يا ريت الاخوة في المنتدي تفيدني في سعر طقم الاصلاح بكام و يا ريت المصنعية حوالي كام لان زيت الباور عندي بينقص و انا مبحبش العربية يكون فيها حاجة خصوصا بعد ما عرفت ان طلمبة الباور ب 1000 جنيه جديدة و شكرا لاهل المنتدي الكرام
عرض للطباعة
يا ريت الاخوة في المنتدي تفيدني في سعر طقم الاصلاح بكام و يا ريت المصنعية حوالي كام لان زيت الباور عندي بينقص و انا مبحبش العربية يكون فيها حاجة خصوصا بعد ما عرفت ان طلمبة الباور ب 1000 جنيه جديدة و شكرا لاهل المنتدي الكرام
طقم اصلاح ايه بالضبط؟؟
انا اول مرة اعرف ان دايرة الباور ليها طقم اصلاح... الا اذا كان قصدك على حاجة تانية
MMamdouh
بسمع انها بتتصلح فى شارع شمبيليون لكن اول مرة اسمع عن طقم اصلاح لطلمبة باور
وكمان هل الزيت بينقص بمعدل سريع ولا بطىء ؟؟؟
وشيكت على الخراطيم ؟؟؟
السلام عليكم
ولا حضرتك لازم تعرف الاول المنطقه اللي بيسرب منها الزيت وانا اظن والله اعلم انه غالبا هيسرب من عند اويل سيل قطمه الدركسيون اللي جوه العربية
والاويل سيل ده لو كان هو اللي بيسرب (لان الاويل سيل ده هو اللي كان بيهرب في العربيه بتاعتي لانوس 2004) سهل انه يتغير من جوه العربيه بدل ما تفك الاسكاتره ودايره الباور وهو مقاسه 20*40*7 واتمني اني اكون افادتك
يفضل مع طلمبات الهيدروليك
زى طلمبة الباور كمثال
التغيير بواحده بديله
طالما العيب فى القلب الداخلى من الطلمبه (سواء القلب الدوار أو مجموعة البلوف او تآكل الغلاف من الداخل )
أما لو جات على تغيير سيل وراء الطنبوره
فطبعا حنغير السيل ومش معقول حنرمى الطلمبه على سيل
طالما شغاله كويس ومبتفوتش وضغطها كويس
اولا اشكر جميع الاخوة بالمنتدي علي الاهتمام و معلش يمكن انا موضحتش كويس هو الموضوع ملهوش علاقة بالطلمبة بتاعة الباور هو فعلا بيسرب من الاويل سيل اللي وراء الدركسيون زي ما اشار الاستاذ magareh و يا ريت اعرف منه اتكلف كام معاه و شكرا
[QUOTE=fdido26;3872074355]اولا اشكر جميع الاخوة بالمنتدي علي الاهتمام و معلش يمكن انا موضحتش كويس هو الموضوع ملهوش علاقة بالطلمبة بتاعة الباور هو فعلا بيسرب من الاويل سيل اللي وراء الدركسيون زي ما اشار الاستاذ magareh و يا ريت اعرف منه اتكلف كام معاه و شكرا[/Q
20 مصنعية و 20 أويل سيل الكلام ده شهر فبراير:star1:
و الله يا جماعة انا لسه مشفتش العربية فيها ايه لانشغالي بشوية اعمال و كمان مبركبهاش كتير قوي اليومين دول بس انا شفت عند قطمة الدركسيون ملقتش زيت بيسرب لكن معدل نقصان زيت الباور كتير اوي اوي تقريبا بعمل له اضافة حوالي 50 مل بعد كل مشوار يا ريت السادة الخبراء يقولولي من فين ممكن الزيت يتسرب كتير اوي كده و يتكلف كام تقريبا لاصلاحه
بص من عند صدر العربية فى الحتة اللى عامود الدركسيون بيقابل السكترة
MMamdouh
ده عيب اويل سي الخزنه بتاعت الباور
روح اشتري واحد وركبه عند اى ميكانيكي شاطر
خازنة الباور؟؟؟... الخازنة ملهاش علاقة بالعيب دة
دة اويل سيل السكترة
MMamdouh
ماشي يا ممدوح باشا انا ان شاء الله هعمل الشغلة دي بكرة او بعده بس عاوز اعرف هي تاخذ وقت اد ايه في التغيير و الاويل سيل ده بكام و المصنعية في حدود كام و الف شكر ليك بصراحة بتخلي الواحد يروح يعمل الشغلة و هو فاهمها تمام علشان اشتغالات الصنايعية زي ما انت عارف . بس هو استفسار صغير في نفس الموضوع ممكن العيب ده يتقل الباور شوية لاني ملاحظ انه تقيل حبه عن اللي الواحد متعود عليه و شكرا
الوقت حوالى ساعة... الاويل سيل ب 10 تقريبا بس المصنعية هى اللى ممكن تبقى غالية عشان السكترة كلها حتطلع برة... يعنى حوالى 50 جنية
تقل الباور ممكن يحصل لو زيت البور نقص جامد... لكن ملوش علاقة مباشرة بالاويلسيل
MMamdouh
اولا انا احب اشكر كل اللي شاركوا برأيهم في حل المشكلة و اكيد الف شكر للاستاذ ممدوح و الحمد لله المشكلة اتحلت لكن طلعت من حاجة غريبة شوية و هي ان ماسورة من مواسير الاسكاترا اللي ماشية من تحت مواسير الفريون الداخل للسربنتينة اللي تحت التابلوه بها شرخ رفيع اوي و طبعا فكتها و لحمتها و كله تمام و الحكايه اتكلفت 10 جنيه مصنعية و 10 جنيه لحام و 18 جنيه زجاجة زيت باور استخدمت نصفها و الباقي معايا و الحمد لله
شكرا على الافادة