[overline]سمعت أن فى 36% تخفيض جمارك على سيارات الـ 1600 سى سى[/overline]
من فضلكم عايز معلومات اكتر عن الموضوع دة وان كان حقيقى ولا لا
وهيتم تطبيقة من امتى اشكركم
عرض للطباعة
[overline]سمعت أن فى 36% تخفيض جمارك على سيارات الـ 1600 سى سى[/overline]
من فضلكم عايز معلومات اكتر عن الموضوع دة وان كان حقيقى ولا لا
وهيتم تطبيقة من امتى اشكركم
اللى كان مكتوب فى جريدة الاهرام(السيارات) بيوم 16/10/2009
بدايةاتفاقية الاتحاد الاوربي او ماتسمى الشراكة الاوربية وقعت 2004 وبيدا فى يناير 2010 التخفيضات بعد دخول الاتفاق حيز النفاذ بعد 6 سنوات من توقيعها بالنسبة للسيارات التى تهم الغالبية العظمى من المستهلكين فى مصر وهى فئة 1600 سي سي فقد كانت تخفيض المشاركة الاوربية 40% ومن المقرر ان يطبق عليها جدول التخفيضات فى يناير القادم 10% من قيمة الجمرك المقرر وهو ال 40% وهذا يعنى بكل بساطة ان جمرك السيارات ال 1600 سي سي سيكون فى يناير 36% فقط
....قلت للسيد احمد سعودى ماذا لو ضربنا مثالا لسيارة سعرها قبل التخفيضات وسعرها بعدها ليعرف المستهلك قيمة التخفيضات وهل سيشعر به ام لا ؟
قال : تعال نحسبها اولا قبل التخفيضات فلنفرض ان قيمة فاتورة السيارة (س) كانت 1000 دولار تجب عليها تعريفة جمركية 40% ليصبح سعرها 1400 دولار وتستحق ضريبة مبيعات 15% ليكون سعرها النهائى 1604 دولارات وتعال نحسبها بعد تطبيق التخفيضات الجمركية المقررة فى يناير بنفس مثال السيارة (س)سعرها 1000 دولار وتطبق عليها التعريفة الجمركية 36%يكون سعرها 1360 دولار وتخضع لضريبة مبيعات 15% يكون سعرها النهائى 1564 دولار معنى هذا التغير فى السعر بثبات سعر السيارة (س) 1604-1564=40 دولار فقط
في تخفيض 10% من الجمارك على السيارات الأوروبية كل سنة بحيث تكون الضرائب معدومة على السيارات الأوروبية في خلال عشر سنوات (بحلول 2020).
السيارات الـ 1600 سي سي عليها جمارك 40%.
لو افترضنا أن في عربية أوروبية سعتها 1600 سي سي وسعرها بدون جمارك هو 100 ألف جنيه.
سنة 2010 الجمارك سوف تصبح 36% وسعر السيارة سوف يصبح 136 ألف.
سنة 2011 الجمارك سوف تصبح 32% وسعر السيارة سوف يصبح 132 ألف.
سنة 2012 الجمارك سوف تصبح 28% وسعر السيارة سوف يصبح 128 ألف.
.
.
سنة 2019 الجمارك سوف تصبح 4% وسعر السيارة سوف يصبح 104 ألف.
سنة 2020 الجمارك سوف تصبح 0% وسعر السيارة سوف يصبح 100 ألف.
انت كدة نسيت ال20% ضريبة مبيعات اللي انا فهمته ان سنة 2019 حيتلغي ال40% كلهم بس حيفضل ال20% زي ما هم يعني لو عربية ب 100 الف دلوقتي تمنها 160 و بعد 10 سنين حتبقي ب120 و دة علي افتراض انهم ماخترعوش اي ضريبة زيادةاقتباس:
المشاركة الأصلية كتبت بواسطة itsonlyme
المشكلة أن ضريبة المبيعات بتتحسب على سعر العربية بعد الجمرك.اقتباس:
المشاركة الأصلية كتبت بواسطة mustang69
يعني لو ضريبة المبيعات 15%.
يبقى سعر العربية = 100 ألف + 40 ألف (40% من 100 ألف) + 21 ألف (15% من 140 ألف)
طريقة سريعة انك تضرب سعر العربية في 1.61 (1.61=1.4*1.15)
طول ما بطرس بطرس غالي وزير في الحكومة لا أمل في أي رحمة للشعب المصري في أي سلعة
اقتباس:
المشاركة الأصلية كتبت بواسطة mustang69
هو ده لب الموضوع ..... القرش اللي ممكن المواطن يوفره من تخفيضات الجمارك .... الحكومة حتسحب قده كذا مرة في صيغة ضرائب أو رسوم ... وهما مش حيغلبوا يعني .....
