السلام عليكم و رحمه الله و بركاته
أنا الجمد الله أشتريت لانوس جديده 2010
بس عايز احطلها فرش جلد
يا ريت حد يقولى فين و بكام؟
و شكرا
عرض للطباعة
السلام عليكم و رحمه الله و بركاته
أنا الجمد الله أشتريت لانوس جديده 2010
بس عايز احطلها فرش جلد
يا ريت حد يقولى فين و بكام؟
و شكرا
من الاخر كدا روح المحل دا وادعيلى ..
المحل اسمو . السروجى
شارع امين فكرى متفرع من شارع السلطان حسين ..
شارع السلطان حسيت وانت جاى من عند كليه الطب ونازل على صفيه زغلول ،، بعد ما تعدى توكيل هوندا على شمالك بص على يمينك حتلاقى شارع وعليه يافطه ومكتوب امين فكرى ادخل الشارع دا واول محل على شمالك بعد ما تدخل الشارع وتمشى فيه بتاع 200 متر ..
شغل نضييييييييف وزى الفل
الف الف مليون مبرووك ياباشا وربنا يملهاالك بركة
بالنسبة للفرش الاسعار بتبدا من 100 وانت طاااااالع
حسب الانواع والخااامات والاستايل اللي انت عايزة
شكرا يا باشا
بش عايز أعرف الأسعار بالتفصيل
يعنى الفرش بكام و التركيب بكام
و ايه أنواع الجلد اللى مش بتششقق
انت عند سروجى يا باشا مفيش حاجه اسمها الفرش بكذا والتركيب بكذا هوا بيديلك سعر واحد بيبقى للفرش والتركيب وكلووووو وانت بس بتدى اكراميه للناس اللى اشتغلت ( إختيارى مش إجبارى ) روح واسألو واختار نوع الجلد اللى يناسبك حيوريك هوا كذا نوع جلد واختار اللى يريحك واتفق عالسعر ونزل فى السعر طبعآ انا نزلت فى السعر 300 جنيه هههههههه بالتوفيق
ياريت اللى اشترى كسوه جلد يقولنا الاسعار ايه
علشان انا كمان عاوز اعمل كسوه لعربيتى الدوجان
بص يا هشام باشا روح علي حمدي داوود في ميدان عزبة سعد امام شركة ستيا بجانب كافيتيريا اللؤلؤة عنده كسوة تحفة و السعر ما يزيدش عن 400 جنيه و ممتازين في التركيب انا مركب عندهم من تلاث سنين و زي الفل
حتلاقي هناك اللي ماسك المحل اسمه بريزة قوله جايلك من طرف محمد فهمي بتاع اللانسر الفضي
محمد فهمي
انا سمعت كلام a7mode ورحت ركبت فرش جلد ودواسه جلد لعربيتى لانسر شارك عند محل السروجى فى شارع امين باشا فكرى متفرع من السلطان حسين موازى لصفيه زغلول هما بصراحه ناس محترمين جدا وعندهم صنايعيه شاطرين بس ماعرفش اسعارهم غاليه والا كده رخيصه هما ركبولى كسوه جلد بيقولوا امريكى للكراسى وركبولى دواسه جلد للعربيه بما فيها الشنطه ب 800 جنيه الكراسى ب500 والدواسه ب300 وكان فيه طقم تانى للكراسى ب600 بس انا حسيت ان ابو 500 احسن وكان فيه دواسه جلد مصرى ب200 بتهيألى ان الاسعار كده كويسه ولا ايه رايكم مع العلم ان الصنعه ممتازه جدا
أنا سألت واحد فى شارع سويتر جنب الحلبى بعد مجمع الكليات فقالى
فى طقم للكراسى ب 350 و لوعايز أرضية و شنطة يبقى 350 كمان ده تايلاندى و العربية تقعد عنده يومين
و فى واحد ألمانى ألى كله ب 800 يعنى الكراسى و الأرضية و الشنطة و لو كراسى بس يبقى 500 بس العربية تعقد عنده 4 أيام
بس انا شايف أن ده كتير و كمان أسيب عنده العربية غريبة
أشرف باشا الموضوع خلص فى أد ايه؟