يا جماعة باور سينا تعبنى ارجو المساعدة

**hoda9999** · 23-10-2009 02:33 AM

بصو يا جماعة انا معايا سينا 2002
1400
العربية ما شاء اللة ماتورها ملوش صوت بس الترونبا بتاعة الباور صوتها عالى بتعمل همهمة جامدة اوى واهتزاز شبية بفيبراشن الوبايل لما بدوس بنزين والهمهمة دية بتزيد اول لما اللف التارة
والباور ساعات بيبقى خفيف خاصتا بعد تسخين العربية وساعات بيتأل مع نفسة بس صوت الترونبا باين وطبعا بيعلى جامد لما اكون لافف التارة على الخر وبدوس بنزين مش عارف استمتع بعزل العربية بسبب الماوضوع دة, التوكيل قال لى الباور ملوش حل غير تغيير الترونبة وتمنها 1800 جنية
والميكانيكى اللى افكها ونوديها لبتاع الباور نحشيها وانا مش مقتنع و ميكانيكى تانى قال لى غير الزيت غيرتة والوضع هوا هوا قولو لى يا جماعة اعمل اية

**samirayad** · 23-10-2009 10:58 AM

حاول تطلع الهواء اللى فى دايرة الباور

**hoda9999** · 23-10-2009 04:00 PM

يعنى اية وازاى

**samirayad** · 23-10-2009 05:00 PM

عملت الموضوع ده حالا فى التعليمى علشان حضرتك

دوس هنا

**hoda9999** · 23-10-2009 06:25 PM

عملت كدا ومفيشحاجة وتانى حاجةانا معملتش اى صيانة من النواع الىانتا الوتها اعمل اية يا جماعةةةةةةةةةةةةةةةةةةةةة
مش عايز الميكانيكيا يلعبوا بيا كورة

**samirayad** · 23-10-2009 06:55 PM

و ميكانيكى تانى قال لى غير الزيت غيرتة والوضع هوا هوا قولو لى يا جماعة اعمل اية

طيب قوللى غيرت الزيت أزاى

ونوع الزيت اللى غيرته أيه بالظبط
وأنت أخدت الهواء بالطريقه المشروحه فى الموضوع

**hoda9999** · 23-10-2009 07:51 PM

روحت على الوطنية شفطناة بمكنة كدا وخرطوم وبعد كدا حطينا زيت التوماتيك موبيل كنضافة كدا وبعد كدا غيرناة بواحد نوعة جانك بتاع باور والوضع هوا هوا وموضوع الهوا دة عملهولى انهاردا الراجل بتاع المحطة وال موضوع هوة هوة بس الغريبة انى لما بسخن العربية يعنى اسيبها تسخن تلات دقائق مثلا بلاقىالباور مية لكن بعد لما امشى شوية يتقل مع نفسة خاصتا لو حبيت تاخد غرز من مرحلة سكون معرفش لية

**samirayad** · 23-10-2009 08:16 PM

شوف أنت حتراجع كمان على كفاءة تثبيت الطلمبه على المكنه
يعنى حتعيد الرباطات
وتجرب ....لو الأمور بأت تمام يبقى خير وبركه
لو لسه العمليه زى ماهيه ....يبقى حتغير الطلمبه

**hoda9999** · 23-10-2009 10:19 PM

انا مش فاهمك اوى وكمان لو هغيرها هل فعلا بتكلف التمن دة وه ل الميكانيكى الى قال لى انها بتتحشى بيفتى ارجو المساعدة والتوضيح

**hoda9999** · 23-10-2009 10:21 PM

شوف أنت حتراجع كمان على كفاءة تثبيت الطلمبه على المكنه
يعنى حتعيد الرباطات
مش فاهم انت بتقول اية وهل اصدق تربيط العفشة انا مربط العفشة كويس ولا اصدق اية واعمل اية وفين