الإلتزام بقواعد القيادة وطرق تجنب الضغط العصبي

**هشام.النجار** · 12-05-2007 10:58 PM

السلام عليكم ورحمة الله وبركاته

أكيد كل واحد منا عانى من موضوع فوضى المرور في مصر ومأساة الطرق وحالها السيء جداً وأظن الذي لا يرقى لطرق ريف كمبوديا
من سواقين نقل على مكروباصات على تاكسي على ناس لا تحب الإتزام في القيادة وهم كثر لدرجة أن مرة واحد كان ماشي عكس الطريق بسرعته على الأتوستراد وفوجئت به والذي أدهشني أكثر أنه أشار إلى إشارة قبيحة بيده وكأني أنا المخطيء في السير عكس الإتجاه في طريق مثل الأتوستراد
الحكايات كثير أوي وبتقابلنا كل يوم وإحنا سايقين
سؤالي اللي أحب إننا نتشارك جميعاً في إجابته
هل تلتزم في قيادتك للسيارة وتحترم قواعد المرور؟ هل تعرف قواعد المرور أصلاً أم أن جزء من المشكلة الجهل بقواعد المرور الذي يجعل كل واحد يظن نفسه على صواب؟
والسؤال الأهم, ماذا تفعل لتجنب الضغط العصبي الذي يحدث لك من كل هذة المواقف اللي بتقابلك في القيادة يومياً ؟ 8)

**Abdallah** · 12-05-2007 11:32 PM

بطلت السواقة وبركب تاكسيات

**noon_eg** · 13-05-2007 04:43 AM

سؤالي اللي أحب إننا نتشارك جميعاً في إجابته
هل تلتزم في قيادتك للسيارة وتحترم قواعد المرور؟ هل تعرف قواعد المرور أصلاً أم أن جزء من المشكلة الجهل بقواعد المرور الذي يجعل كل واحد يظن نفسه على صواب؟
والسؤال الأهم, ماذا تفعل لتجنب الضغط العصبي الذي يحدث لك من كل هذة المواقف اللي بتقابلك في القيادة يومياً ؟

اغلب الناس المتعلمين يعرفون قواعد المرور
اغلب سواقين الميكروباس والتاكس لا يعلموها وواخدين الموضوع فهلوه

لو عايز تتخلص من الضغط العصبى :

1- سوق عربيتك بسرعه معتدله وما تجريش

2- سبحح الله طول ما انت ماشى تكسب حسنات وتلاقى اعصابك فى تلاجه وربنا يحفظك

**M_ElSabaa** · 13-05-2007 10:23 AM

الموضوع ده صعب جدا انا اكتر حاجة بتعصبنى فى حياتى السواقة وسط الزحمة لأن الناس فعلا بتبقى مش طبيعية وخصوصا سواقيين الميكروباص والتاكسى وانا رأى ان التاكسى العن من الميكروباص لأنهم فعلا فعلا مش بيعرفوا اى حاجة عن السواقة.
انا جربت انى اسوق وانا قافل الزجاج كله بتاع العربية عشان الدوشة فعلا بيقلل الضغط شوية.

**Hazem Salah** · 13-05-2007 12:01 PM

الايمان بالله و اتقاء الله و خشيته و كثرة ذكر الله : أفضل شئ لتعيش بأعصاب هادئة
:P

**ايهاب** · 13-05-2007 12:20 PM

من طريقة قيادتك--لا تنجرف تجاة التصرفات الخاطئة من المخطين في حق نفسهم اولا------اعتبر كل مخطىء (عبيط)مش فاهم
وتاكد قبل كل ذلك ان الامور كلها تجري بمقادير قدرها اللة سبحانة وتعالي
DR/EHABABDELHAFEEZ
اسبرانزوي كل يوم اكتر من اللي فبلة32

**amrrashed** · 14-05-2007 12:29 AM

السلام عليكم
هجاوب على السؤال واطرح سؤال تانى عليكم...
اولا طبعاااااااااااااااااااااا الواحد بيحس بضغط عصبى جدا لما يسوق فى شوارعنا الجميلة اللى مليانة ميكروباصات وتاكسيات لا والجديد التوك توك تلاقى الواحد منهم فاكر نفسه دبانة يقدر يمشى فى اى مكان دون ان يلاحظه احد....الواحد دايما حاسس انه ممكن يغلط ويخبط عربية تانية وينزل يتخانق وما الى ذلك من البهدلة....المجتمع المصرى خلاص على حافة الانفجار كل واحد اعصابه بقت استيك مشدود على الاخر .... لاحظوا كل الخناقات اللى بتحصل فى فصل الصيف وفى رمضان خصوصا
الطريقة اللى بحاول اعملها انى اشغل اسطوانة قرآن كريم عليها المصحف كله دى بيهدى من اعصابى شوية....

اما السؤال هل انتو برضه بتبقوا مشدودين عصبيا لما بتسوقوا ؟؟