فيؤسفني اني أؤكد على أن حسن النية في احتساب تخفيضات الجمارك ... والأمل في أن يأتي يوم نشتري فيه السيارات بأسعارها الحقيقية ... هو فكر لا محل لتطبيقه فى مصر
لا يا باشا انت فهمت غلط
هي الجمارك بدل ما هي 40% هتبقى 36% :)
انا مش عارف ازاى بيفرضوا ضريبة المبيعات على العربية بعد ما يفرضوا عليها جمارك يعنى ضريبة على حاجة اتطبق عليها رسم او ضريبة تانية = ازدواج ضريبى و ده ما ينفعش
لو الموضوع اللى الحكومة بتعمله ده غلط فعلا انا من بكره حاروح ارفع قضية فى مجلس الدولة على وزير المالية
و لو العربية 2000 سي سي بتدفع 2% كل سنة من اجمالي تمنها كماناقتباس:
المشاركة الأصلية كتبت بواسطة gemino
اللي هو تمن العربية من بلدها + الجمرك + ضريبة عالتمن و الجمرك + رسم تنمية عالتمن و الجمرك و الضريبة
و بعد كل ال*&% ده تدفع 2% سنويا من تمن العربية و الجمرك و الضريبة و رسم التنمية
ده مش ازدواج ضريببي ....... ده متوالية هندسية ضريبية هههههههههههههههه
الموضوع شكله غلط فعلا بصوا كده
هل يجوز فرض ضريبة على ضريبة ؟ - المحاسبين العرب
بصوا بقى انا بعت عربيتى ومش فاهم حاجة من اللى بتقولوه ده انا عايز اشترى عربية جديدة اشترى دلوقتى ولا لا استنى السنة اللى جاية فهموووووووووووووووووووونى
من الاخراقتباس:
المشاركة الأصلية كتبت بواسطة dydo_love2006
حاليا اجمالي الرسوم على اي عربية 1600 سي سي و نازل = 66% تقريبا
يعني العربية اللي من بلدها ب 100 الف بتتباع ب 166 الف
بالنسبة للأوروبي فقط من أول السنة هتبقى 61%
يعني لو العربية ب 100 في بلدها تبقى ب 161
يعني الانخفاض هيكون أقل من 3% من سعر بيع السيارة الأوروبية
و لازم تكون منشأها أوروبي يعني لو رينو مثلا بس تركي مش هتتخفض
مش تركيا دى دولة أوروبية؟؟؟ :majd(4):اقتباس:
المشاركة الأصلية كتبت بواسطة أحمد كمال
اقتباس:
المشاركة الأصلية كتبت بواسطة Relentless_mayhem
هي أوروبية آسيوية يا فندم ... بس لو قرصنا عليها شوية تبقى هندية :policeman:
مش عضو في الاتحاد الأوروبي اللي الاتفاقية اتمضت معاهاقتباس:
المشاركة الأصلية كتبت بواسطة relentless_mayhem
ضريبة المبيعات 15% فقط على السيارات حتى 1600 ولكنها على السعر والجمرك معا
رسم التنمية 3% لكنه على السعر والجمرك وضريبة المبيعات
اقتباس:
المشاركة الأصلية كتبت بواسطة محمد ابراهيم 1
ده اللي انا قلته
الجمرك حاليا 40%
و الضريبة عالسعر و الجمرك 15%
و رسم التنمية 3%
كله تراكمي يعني 100 + 40 = 140
140 * 1.15 = 161
161 *1.03 = 165.83
الجمرك هيقل و يبقى 36%
100 + 36 = 136
بالضريبة يبقى 156.4
بالرسم يبقى 161
الحكومه دى مش بيتضحك عليها ابدا
والله لو مضو اتفاقيه تمنع الجمارك خالص
هيخترعو ضريبه تعادل الجمارك
بلد متخلفه
يعنى دلوقتى الواحد لو عايز يشترى هيونداى دة خارج الموضوع خالص لان هيونداى كورى مش اوروبى يعنى اريح نفسى واجيب على طول مستناش اول السنة صح ولا اية
القاعدة في السوق المصري انه لا توجد قواعد
ممكن رخص الاوروبي يضغط عالكوري و الياباني و ممكن لأ محدش عارف
اقتباس:
المشاركة الأصلية كتبت بواسطة أحمد كمال
يعنى دلوقتى انت تقترح اية لو انت مكانى أستنى شهر يناير ولا أتكل على الله وأشترى دلوقتى وخلاص
حضرتك ناوي تحيب عربية في حدود كام؟
العمليه كلها بالمختصر المفيد 3 أو 4 الاف جنيه صحيح هما يفرقو معانا لأننا شعب دايق الذل عشان يجيب القرش بس طبعا مش دا اللى المفروض يحصل
واللى المفروض يحصل لو قولناه مش هيتنفز لأننا بنتكلم فى عالم
وهما فى عالم تانى ملهمش دعوه بالعالم بتاعنا
وطبعا اللى هيتكلم وهيفتح بقو :dontudear:
باشا و لا حتى 3-4 الاف ...... 3-4 لو العربية فوق ال 150 الف !!اقتباس:
المشاركة الأصلية كتبت بواسطة m.mostafa80
اقتباس:
المشاركة الأصلية كتبت بواسطة أحمد كمال
الموضوع مش فى حدود كام الموضوع انى رسيت على النيو أكسنت بس محتار فى الوقت أستنى ولا أخلص دلوقتى
وبجد شكرا على أهتمامكم بالموضوع المهم ده
باشا على أسوأ الفروض ان النيو أكسنت أوروبية - و ده طبعا مش صحيح - و هتجيب اعلى فئة اللي ب 84 هترخص تبقى ب 82 ! يعني 2000 جنيه عمياقتباس:
المشاركة الأصلية كتبت بواسطة divaio
و هي مش اوروبية يعني مش هترخص
فلو انت محتاج العربية توكل على الله و هاتها دلوقتي بدل ما تصرف ال 2000 جنيه في تاكسيات و تبهدل نفسك
اقتباس:
المشاركة الأصلية كتبت بواسطة أحمد كمال
الف الف شكر وتوكلنا على الله
برجاء لو فى جديد توصلولنا على طول من فضلكم