الموضوع: احذروا معامل المختبر ومعامل ميديكا لاب . نتائج المعامل غلط

المشاركة الأصلية كتبت بواسطة icehearted girl

عارفة والله

حصلت لابن اخويا وهو عمره عشر ايام

لدرجة ان هدومة كلها اتغرقت دم

عشان فني المعمل كان جديد

وكان في معمل المختبر

ربنا يصبرك يارب ويتم شفاءها علي خير بإذن الله

يبقي كلامي في محله انه مش غلطة لاول مرة لا دي غلطات متكررة ولازم يبقي فيه عقاب عليها باي شكل وباي طريقة حياة الناس وصحتهم مش لعبة المفروض هما اللى بيحافظوا عليها مش يهدروها

المشاركة الأصلية كتبت بواسطة tabeb

اولا الف سلامة علي بنوتك وربنا يفرحك بيها
ثانيا عن تجربة لناس معرفة ساريدار احسن معمل حاليا خصوصا لو هتعمل حاجة محتاجة دقة عالية

شكرا يا اخي الفاضل وقريت رسالتك في الخاص وبشكرك جدا عليها ويا ريت لو تتاكد ان ساريدار افضل معمل او اي معمل تانى بس يكون الافضل المرة دي البنت تعبت بجد من كتر اخد عينات الدم منها وكل مرة النتائج غلط

المشاركة الأصلية كتبت بواسطة ba7ary

الله المستعان، أسأل الله العظيم رب العرش العظيم أن يشفيها
والله يا أستاذ محمد أنا زعلت جدا جدا دلوقتي لما قريت التوبيك، ربنا سبحانه وتعالى يشفيها ويجعلها قرة عين لك، البنت أمورة وحبوبة قوي ربنا يسلمها من كل سوء
شوف حضرتك التليفون ده
٠١١٢٤٨٥٤٨٤
تليفون د أحمد عيد وهو زميل لنا وأعز صديق ليا وشغال أخصائي في العباسية وهو ممتاز جدا وحيفيد حضرتك جدا في حكاية التحليل في أي معمل موثوق فيه، وكمان له علاقات كويسة مع الأساتذة وممكن يخدمك في أي حاجة
ياريت تقوله إنك خدت النمرة مني (أحمد عبد الحميد) وهو إن شاء حيعمل الواجب
ياريت تطمنا الله يكرمك

ربنا يخليك يا اخ احمد هو ده عشمي فيك من يوم ما شفتك هشوف الاول ساريدار اللى قال عليه اخونا طبيب واتاكد بردو من صديق حضرتك
دعواتك ليها بالشفاء

المشاركة الأصلية كتبت بواسطة samehmohamed1

الهم امين
انا عايز اققول لحضرتك حاجه معظم الهاملين فى المختبر بيكونو اطباء امتياز او اطباء غير متخصصين وبيكونوا واجه فقظ
ام القائمين على التحاليل فبيكونوا لسه اطباء مقيمين عن تجربه
نصيحه لو عايز تحل صح يبقى فى معمل دكتور كبير او معمل البرج بس فى الفرع الريسى الى فى المهندسين

يا استاذ سامح انا فوجئت ان بيبقي فيه طبيب تحاليل واحد والباقيين كلية علوم
وفي كل الاحوال النتائج بردو بتبقي غلط
ومعمل دكتور كبير فين بس اكبر معامل اعرفها هي ميديكا لاب والمختبر اللى ليهم 100 فرع على مستوي الجمهورية وواجعين دماغنا بالاعلانات المضللة في الراديو اللى جرت رجلي ليهم

اهم حاجة انا كتبت الموضوع ده علشان الناس تراجع نفسها وتسال الف مرة قبل ما تحلل وبالنسبة للمعملين دول والله زي الزفت وكفاية النتائج الغلط واضطرار المرضي لاعادة التحاليل مرة تانية
طلب اخير ادعو لبنتي رنا بالشفاء وبشكركم كلكم على تفاعلكم معاها دعواتكم