا اللي عالدائري لأنه أفضل من اللي في زايد بمراحل مع إن بتاع زايد أكبر بكتير و فيه حاجات أكتر !
23-10-2009, 03:45 PM
Imhotep

[QUOTE=MoToRiZeR;3872073268] و ممكن كمان حضرتك متطلعش كوبري المريوطية الجديد خالص و تاخد القوس الغربي لأخره و متنزلش النفق تخش يمين .

QUOTE]
معش ياريت توضيح للحتة دى...... هو القوس الغربى ده انهى؟ هل هو اللى على طول يودى على شبر الخيمة و العبور و انت جاى من 6 اكتوبر؟ و انهى نفق تقصد؟
23-10-2009, 04:11 PM
A.Saad

http://www.nilemotors.net/Nile/93190-a.html

http://www.nilemotors.net/Nile/92538-a.html
23-10-2009, 04:38 PM
MoToRiZeR

[QUOTE=mahora;3872074210]

اقتباس:

المشاركة الأصلية كتبت بواسطة MoToRiZeR

و ممكن كمان حضرتك متطلعش كوبري المريوطية الجديد خالص و تاخد القوس الغربي لأخره و متنزلش النفق تخش يمين .

QUOTE]
معش ياريت توضيح للحتة دى...... هو القوس الغربى ده انهى؟ هل هو اللى على طول يودى على شبر الخيمة و العبور و انت جاى من 6 اكتوبر؟ و انهى نفق تقصد؟

حضرتك بتطلع الدائري من 6 أكتوبر أخر طريق الواحات ده بيبقي بداية القوس الغربي من ناحية الهرم .. بتمر بقي بصفط اللبن المهندسين الوراق إلخ إلخ لحد أخره خالص عند مدخل طريق السويس و الإسماعيلية .. بس في أخره خالص بتلاقي نفق و طريق علوي يمين فقط .. مبتنزلش النفق و لو دخلت يمين بينزلك كدة عند السندباد هتمشي شوية و تخش صلاح سالم من عند الكلية الحربية يبقي بينك و بين المطار حاجة بسيطة .

ممكن يكون فيه وصلة من القوس الشرقي ( اللي هو بيعدي عالبحر الأعظم - المعادي - القطامية العين السخنة إلخ ) بس انا معرفهاش بصراحة .
06-11-2009, 03:47 AM
heshaaam

.

[QUOTE=MoToRiZeR;3872074302]

اقتباس:

المشاركة الأصلية كتبت بواسطة mahora

حضرتك بتطلع الدائري من 6 أكتوبر أخر طريق الواحات ده بيبقي بداية القوس الغربي من ناحية الهرم .. بتمر بقي بصفط اللبن المهندسين الوراق إلخ إلخ لحد أخره خالص عند مدخل طريق السويس و الإسماعيلية .. بس في أخره خالص بتلاقي نفق و طريق علوي يمين فقط .. مبتنزلش النفق و لو دخلت يمين بينزلك كدة عند السندباد هتمشي شوية و تخش صلاح سالم من عند الكلية الحربية يبقي بينك و بين المطار حاجة بسيطة .

ممكن يكون فيه وصلة من القوس الشرقي ( اللي هو بيعدي عالبحر الأعظم - المعادي - القطامية العين السخنة إلخ ) بس انا معرفهاش بصراحة .

انت صح المطار تروحله من الغربى لكن الشرقى بعيد جدا